Aqaaid Course (Part-318)
Milad E Mustafa ﷺ Aur Hamare Aqeede :
Milad Kise Kahte Hain..?
Milad Bana Hai Wiladat Se, Wiladat Kahte Hain Paidaish Ko To Hum Sarkar ﷺ Ki Paidaish Ka Jo Din Tha 12 Rabi Ul Awwal Ka Jo Din Tha Isko Hum Bahut Mubarak Mante Hain Ye Sarkar ﷺ Ka Birth Date Hai To Hum Jab Hamare Birthdays Ko Itna Importance Dete Hain, Bachhon Ke Birthday Hame Bahut Pyare Hote Hain To Ye Sab Cheezein Hum Khaas Taur Par Ahtemaam Karte Hain Kyun? Kyunki Allah Ta'ala Ne Hame Zindagi Di Hai To Ye Birth Date Hai Is Din Ko Hum Allah Ki Nemat Mili Hai Ye Zindagi Mili Hai Bachhe Hamare Us Din Paida Huwe To Bachho Ki Nemat Hame Mili Hai To Ye Hum Khushi Manate Hain Birthdays Ko
To Jis Din Qaynat Ke Aaqa O Maula ﷺ Ko Allah Ta'ala Ne Is Duniya Me Bheja Woh Birthday Sarkar ﷺ Ka Mubarak Hoga Ya Nahi? Yaqeenan Hoga Na, Kyunki Allah Ki Jitne Bhi Nematein Hain Hum Count Kar Len Bataye Unme Sabse Badi Nemat Allah Ta'ala Ne Hame Kya Di Hai? Ek Martaba Aap Khamoshi Me Baith Kar Sochein Ki Allah Ta'ala Ne Hame Kya Kya Nematein Di Hain Aap Gin Sakenge? Jism Diya Hai Saasein Di Hai, Jo Body Parts Hai Woh Salamat Hai, Khane Ko Diya, Peene Ko Diya Ye Tamaam Cheezein Di Lekin..!! In Nematon Me Se Agar Sabse Badi Nemat Agar Allah Ta'ala Ne Aap Ko Di Hai, Hame Di Hai To Woh Ye Hai Ki Apne Habeeb Ko Hamare Darmiyan Bheja Hai Aur Hame Sarkar ﷺ Ka Ummati Bana Kar Bheja Hai Aap ﷺ Par Imaan Lane Ka Allah Ta'ala Ne Jo Taufeeq Diya Hai Aur Apni (ALLAH TA'ALA) Zaat Par Jo Iman Lane Ki Taufeeq Allah Ta'ala Ne Di Hai Ye Zindagi Ki Sabse Badi Nemat Hai Agar Ye Salamat Hai To Fir Sab Kuch Salamat Hai Aur Agar Yahi Salamat Na Ho Iske Alawa Jitni Bhi Nemat Aap Ko Mil Jaye Sab Bekar Hai
Zindagi Me Agar Koi Priority Deni Hai Kitna Bhi Mushkil Waqt Aa Jaye Ya Kuch Bhi Ho Jaye Matter Kabhi Choose Karne Ka Bhi Aa Jaye Na Ki Nemat Hame Kon Si Chunni Hai To Hamesha Yaad Rakhein Sabse Pahle Hum Usi Nemat Ki Taraf Nigah Karenge Jahan Par Sarkar ﷺ Ki Zaat Hame Nazar Aaye Kyun Ki Agar Ye Salamat Hai To Sab Kuch Salamat Hai Kyun Ki Hamara Aqeeda Kya Hai Ki Hamare Rasulullh ﷺ Sab Kuch Dene Wale Hain Agar 10 Nematein Hamari Tabah Ho Jati Hain Chhin Jati Hain Ye Hamare Aaqa Woh Aaqa Hain Ki Hame 10 Ke Badle 100 Bhi Ata Kar Den To Hamesha Uski Taraf Hum Nigah Karenge Us Cheez Ki Taraf Badhenge Jahan Par Rasulullah ﷺ Ki Zaat Hame Nazar Aaye
Sarkar ﷺ Allah Ki Woh Nemat Hame Di Gai Hai Jiska Kabhi Bhi Ahsaan, Hum Allah Ta'ala Ke Kisi Nemat Ke Hum Ahsan Pura Nahi Kar Sakte Jitni Bhi Ibadat Kar Len, Lekin..!! Jo Khaas Rasulullah ﷺ Hame Nemat Ban Kar Mile Hain Na Iska To Hum Soch Bhi Nahi Sakte To Itni Badi Nemat Allah Ta'ala Ne Jis Din Me Hame Ata Farmayi Woh Din Hame Kitna Mahboob Hona Chahiye To Isliye Hum Is Din Ko Bahuttt Bahuttt Bahuttt Zyada Importance Dete Hain Rabiun Noor Ke Din Ko Ki Is Din Sarkar ﷺ Is Duniya Me Tashreef Laye Aur Aap ﷺ Ki Ye Birth Date Hai Isliye Hum Isko Bahut Zyada Respect Dete Hain Khushiyan Manate Hain To Ye Khushyion Ka Din Hota Hai.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
To Milad Me Hota Ye Hai Ki Hum Is Din Khush Hote Hain Ki Hamare Pyare Aaqa ﷺ Is Duniya me Hamare Paas Tashreef Laye Rahmatein Shafqatein Karam Nawaziya Lete Huwe Aaye Is Din Hum Khushiyan Manate Hain, Aur Kya Karte Hain Isme? Isme Hum Khushi Ke Different Different Cheez Karte Hain Ab Jaise Kisi Ka Birthday Ho To Hum Kya Karte Hain Normally Jaise Bachhon Ka Hai To Fir Balloon Se Decorate Kar Liya Cake Wagaira Hai To Woh Cut Kar Liya Jo Jaiz Cheezein Hain, Main Ye Nahi Kahti Music Dance Ye Woh Nahiii Jo Jaiz Cheeze Hain Woh Kar Liya Kuch Achha Paka Liya To Ye Hamare Different ways Hote Hain Ki Hum Express Karte Hai Hamari Khushi Ko.
Isi Tarah Sarkar ﷺ Ke Milad Ka Jo Din Hota Hai Isme Hum Different Tareeqe Ka Hamari Khushi Ka Izhar Karte Hain Hum Sarkar ﷺ Ke Wiladat Ke Waqiyat Zikar Karte Hain Ki Aap Ki Paydaish Itni Khoob Surat Rakhi Hai To Iska Discussion Hota Hai Aap Ki Pyari Pyari Jo Qualities They Unka Zikar Hota Hai Sarkar ﷺ Ne Apni Ummat Ko Kya Kya Diya Hai Kitna Bada Ahsan Kiya Hai Uska Zikar Karte Hain Yahi Sab Karte Hain Na? Aur Ye Sab Kaam Najaiz To Nahi Hai? Fir Jhhande Lagate Hain Lightings Karte Hain Normal Birthday Ho Bachhe Ka Balloon Wagaira Lightings Wagaira Karte Hain
Fir Ye To Sarkar E Qaynat ﷺ Ke Aamad Ka Din Tha To Us Din Hum Lightings Karenge Hi Jhande Lagate Hain Ye Hamare Decoration Ka Andaz Hota Hai Fir Juloos Nikala Jata Hai Ye Juloos Bhi Sarkar ﷺ Ki Muhabbat Me Hota Hai Isme Koi Hum Najaiz Kaam Ke Hargiz Hargiz Kayil Nahi Hain Agar Koi Isme Najaiz Dalta Hai To Woh Jisne Dala Hai Woh Galat Hai Juloos Jo Finafsihi Hota Hai Woh To Jaiz Hai Jisme Naat E Wagaira Padhte Huwe Log Jate Hain Aurte Wagaira Shamil Na Ho Bepardgi Wagaira Na Ho To Bilkul Jaiz Hai
To Isme Different Andaaz Me Hum Milad Manate Hain Khushiyan Manate Hain Aur Khushiyan Manana Hamare Liye Jaiz Hai To Ye Hai Milad Ka Concept Sarkar ﷺ Ki Tashreef Aawri Ka Din Hai Aur Is Din Hum Sarkar ﷺ Ka Hi Zikar Karte Hain Aur Kuch Nahi Sirf Aur Sirf Sarkar ﷺ Ka Zikr Aur Khushi Ab Agar Koi Is Par Naraaz Hota Hai To Aap Samajh Len Woh Kisse Naraz Hota Hai Woh Sarkar ﷺ Ki Zaat Se Naraz Hai معاذ الله Uska Dil Hi Kharab Hai, Jiska Dil Kharab Hoga Woh Is Tarah Ki Baat Karega Ki Aap Khushi Na Manao Ye Na Karo To Milad Bas Itna Hi Hai.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Aap ﷺ Jis Din Is Duniya Me Tashreef Laye Woh Din Hamare Liye Sabse Zyada Pyara Hai Eidul Fitr Se Bhi Zyada Pyara Hai Eidul Azha Se Bhi Zyada Pyara Hai Sab Dino Me Zyada Pyara Hamare Liye Woh Din Hai Ki Jis Din Hamare Aaqa O Maula ﷺ Is Duniya Tashree Laye To Jab Hum Har Chhoti Badi Cheez Par Koi Achhi Cheez Hame Hasil Hoti Hai To Khushi Manate Hain To Sarkar ﷺ Ki Tashreef Aawri Par Bhi Manaa Sakte Hain Jab Yahan Par Mana Nahi Hai To Wahan Par Bhi Mana Nahi Hoga
Ab Quraan O Hadees Se Daleel Ki Taraf Aate Hain : Quraan E Majeed Me Allah Ta'ala Irshad Farmata Hai Surah Aale Imraan Aaya No. 81
وَ اِذْ اَخَذَ اللّٰهُ مِیْثَاقَ النَّبِیّٖنَ لَمَاۤ اٰتَیْتُكُمْ مِّنْ كِتٰبٍ وَّ حِكْمَةٍ ثُمَّ جَآءَكُمْ رَسُوْلٌ مُّصَدِّقٌ لِّمَا مَعَكُمْ لَتُؤْمِنُنَّ بِهٖ وَ لَتَنْصُرُنَّهٗؕ-قَالَ ءَاَقْرَرْتُمْ وَ اَخَذْتُمْ عَلٰى ذٰلِكُمْ اِصْرِیْؕ-قَالُوْۤا اَقْرَرْنَاؕ-قَالَ فَاشْهَدُوْا وَ اَنَا مَعَكُمْ مِّنَ الشّٰهِدِیْنَ(81)
Aur Yaad Karo Jab Allah Ne Paighammbaro Se Unka Ahad Liya Jab Main Tumko Kitaab Aur Hiqmat Doon Fir Tumhare Paas Woh Rasool Tashreef Laye Jo Tumhari Kitabon Ko Tasdeeq Farmaye To Tum Zaroor Zaroor In Par Imaan Lana Aur Zarur Zarur Inki Madat Karna Farmaya Kya Tumne Ikrar Kiya Aur Is Par Mera Bhari Jimma Liya Sab Ne Arz Ki Humne Ikrar Kiya Farmaya To Ek Dusre Par Gawah Ho Jao Aur Main Khud Tumhare Sath Gawaho Me Hoon.
Ye👆🏻 Bahut Hi Pyari Aayte Mubarka Hai Aala Hazrat Ne Iski Bahut Pyari Tafseer Ki Hai Ki Ye Aayat Mubarka Sarkar ﷺ Ki Jo Aala Shaan Hai Isko Behtreeen Tariqe Se Zahir Farmati Hai Ye Bhi Zahir Farmati Hai Ki Sarkar ﷺ Ka Martaba Tamaan Nabiyon Se Zada Hai Isi Aayte Mubarka Se Sarkar ﷺ Ka Khatamunnabiyyeen Hona Sabit Hota Hai Isse Milad E Mubaraka Karna Bhi Sabit Hota Hai Isse Naat Goi Bhi Sabit Hoti Hai Ye Aayte Mubarka Bahut Sare Topics Ko Andar Li Huwi Hai
Lekin..!! Main Aap Ko Yahan Par Samjhati Hoon Ki Kya Ho Raha Hai : Allah Ta'ala Ne Nabiyon Se Rasoolon Se Wada Liya Tha Ki Jab Tumhare Paas Mera Woh Rasool Tashreef Laye Yani Yahan Par Sarkar ﷺ Ki Baat Chal Rahi Hai Ki Jab Woh Rasool ﷺ Tashreef Laye Jo Tumhari Kitabon Ki Tashdeeq Kare Yani Tum Par Jo Kitabe Nazil Huwi Hain Unke Bare Me Ye Kahe Ke Ye Kitabe Sachhi Thi Jaise Musa Alaihissalam Par Taurait Nazil Huwi, Isa Alaihissalam Par Injeel Nazil Huwi To Inke Bare Me Sarkar ﷺ Ne Tashdeeq Di Hai Sarkar ﷺ Ne Bataya Hai Ki Ye Bhi Allah Ta'ala Ki Kitabe Thi Aur Ye Musa Alaihissalam Par Nazil Huwi Woh Isa Alaihissalam Par Nazil Huwi Aur Zaboor Daood Alaihissalam Par Nazil Huwi Ye Is Tarah Sarkar ﷺ Ne Wazahat Ki Iski Tasdeeq Farmayi.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
To Allah Ta'ala Yahi Farma Raha Hai "Tumhare Paas Woh Rasool Tashreef Laye Jo Tumhari Kitabon Ki Tasdeeq Karen, Allah Ta'ala Kya Farma Raha Hai Ambiya Se : To Tum Zaroor Zaroor In Par Inmaan Lana Yani Sarkar ﷺ Par Iman Lana Aur Sarkar ﷺ Ki Madad Karna, Sarkar ﷺ Ki Madad Karna Matlab Yani Sarkar ﷺ Jo Ahkaam E Sharia Bayan Karen Usko Follow Karna Aur Unke Saath Unke Deen Ki Tableegh Karna Yani Jab Sarkar ﷺ Tashreef Layege To Tamaam Ambiya Par Allah Ta'ala Ne Lazim Farma Diya Ki Woh Sarkar ﷺ Par Imaan Bhi Laye Gein Unko Aakhri Rasool Bhi Janegein Aur Sarkar ﷺ Ki Madad Is Taur Par Karenge Ki Jo Sarkar ﷺ Bayan Farmayenge Jis Par Amal Karenge Aur Logon Par Isi Ki Targeeb Denge To Iska Allah Ta'ala Ne Ambiya Kiraam عَلَیْھِمُ الصَّلٰوةُ وَالسَّلَام Se Wada Le Liya Tha Bahut Pahle
To Allah Ta'ala Ne Ambiya Se Wada Le Kiya Aur Jab Allah Ta'ala Se Tamam Ambiya Kiraam عَلَیْھِمُ الصَّلٰوةُ وَالسَّلَام Ne Ikraar Kiya To Fir Allah Ta'ala Ne Ambiya Ko Bata Diya Ke Tum Aapas Me Gawah Ho Jao Ki Tumne Ikraar Kiya Hai Aur Allah Ta'ala Khud Bhi Farma Raha Hai Ki Main Bhi Is Wade Par Gawah Ban Gaya Hoon Yani Isse Mukarna Nahi Hai Gawah Ho Gaye To Ab Is Wade Se Mukarna Nahi Hai Ab Yahan Par Dekhen Ambiya Kiraam عَلَیْھِمُ الصَّلٰوةُ وَالسَّلَام To Mukarne Se Paak Hain Na Wada Karne Ke Baad Wada Khelafi Se Paak Hain Ambiya Kiraam عَلَیْھِمُ الصَّلٰوةُ وَالسَّلَام Gunahe Kabeera Se Bhi Paak Hote Hain Gunahe Sageera Se Bhi Paak Hote Hain To Ye Sirf Sarkar ﷺ Ki Shaan Ko Zahir Karne Ke Liye Allah Ta'ala Ne Farmaya Hai Ki Wada Kar Liya To Ab Wade Se Mukar Na Jana
Yani Dekhiye Allah Ta'ala Jab Koi Hukum Farma Deta Hai Na To Ambiya Kiraam عَلَیْھِمُ الصَّلٰوةُ وَالسَّلَام Woh Paak Hastiyan Hain Ki Us Hukum Ki Kabhi Bhi Khilaf Warzi Nahi Karte Uska Opposite Nahi Karte Woh Hamesha Usko Follow Karte Hain Fir Bhi Allah Ta'ala Ne Yahan Par Wada Bhi Liya Aur Gawah Bhi Banaya Aur Khud Farmaya Ki Main Bhi Gawah Hoon Aur Yun Farmana Ki Zaroor Zaroor In Par Imaan Lana Zaroor Zaroor Inki Madad Karna Ye Tamaam Cheezen Ye Sirf Is Baat Ko Zahir Karne Ke Liye Hai Ki Hamare Aaqa ﷺ Ki Shaan Bahut Badi Hai Nabiyon Me Bhi Bahut Zyada Bada Hai To Ambiya Kiraam عَلَیْھِمُ الصَّلٰوةُ وَالسَّلَام Ke Samne Sarkar ﷺ Ki Shaan Ko Zahir Farmane Ke Liye Aur Baad Me Quraan E Majeed Me Jo Ye Aayte Mubarka Aai Hai Isse Tamam Logon Ke Darmiyan Sarkar ﷺ Ki Shaan Sarkar ﷺ Ke Martabe Ko Zahir Karne Ke Liye Allah Ta'ala Ne Is Tarah Farmaya Hai
To Ab Dekhiye Ye To Aayat Maine Aap Ko Zimnan Samjha Di Ki Ye Aayat Kya Hai, Lekin..!! Isme Hum Asal Me Dhood Rahe They Milad E Mustafa ﷺ Ki Daleel, Ab Dekhiye Yahan Par Allah Ta'ala Ne Farmaya Na Ki Jab Woh Rasool Tashreef Laye To Ab Ye Kya Hai? Tashreef Lana Yani Jab Sarkar ﷺ Ki Wiladat Ho Aap ﷺ Ka Milad Ho Birth Ho Uske Baad Hi To Ambiya Kiraam عَلَیْھِمُ الصَّلٰوةُ وَالسَّلَام Aap ﷺ Ke Zamane Me Agar Maujood Hote To Yani Baraherast Logon Ke Samne Hi Imaan Late Warna To Unho Ne Apni Ummaton Ko Samne To Bata Diya Tha Ki Aakhri Nabi ﷺ Aane Wale Hain Aur Unko Bhi Takeed Kar Di Thi Ki Agar Hamare Baad Woh Tashreef Laye To Tum Zaroor Un Par Imaan Lana Sarkar ﷺ Ki Madad Karna Ye Unho Ne Guidance De Di Thi
To Ye Yahan Par Kya Ho Raha Hai? Yahan Par Asal Me Sarkar ﷺ Ke Milad Ka Hi Zikar Ho Raha Hai Tashreef Lana Milaad Manana Ye Ek Hi Meaning Me Hai To Yahan Khud Allah Ta'ala Sarkat Ki ﷺ Wiladat Ka Zikar Farma Raha To Quraan Se Sabit Ho Gaya Ki Jab Allah Ta'ala Sarkar ﷺ Ki Milaad Ka Zikar Kar Sakta Hai To Hum Kyun Nahi Kar Sakte? Bilkul Kar Sakte Hain.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Isi Tarah Allah Ta'ala Quraan E Majeed Me Irshad Farmata Hai Surah Tauba Aayat No. 128
لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(128)
Beshak Tumhare Paas Tashreef Laye Tum Me Se Woh Rasool Jin Par Tumhara Mashaqqat (Taqleef) Me Padna Gira Hai (Difficult Hai) Tumhari Bhalai Ke Nihayat Chahne Wale Hain Aur Musalmano Par Kamal Maherban Hain
Dekhiye Isme Bhi Allah Ta'ala Farmaya Hai لَقَدْ جَآءَكُمْ Beshak Tumhare Paas Tashreef Laye, To Ye Tashreef Lane Ka Zikar Ho Gaya Sarkar ﷺ Ki Aamad Ka Zikar Ho Gaya Is Duniya Me Birth Ka Ye Zikar Ho Gaya Na To Yahi To Milad Hota Hai, Milad Me Karte Kya Hain Hum? Milad Me معاذ الله Kya Naach Gana Hota Hai? Koi Ajeeb O Gareeb Cheez Hoti Hai? Nahii, Balki Milad Ki Mahfil Me Hum Sarkar ﷺ Ke Khoobsurat Jo Paydaish Ke Maamlat Hain Jo Duniya Me Kisi Ki Bhi Aisi Wiladat Nahi Huwi Jo Sarkar ﷺ Ki Wiladat Ki Tarah Hai, To Sarkar ﷺ Ki Wiladat Me Jo Khoobsurat Cheez Pesh Aai Thi Jo Jo Mojzaae Nazar Aaye Aas Paas Unka Zikar Hota Hai, Sarkar ﷺ Ki Naat Hum Padhte Hain Aur Sarkar ﷺ Ki Respect Karte Hain Yahi To Hota Hai Na..
To Yahan Par Bhi Dekhein Aayte Mubarka Me Kya Hai Allah Ta'ala Ne Sarkar ﷺ Ke Aane Ka / Is Duniya Me Tashreef Lane Ka Zikar Kiya Aur Sarkar ﷺ Ki Naat Bayan Farmayi To Hum Bhi To Wahi Kar Rahe Hain Na, To Is Aayat E Mubarka Se Maloom Huwa Ki Quraan E Majeed Me Sarkar ﷺ Ke Is Duniya Me Tashreef Aane Ka Zikar Hai Jab Quraan E Majeed Me Allah Ta'ala Ne Zikar Farma Diya To Hum Bhi Usi Ki Payrwi Karte Huwe Milad Me Sarkar ﷺ Ke Aane, Duniya Me Tashreef Lane Ka Zikar Karte Hain Un Waqiyaat Ko Bayan Karte Hain Aur Woh Waqiyaat Bhi Wahi Hote Hain Jo Quraan O Hadees Se Hain Aysa Nahiii Hai Ki Khud Bana Kar Bata Rahe Hain, To Yahi Zikar Karte Hain Aur Naat Sarkar ﷺ Ki Bayaan Karte Hain
To Ye Quraan E Majeed Se 2 Aayte Mubarka Me Maine Jo Aane Ka Zikar Tha Ye Aap Ko Bata Di, To Ye 2 Daleel De Di Warna Bahut Sari Aayat Hai.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Isi Tarah Puchhte Hain Na Ki Kya Sarkar ﷺ Ne Milad Manaya Hai? Kya Sahaba Ne Milad Manaya Hai? Kya Tabaeen Ne Manaya hai?
Balki Hum To Kahte Hain Ki Sabiqa Ambiya Kiraam عَلَیْھِمُ الصَّلٰوةُ وَالسَّلَام Ne Bhi Manaya Hai Aur Unki Ummatiyon Ne Bhi Manaya Hai, Ye Tumhari Badbakhti Hai Ki Tum Sarkar ﷺ Ke Ummati Ho Kar Nahi Manate Warna isse Pahle Jo Ambiya Kiraam عَلَیْھِمُ الصَّلٰوةُ وَالسَّلَام Guzre Hain Unho Ne Bhi Sarkar ﷺ Ka Milad Manaya Aur Unke Jo ummati they Unho Ne Bhi Sarkar ﷺ Ka Milad Manaya,
Ye Baat Kahan Se sabit Hai.? Hazrate Sayyiduna AbdullaH Bin Abbas رضی الله تعالی عنه Se Riwayat Hai Ye Sarkar ﷺ Ke Chacha Ke Bete Hain Woh Farmate Hain Ki Hamesha AllaH Ta'ala Ne Nabi e Kareem ﷺ Ke Bare Me Aadam Alaihissalam Aur Inke Baad Sab Ambiya عَلَیْھِمُ الصَّلٰوةُ وَالسَّلَام Se Pesh Goi Farmata Raha Yani Aadam Alaihissalam Sabse Pahle Nabi Hain Zahir Hone Ke Aytbar se To Aap Se Le Kar Jitne Bhi iske Baad Ambiya Aaye Sab se AllaH Ta'ala Ne Sarkar ﷺ Ke Bare Me Pesh Goi Farmayi Yani Sarkar ﷺ Ke Bare Me Sab Nabiyon se Kalaam Farmaya Hai
Aur Pahle Se Sab Ummatein Huzoor ﷺ ki Tashreef Aawri Par Khushiyan Manati Aap Ke Tawassul Se Aap ke Wasile Se Apne Aadaa Yani Apne Dushmano se Fatah Mangti Aayi Hain Yahan Tak Ki AllaH Ta'ala Ne Huzoor ﷺ Ko Behtareen Ummat Behtareen Zamana Behtareen Ashaab Aur Behtareen Shaher Me Zahir Farmaya سبحان الله Kitni Pyari Hadees Hai Khasaisul Kubra Jild 1 Safha 16 Hazrate AbdullaH Bin Abbas رضی الله تعالی عنه Farma Rahe Hain Ki Aadam Alaihissalam Se Le Kar Jitne Nabi Aaye Hain Unme AllaH Ta'ala Ne Sarkar ﷺ Ke Bare Me Zikar Farmaya Hai Ki Ek Nabi Aane wale Hain.. Ek Nabi Aane Wale Hain Aur Us Nabi Ki Pyari Pyari Khaslatein Bayan Ki Hain Pyare pyare Qualities Un Ambiya Ke Samne Zahir Farmaya Hai To AllaH Ta'ala Ki Taraf Se Ye Milad Ka Ek Silsila Ho Gaya.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Isi Tarah Ye Ambiya Kiraam عَلَیْھِمُ الصَّلٰوةُ وَالسَّلَام Ki Jo Ummatein Thi Na Ye Ambiya Kiraam عَلَیْھِمُ الصَّلٰوةُ وَالسَّلَام Apni Ummaton Se Kahte They Ki Ek Aakhri Nabi Aane Wale Hain Unke Qualities Ye Hain To Sunte Hain Abhi Main Kahun Ki Aaj Bayan Ke Liye Ek Fula Baji Aane Wali Hain Woh Is Tarah Hain Unke Qualities Ayse Hain Agar Main Kahun To Sab Ke Dil Me Khowahish Hogi Na Ki Agar Itni Achhi Hai To Hum Bhi Sune Ek Intezar Hota Hai
To Ambiya Kiraam عَلَیْھِمُ الصَّلٰوةُ وَالسَّلَام Jab Apni Ummaton Ke Paas Sarkar ﷺ Ka Zikar Karte Aap Ke Aane Ki Khabrein Dete To Ye Kya Huwa? Ye To Milad Hi Ki Mahfil Huwi Na? Ambiya Ke Milad Ki Mahfil Huwi Jo Woh Ummaton Ke Samne Bayan Karte They Usme Sarkar ﷺ Ke Aane Ka Zikr Aur Sarkar ﷺ Ke Qualities Ka Zikr To Yun Karte To Unki Ummaton Me Bhi Woh Khowahish Hoti Aur Woh Sarkar ﷺ Ke Aane Ka Intezar Karte Aur Khushiyan Bhi Manate To Ye Khushiyan Manana Kya Hai? Ye To Milad Hai Na.. Sarkar ﷺ Ke Aane Par Khushi Manana Milad Hai Aur Itna Hi Nahi Balki Sarkar ﷺ Ke Waseele Se Duaa Mangte They Aaj To Waseele Ka Bhi Inkar Hota Hai Ki Sarkar ﷺ Ke Waseele Se Na Duaa Mango Yun Na Kaho Ke Allah Ta'ala Sarkar ﷺ Ke Sadqe Me Mujhe Moaf Farma De Is Tarah Kahna Shirk Hai معاذ الله Sarkar ﷺ Ka Ummati Ho Kar Ye Zumla Kah Raha Hai,
Pichhli Ummaton Ka Haal Dekhen Woh Apne Dushmano Par Jab Chahte They Ki Jihad Wagaira Me Jaye Aur Hame Fatah Naseeb Ho To Woh Sarkar ﷺ Ke Waseele Se Duaa Manga Karte They Ki Allah Ta'ala Hame Aakhri Nabi ﷺ Ke Sadqe Me Fatah Ata Farma Aur Woh Kamyab Bhi Ho Jate They Sarkar ﷺ Ke Waseele Se Duaa Mangte Aur Allah Ta'ala Unki Duaao Ko Qubool Bhi Farmata Aur Is Tarah Ye Silsila Zari Raha Hazrate Aadam Se Le Kar Hazrate Isha Alaihissalam Tak Ka Ye Mamla Zari Raha Yahan Tak Ki Fir Allah Ta'ala Ne Sarkar ﷺ Ko Behtareen Ummat Ke Saath Bhi Bheja, Behtareen Zamane Me Bhi Bheja, Behtareen Sahaba Kiraam رضی الله تعالی عنهم Ke Darmiyan Bheja, Behtareen Shaher Me Bheja Ye Sarkar ﷺ Ki Mubarak Shaan Hai Ki Har Behtar Cheez Ke Sath Allah Ta'ala Ne Sarkar ﷺ Ko Is Duniya Me Bheja Hai To Ye Milad Ka Zikar Hai.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Isi Tarah Sunane Darimi Ki Riwayat Hai Hazrate Ibne Abbas Rawi Hain Inse Marwi Hai Ki Inho Ne Kabul Ahbar رضی الله تعالی عنه Ye Ek Aur Sahabi Hain Inse Puchha Ki Aap Ne Taurat Me Nabi E Kareem ﷺ Ki Kya Sifaat Payi Hain, Kabul Ahbar Sahabi Hain Lekin Ye Yahudiyo Ke Bahut Bade Aalim They To Inke Paas Taurat Maujood Thi Aur Woh Taurat Ka Ilm Rakhte They To Inse Puchha Ki Aap Ne Taurat Shareef Padhi Hai To Isme Sarkar ﷺ Ki Kya Qualities Hai?
To Hazrate Kabul Ahbaar رضی الله تعالی عنه Ne Farmaya Humne Isme Paya Ki Muhammad Bin Abdullah (ﷺ) Makkatul Mukarrama Me Payda Honge Ye Taurat Me Likha Huwa Hai Unho Ne Bataya Makkatul Mukarrama Me Payda Honge Yani Taurat Me Bhi Sarkar ﷺ Ki Milad Ka Zikar Hai Makkatul Mukarrama Me Paida Hoge Fir Aage Farmate Hain Madina Tayyaba Ki Taraf Hijrat Karenge Shaam Me Inki Saltanat Hogi Aur Aap ﷺ Taan O Tashnee Karne Wale Nahi Hoge Yani Taunt Karne Wale Nahi Honge Ye Darkmi Ki Jild 1 Safha 158 Me Ye Hadeese Mubarka Maujood Hai
Isi Tarah Hazrate Kabul Ahbar رضی الله تعالی عنه Se Ek Aur Hadeese Mubarka Hai Hazrate Kabul Ahbar Taurat Shareef Se Hi Hiqayat Karte Huwe Taurat Shareef Ke Bare Me Bayan Karte Hain Ki Humne Isme Likha Huwa Paya Ki Muhammad (ﷺ) Allah Ke Rasool Hain Mere Pasandeeda Bande Hain, Na Bad Khalq Hain Yani Na Bure Akhlakh Wale Hain, Na Sakht Rawaiyya Hai Aur Na Hi Bazaaro Me Shor Karne Wale Hain Burai Ka Badla Burai Se Nahi Denge Balki Afw-o-Dar Guzar Farmayenge Yani muaf Farmayenge Burai Ka Badla Burai Se Nahi Balki Moaf Kar Ke Denge Aur Makka Me Payda Honge.
Dekhiye Fir Yahan 👆🏻Par Paydaish Ka Zikr Hai Makka Me Payda Honge Madina Tayyaba Me Hijrat Karenge Mulke Shaam Me Inki Saltnat Hogi Aur Aap Ki Ummat Badi Hamd Karne Wali Hogi Allah Ta'ala Ki Tareef Bayan Karne Wali Hogi Khush'haali Aur Tangi Me Allah Ta'ala Ki Hamd Karegi Ye Ummate Muhammadiya (ﷺ) Ki Tareef Allah Ta'ala Ne Taurat Me Farmayi Hai Dekhiye Sarkar ﷺ Ka Sadqa Dekhen Aap Ki Karam Nawazi Dekhiye Ummatiyon Par Jahan Jahan Par Allah Ta'ala Ne Pichhli Ummaton Ke Samne Sarkar ﷺ Ke Qualities Ka Zikar Farmaya Hai Na Wahan Par Sarkar ﷺ Ke Sadqe Me Hamara Zikr Bhi Allah Ta'ala Ne Taurat Me Farmaya Hai.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Ek Hadees Ka Khulasa Hai Ye Mishkat Shareef Jild 3 Safha 1606 Hai Isme Wiladat Ka Bhi Zikar Hai Sarkar ﷺ Ke Qualities Ka Bhi Zikar Hai Aur Sarkar ﷺ Ke Ummat Ke Bare Me Bhi Isme Maujood Hai, Sarkar ﷺ Ke Sadqe Me Allah Ta'ala Ne Ummatiyon Ko Kaisa Nawaza Hai Dekhein Ki Jahan Par Sarkar ﷺ Ki Shaan Taurat Me Musa Alaihissalam Ke Samne Zahir Farmaya Bani Israeel Ke Samne Zahir Farmaya Wahan Par Hum Ummatiyon Ka Bhi Achha Zikar Hi Farmaya Hai
To Allah Ta'ala Ka Farman Ye Hai Us Hadees Ka Khulasa Hai Ye : Ki Sarkar ﷺ Ki Ummat Khaire Ummat Hai Behtareen Ummat Hai Sabse Achhi Ummat Hai Aur Allah Ta'ala Ne Inko Aakhir Me Bheja Sabse Best Hai Lekin Inko Aakhir Me Bheja Kyu ? Kyun Ki Allah Ta'ala Ke Yani Farman Ka Khulasa Ye Hai Ki Main Nahi Chahta Tha Ki Ummate Muhammadiya Ke Aybon Ko Kisi Ummat Par Zahir Karun, Ab Dekhiye Jaise Bani Israeel Ke Waqiyat Hum Sunte Hain Quraan Majeed Me To Ye Kya Hai? Isme Bani Israeel Ki Nafarmaniyan Maujood Hain, Isha Alaihissalam Ki Jo Kaom Thi Unke Sath Unki Nafarmaniya Hain, Hazrate Ibraheem Alaihissalam Ka Waqiya Hai To Unki Nafarmaniyan Hain, Nooh Alaihissalam Ki Kaom Hood Alaihissalam Ki Kaom, Loot Alaihissalam Ki Kaom, Soleh Alaihissalam Ki Kaom In Tamaam Ka Zikar Quraan E Majeed Me Milta Hai Aur Sath Hi Sath Me Inke Ummat Me Jo Gunah They Unke Jo Ayeb They Uska Bhi Zikar Hai Hamko Dars Ke Liye Woh Bataya Gaya Hai
Lekin..!! Allah Ta'ala Ke Farman Ka Ye Khulasa Hai Ki Main Ye Pasand Nahi Farmata Ki Ummate Muhammadiya Ke Aybon Ko Kisi Aur Ummat Par Zahir Karun Isliye Ek Wajah Ye Bhi Hai Ki Inko Aakhri Ummat Bana Kar Bheja سبحان الله To Ye Sarkar ﷺ Ka Sadqa Hi Hai Na Hum Khaire Ummat Bane.. Allah Ta'ala Ne Hum Gunahgaro Ke Aybon Par Parda Rakha Hamare Saron Par Izzat Ka Taaj Sajaya To Kiske Sadqe Me Sajaya Hai? Sarkar ﷺ Ke Sadqe Me Sajaya Hai To Jab Hamare Aaqa ﷺ Ayse Shaan Wale Hain Ki Hum Par Itni Karam Nawaziya Hain Aaj Hamare Saron Par Taaj Hai To Unke Badaolat Hai To Us Aaqa ﷺ Ka Milad Agar Hum Nahi Manayegen To Fir Kon Manayega To Ye Pichhli Ummato Pichhli Kitaabon Me Jo Milaad Ka Zikar Tha Ye Maine Aap Ko Bata Diya.
Continue...
https://t.me/Aqaid_Course
Ubaid e Raza official
Milad E Mustafa ﷺ Aur Hamare Aqeede :
Milaad E Mustafa ﷺ Khud Sarkar ﷺ Ne Kaise Manaya Hai? Aur Iska Hukum Hame Kaise Diya Hai? Ye Sunte Hain
Mo'jamul Kabeer Jild 1 Safha 58 Me Hazrate Aayesha Siddiqua رضی الله تعالی عنها Se Riwayat Hai Farmati Hain Mere Samne Rasulullah ﷺ Aur Abu Bakar Siddique رضی الله تعالی عنه Ne Apne Apne Milad Ka Zikar Kiya To Ye Sarkar ﷺ Khud Apni Milad Ke Bare Me Bata Rahe Hain To Ye Wiladat Ke Bare Me Batana Hi Milad Hota Hai.
___ Isi Tarah Muslim Sharif Ki Jild 2 Safha 819 Me Hai Sarkar ﷺ Har Peer Ko Roza Rakha Karte They Hazrate Qatada رضی الله تعالی عنه Ne Is Din Roza Rakhne Ke Bare Me Sarkar ﷺ Se Suwal Farmaya Ki Aap Peer Ke Din Kyun Roza Rakhte Hain To Jawaban Sarkar ﷺ Ne Farmaya Ye Din Meri Wiladat Ka Din Hai Isi Din Main Maboos Kiya Gaya / Bheja Gaya Aur Isi Din Mujh Par Quraan Nazil Kiya Gaya, To Sarkar ﷺ Kya Farma Rahe Hain?? Ye Mere Wiladat Ka Din Tha Iski Khushi Me Sarkar ﷺ Roza Rakhte They Aur Isi Ki Pairwi Karte Huwe Sarkar ﷺ Ki Sunnat Par Amal Karte Huwe Hum Rabiul Awwal Ki 12vi Ko Roza Rakhte Hain, Jo Rakhna Chahe Rakh Sakte Hain Aur Jo Nahi Rakhte To Koi Harz Nahi Hai Rakkhe Ge To Bhi Sawab Hai Aur Nahi Rakhe Ge To Koi Gunah Nahi Hai
Isse Bhi Un Logo Ke Jawab Ka Radd Ho Gaya Jo Kahte Hain Ki Agar 12vi Aap Ke Liye Eid Hai To Fir Roza Kyun Rakhte Hain? Halanki Ki Eid Ke Din To Roza Nahi Rakhte Hain Na? To Dekhiye Roza Rakhne Ka Talluq Usse Hai Ki Jiska Shariat Ne Hame Hukum Diya Hai Jab Allah Ta'ala Farmayega Roza Rakkho To Hum Rakhenge Jab Mana Kar Diya Jayega Allah Aur Rasool Ki Tarah Se Ki In Dino Me Roza Nahi Rakhna Hai To Nahi Rakhege,
To Sawal To Ye Bhi Ho Sakta Hai Na Ki Ramzan Me Hi Kyun Rakhte Hain Dusre Waqt Farz Kyun Nahi Hai? Hai Na Is Tarah Ki Baaten Hoti Hain Halanki Aisa Nahi Hai Jab Allah Ta'ala Ne Hukum Diya Hai Roza Rakho To Hum Rakhenge Jab Allah Ta'ala Ne Hukum Diya Ki Na Rakho To Un Dino Me Hum Nahi Rakhenge Eidul Fitr Eidul Azha Ke Waqt Hame Hukum Hai Ki Roza Na Rakhe To Hum Roza Nahi Rakhte, Ha Inke Alawa Jo Din Hain Jinme Hame Aam Hukum Hai Chahe To Rakhen Chahe To Na Rakhen Usme Hame Option Hota Hai Aur Yahan Par Hame Maloom Ho Gaya Ki Sarkar ﷺ Apne Mubarak Wiladat Ke Khushi Me Roza Rakhte They To Uski Parwi Karte Huwe Hum Roza Rakhte Hain.
Continue...
https://t.me/Aqaid_Course
Ubaid e Raza official
Aqaaid Course (Part-328)
Milad E Mustafa ﷺ Aur Hamare Aqeede :
Isi Tarah Imaam Jalaluddeen Suyuti رحمتہ اللہ تعالیٰ علیہ Farmate Hain Ki Bahut Bade Ye Hadees Ke Aalim Guzre Hain Muhaddis Hain Farmate Hain Ki Mere Nazdeek Mahfil E Milaad Ki Asal Aap ﷺ Ka Ye Amal Hai Ki Is Par Inho Ne Ek Daleel Di Hai Milad Par Ki Aap ﷺ Ne Madinae Munawwara Me Allah Ta'ala Ka Shukr Ada Karte Huwe Apni Wiladat Ki Khushi Me Janwar Zibah Kiya To Ye Bhi Zikar Maujood Hai To Isse Bhi Milad Ka Tasawwur Milta Hai.
Sahaba Kiraam رضی الله تعالی عنهم Ne Milad Manaya Hai Ya Nahi.??
Nasaai Ki Riwayat Hai Jild 8 Safha 249 Hazrate Ameere Moawiya رضی الله تعالی عنه Bayan Farmate Hain Rasulullah ﷺ Sahaba Kiraam رضی الله تعالی عنهم Ki Ek Mahfil Me Tashreef Laye Ek Majlis Me Sahaba Kiraam Sab Baithey Huwe They Mahfil Lagi Huwi Thi Mahfil Me Sarkar ﷺ Tashreef Laye Sahaba Kiraam رضی الله تعالی عنهم Se Irshad Farmaya Kis Cheez Ne Tumhe Yahan Baithaya Hai Sarkar ﷺ Sahaba Se Puchh Rahe Hain Ki Tum Yahan Par Kyun Baithe Ho Ye Mahfil Hai To Kis Bare Me Hai Sahaba Kiraam رضی الله تعالی عنهم Arz Karte Hain Hum Yahan Is Liye Baithey Hain Yani Dusre Alfaz Me Kahun To Ye Mahfil Sajane Ka Maqsad Ye Hai Ki Hame Jo Allah Ta'ala Ne Deen E Islaam Ki Daulat Ata Farmayi Hai Aur Aap Ko Bhej Kar Hum Par Ahsaan Farmaya Is Par Iska Zikar Karen Aur Iska Shukr Ada Karen سبحان الله
Ab Batayn Ye Nasai Ki Riwayat Hai Sihae Sitta Me Se Ye Kitaab Itni Mutabar Ye Hadees Ki Kitaab Hai Sahaba Kiraam رضی الله تعالی عنهم Kya Farma Rahe Hain Hamare Mahfil Sajane Ka Maqsad Ye Hai Ki Allah Ta'ala Ne Deen E Islaam Jo Diya Hai Aur Aap Ko Hamare Darmiyan Jo Ek Ahsaan Bana Kar Bheja Hai Ek Nemat Bana Kar Bheja Hai To Is Pari Iska Zikar Bhi Hum Karen Aap Nemat Hain Iska Bhi Zikar Karen Aur Allah Ta'ala Ka Shukr Bhi Ada Karen To Ye Milad Ka Suboot Hai.
Ab Aage Sunen Sarkar ﷺ Farmate Hain Allah Ki Qasam Tum Sirf Isi Liye Baithey Ho To Sahaba Ne Arz Kee Ki Allah Ki Qasam Hum Sirf Isi Liye Baithey Hain Ki Deen E Islaam Ki Daolat Aur Aap Ki Aamad Ki Nemate Uzma Par Shukr Ada Karen To سبحان الله Sarkar ﷺ Ne Irshad Farmaya Aye Mere Sahaba Main Tumse Qasam Is Liye Nahi Le Raha Ki Mujhe Tum Par Shaq Hai Balki Muamla Ye Hai Ki Mere Paas Jibraeel علیہ السّلام Aaye Aur Mujhe Khabar Di Ki Tumhare Is Amal Par Yani Is Mahfil Ki Is Amal Par Allah Ta'ala Firishton Par Fakhr Farmata Hai سبحان الله Yani Allah Ta'ala Firishton Ke Samme Zahir Farma Raha Hai Dekhiye Kitni Pyari Mahfil Sarkar ﷺ Ke Sahaba Ne Sajai Hai To Ye Sarkar ﷺ Ke Sahaba Kiraam رضی الله تعالی عنهم Se Bhi Sabit Hai.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #01
Jaise Milad Shareef Ka Jo Moka Hota Hai Is Par Musalman Zikr E Mustafa ﷺ Karte Hain Sarkar ﷺ Ka Zikar Hain Wiladat Ka Zikar Karte Hain Ya Zindagi Ka Koi Aur Marhala Sarkar ﷺ Ke Jamaal Ka Zikar Karte Hain Aap Ki Khoobsurti Ka Zikar Karte Hain Is Tarah Alag Alag Cheezon Ke Bare Me Hum Zikar Karte Hain Naat Khowani Karte Hain Mahfil Ke Aakhir Me Hum Koi Cheez Khana Wagaira Logo Ko Khila Dete Hain Khushi Me Khana Khilate Hain Juloos Nikalte Hain Charaga Karte Hain Yani Lightings Karte Hain Jhhande Lagate Hain Roza Rakhte Hain Sadqa O Khairat Karte Hain Yahi Sab Cheez Karte Hain To Ye Tamaam Cheeze Kya Shariat Me Najaiz Hai Kisi Din.? Kya Aap Sarkar ﷺ Ka Zikar Nahi Kar Sakte معاذ الله
Maine Aap Ko Aayat Batai Na Jisme Allah Ta'ala Ne Farmaya Na Ki : Sarkar ﷺ Raoof Bhi Hain Raheem Bhi Hain Aur Sarkar ﷺ Ummatiyon Se Bahut Pyar Karte Hain Hamara Taqleef Me Padna Aap Ko Pasand Nahi Hai To Ye Tamaam Cheezein Sarkar ﷺ Ka Zikar Hi To Hai Allah Ta'ala Jab Sarkar ﷺ Ki Naat Bayan Kar Raha Hai To Hum To Sarkar ﷺ Ke Gulam Hain To Hamara Bhi To Haq Banta Hai Ki Hum Bhi Sarkar ﷺ Ki Naat Bayan Karen
Isi Tarah Kisi Musalman Ko Khana Khilana Achhi Niyat Se Ye Jaiz Hai Aur Juloos Me Bhi Dekhiye Juloos Ek Jagah Se Dusri Jagah Jata Hai Agar Isme Koi Najaiz Cheez Shamil Nahi Hai To Bataye Isme Kya Kharabi Hai.? Log Jama Ho Kar Ek Jagah Se Dusri Jagah Ja Rahe Hain Usme Allah Ta'ala Ka Zikr Kar Rahe Hain Sarkar ﷺ Ki Naat Padh Rahe Hain To Isme Problem Kya Hai.?
Haan Jo Isme Khurafaat Hai Jo Buri Cheez Hai Uska Hum Support Nahi Karte Jaise : Mard O Aurat Mil Kar Juloos Me Nikal Gai To Ye To Shariat Me Isiki Ijazat Hai Hi Nahi To Iski Ijazat Bhi Nahi Di Jayegi Lekin Iski Wajah Se Hum Juloos Ko Najaiz Nahi Kah Sakte Isme Kya Najaiz Cheez Hai? Bepardgi Najaiz Cheez Hai To Iska Radd Karen Ki Bepardgi Nahi Karna Isse Aap Kah Denge Ki Bhai Juloos Hi Nahi Nikalna Ye To Galat Baat Ho Gai Na To Ye Bepardgi Ko Mana Karenge.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #02
Isi Tarah Aaj Kal معاذ الله Naat Bayan Karne Ka Jo Silsila Hai Isko Logon Ne Ek ajab (अजब) Sa Bana Diya Hai Isko, Naat Kam معاذ الله Gane Ki Surat Zyaada Aa Raha Hai Yahan Par Dj Le Kar Aate Hain Naat Bhi Kuch Aise Tarz Me Padhna Ki Log Usko Gana Samajh Len معاذ الله Ye Galat Hota Hai, Aap Sarkar ﷺ Ki Shaan Bayan Kar Rahe Hain Na Aur Ye Allah Ta'ala Ne Aap Ko Aqal Ata Farmayi Hai Aap Ko Ye Taufeeq Di Hai Ki Aap Uske Habeeb Ki Shaan Bayan Karen To Fir Uska Adab Rakh Kar Bayan Karen Ye Nahi Ki Gano Ke Tarzon Par Ga Liya Aur Azeeb Ajeeb Typd Ke Tariqe Se Aaj Kal Log Naat Padh Rahe Hain Jisme Log Isko Ek Tareeqe Se Music Se Connect Karne Lag Gaye Hain Aur Jaise Musics Hote Hain Jisme Faast Faast Padhte Hain Na Is Tarah Ki Woh Manqabate Bhi Nikal Aayi Hain Aur Naat Is Tarah Ka Padh Rahe Hain Aur Woh Kahte Hain Ki Ye Sun Kar Log Gano Ki Taraf Nahi Jayenge Ye Kya Baat Huwi.?
Lekin..!! Asal Maqsad Naat Khwani Ki Hum Jo Bhi Manqawat Padhte Hain Ye Kis Liye Karte Hain? Taki Dil Me Ishq E Mustafa ﷺ Pyda Ho Woh Ruhaniyat Hame Feel Ho Koi Bahut Pyare Tarz Me Achhe Andaaz Me Muhabbat Se Sarkar ﷺ Ki Naat Padh Raha Hai Aankh Band Kar Kar Baithe Rahe Us Mahfil Me Us Asha'ar Ko Aap Samajh Rahe Hain To Aap Bataye Hamari Feelings Kya Hoti Hai Rona Aata Hai Ya Nahi.? Bhale Woh Sarkar ﷺ Ki Shaan Me Hi Bool Rahe Ho To Log Apne Aaqa ﷺ Ko Yaad Kar Ke Rote Hain Koi Unke Didar Ke Liye Taras Raha Hota Hai Koi Unki Ek Nigahe Karam Ke Liye Taras Raha Hota Hai Koi Madine Ko Yaad Kar Ke Ro Raha Hota Hai
To Ye Kis Cheez Se Aap Ko Rona Aa Raha Hai? Ye Woh Sarkar ﷺ Ki Naat E Mubarka Ki Nooraniyat Hai Jo Dil Par Asar Karti Hai Na To Woh Kayfiyat Hum Par Tari Hoti Hai, Achha Rote Hain Normally Agar Koi Gham Aa Jaye Aur Hum Roye To Hamara Dil Bechayen Hota Hai Lekin..!! Sarkar ﷺ Ki Yaad Me Banda Jitna Roye Na To Uska Dil Utna Hi Zyada Qaraar Pata Hai To Rone Me Bhi Ye Lutf Aa Raha Hai To Ye Kahan Se Aa Raha Hai Ye Naat Khowani Ki Barkat Hoti Hai Lekin Ye Barkat Usi Waqt Hansil Hogi Jab Hum Usko Sharaee Aytbar Se Padhenge To Jab Naat Khowani Ki Jaye To Adab Ke Saath Aur Achhe Andaaz Me Kiya Jaye Woh Dancing Wancing Style Me Na Ki Jaye Isko.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #03
Charaga Karte Hain Lightings Karte Hain Aur Lightnings Karna Jaiz Hai Isi Tarah Jhhande Wagaira Lagate Hain To Ye Khushi Me Lagate Hain Isme Koi Harj Nahi Hai.. Log Aaj Kal National Flag Lagate Hain Khushi Me To Kya Isko Aap Najaiz Bole Gen.? Kuch Najaiz Hai Nahi, To Fir Hum Sarkar Ki Mubabbat Me ﷺ Agar Jhhande lete Hain To Isme Kya Harj Ho Sakta Hai? In Tamaam Cheezo Ki Apni Apni Daleel Hai Lekin Sab Ke Liye Ek Badi Daleel Kafi Hai Aur Woh Hai Surah Yunus Ki 58
قُلْ بِفَضْلِ اللّٰهِ وَ بِرَحْمَتِهٖ فَبِذٰلِكَ فَلْیَفْرَحُوْاؕ-هُوَ خَیْرٌ مِّمَّا یَجْمَعُوْنَ(58)
Tum Farmao Allah Hi Ke Fazl Aur Uski Rahmat Aur Usi Par Chahiye Ke Khushi Kare Woh Unke Sab Dhan Daolat Se Behtar Hai
Yani Allah Ta'ala Ke Fazl Par Allah Ta'ala Ke Karam Par Allah Ta'ala Ki Rahmat Par Hame Khushi Karni Hai Aur Sarkar ﷺ Allah Ta'ala Ke Fazl Bhi Hain Hamare Liye Rahmat Bhi Hain Sarkar ﷺ To Rahmatullil Aalmeen Hain Aur Aap ﷺ Allah Ki Nemat Bhi Hain To Is Par Allah Ta'ala Ne Farmaya فَلْیَفْرَحُوْاؕ Hame Hukum Diya Gaya Ki Hum Khushi Manaye Allah Ta'ala Ne Kya Farmaya Khushi Manaye Ab Iske Aange Kya Allah Ta'ala Ne Koi Condition Lagai? Khushi Manana Hai To Isi Tarah Manana Hai.? Nahii Na, Bas Ek Unconditional Statement Quraan E Majeem Me Aa Gaya فَلْیَفْرَحُوْاؕ To Khushi Manao Tum Sab, Ye Amr Ka Siga Hai فَلْیَفْرَحُوْاؕ To Khushi Manayen,
To Khushi Manane Ka Koi Tareeqa Hame Quraan E Majeed Me Nahi Bataya Gaya Ki Isi Tarah Manana Hai Agar Is Tarah Manao Ge To Ye Najaiz Ho Jayega Banda Jis Bhi Tarah Me Khushi Manaye Chahe Mahfil Saza Kar Manaye Tanhai Me Manaye Khade Ho Kar Naat Padhen Baith Kar Padhe Salato Salaam Padhe Jhhande Nikale Juloos Nikale Jab Tak Ye Shariat Ke Daire Me Hai Allah Ta'ala Ke Hukum فَلْیَفْرَحُوْاؕ Iski Tameel Hi Kahlaye Gi Is Par Hi Hum Amal Kar Rahe Hain To Ye Ek Aayat Hi Aap Samajh Len Ki Kafi Hai In Tamaam Cheezon Ke Liye Kyun Ki Allah Ta'ala Ka Hukum Unconditional Hai
Agar Conditional Hota Ki Khushi Is Tarah Manani Hai To Fir Hum Par Lazim Ho Jata Ki Hum Usi Tarah Manaye Jab Allah Ta'ala Ne Unconditional Statement Quraan E Majeed Me Farma Diya Iska Matlab Ye Hota Hai Ki Bande Ko Ijazat Hai Ki Woh Jis Tarsh Shariat Ke Daire Me Rahte Huwe Mana Sakta Hai Manaye To Ye To Maine Aap Ko Ek Aayat Se Generally Samjha Di Ab Majeed Is Par Har Cheez Par Daleel Bhi Hai.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #04
Juloos Nikalne Ka Saboot : Muslim Shareef Me Hai Jild 4 Safha 2310 Jab Nabi E Kareem ﷺ Makka Se Hijrat Kar Ke Madina E Munawwara Me Dakhil Huwe To Madina Munawwara Me Jo Musalman Maujood They Inka Haal Ye Tha Ki Mard Aur Aurten Chhaton Par Chadh Gaye Bachhe Aur Gulam Rasto Me Phayel Gaye Aur Is Tarah Pukarte They Ya Muhammad Ya Rasool Allah (Ya Muhammad To Nahi Kahna Chahiye) Ya Rasool Allah ﷺ
Ab Dekhen Sarkar ﷺ Madina Aa Rahe Hain Sarkar ﷺ Ki Tashreef Aawri Ho Rahi Hai Aur Madina Wale Kaise Khusi Me Kah Rahe Hain Dekhen Ye Hum Madina Walon Se Hamara Connection Hai Na Hum Madina Wale Hain Isliye Hum Unhi Ke Amal Par Amal Karte Hain
Madina Paak Me Jab Sarkar ﷺ Tashreef Laye To Mard Aur Aurat Sab Chhaton Par Chadh Gaye Gulam Aur Bachhe Sab Raste Me Koi Pukar Raha Hai Ya Rasool Allah Ya Rasool Allah (ﷺ) Yani Khushi Me Sarkar ﷺ Ko Bula Raha Hai To Ye Khushiyan Manana Aur Ye Juloos Nikalna Hai Raste Me Ye Jo Bachhiya Thi Woh Ek Tareeqe Se Juloos Me Aa Gaye They To Yahan Se Sabit Hai Ki Khushi Ke Moke Par Juloos Nikalna Ye Sahaba Kiraam رضی الله تعالی عنهم Ka Tareeqa Hai.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #05
Ek Aur Bahut Pyari Riwayat Batati Hoon : Jab Ansaar Mahabbate Shiaar Ne Rasool Allah ﷺ Ki Hijrat Ki Khabar Suni Yani Jab Ansar Sahaba رضی الله تعالی عنهم Jo Madine Me They Unho Ne Sarkar ﷺ Ki Hijrat Ki Khabar Suni To Woh Rozana Madina e Munawwara Ki Chotiyon Par Aate Aur Aaftabe Jamale Muhammadi Ke Tulu Ke Muntazir Rahte They Yani Sarkar ﷺ Ka Mubarak Chahra Dekhne Ke Liye Intezar Karte Rahte Jab Suraj Garam Ho Jata Aur Dhoop Sakht Ho Jati To Gharo Ko Laot Jate Yani Itna Intezar Tha Khabar Makka Se Aa Gai Thi Sarkar ﷺ Ki Taraf Aa Rahe Hain To Rozana Woh Chadh Rahe Hain Upar Aur Intezar Me Hain Ki Abhi Sarkar ﷺ Aayenge... Abhi Sarkar ﷺ Aayenge... Abhi Sarkar ﷺ Aayenge Jab Bahut Tej Dhoop Ho Jati To Gharon Ko Laot Jate
Achanak Ek Yahudi Ki Jo Ki Ek Maqame Mukarrara Par Khada Huwa Tha Is Mubarak Jama'at Ko Quba E Qudoom Par Nazar Padi Ek Yahudi Ek Jagah Par Khada Ho Kar Achha Yahudi Bhi Khade They Woh Bhi Intezar Me They Aakhri Nabi ﷺ Ko Dekhna Tha Unho Ne To Peshan Goiyya Suni Thi Na Ki Aakhri Nabi ﷺ Aane Wale Hain To Ye Bhi Maojood Hote They To Ek Maqaam Par Ek Yahudi Khada Tha Usne Mubarak Jama'at Ko Aate Huwe Dekha To Usne Jaan Liya Ki Huzoor ﷺ Tashreef Le Aaye Hain To Qabila E Ansar Jo Ke Iske Kareeb Hi They Aawaz Di Ki Ye Aa Rahe Hain Tumhare Maqsood O Maqsad Yani Tum Jinke Liye Rozana Intezar Kar Rahe Ho Na Paas Me Jo Log They Unse Kaha Ke Tumhare Maqsad Jinke Liye Intezar Kar Rahe Ho Woh Aa Rahe Hain
Tamaam Musalman Apne Apne Hathiyaro Se Les Ho Kar Jitne Musalman They Na Wahan Par Jo Sarkar ﷺ Ke Hijrat Se Pahle Hi Imaan Laye They Air Intezar Me They Sab Hathiyar Le Kar Sarkar ﷺ Ki Istiqbal Ke Liye Nikal Pade Achha Aur Ye Kaise Ja Rahe Hain? Ek- Aaad Nahii, Pure Group Ho Kar Ja Rahe Hain Ek Juloos Nikal Raha Hai Istiqbal Ke Liye Sab Nikal Pade Aur Unhon Ne Harra Par Mulqaat Ki Ek Jagah Hai "Marhaba Ahlan Wa Sahlan" Kahte Huwe Mubarak Baad Dene Lage Aur Khushi Ka Izhar Karne Lage
Inka Har Jawan Har Bachha Har Aurat Har Mard Aur Har Chhota Bada Kahne Laga "Ya Rasool Allahi Wa Ja'aa Nabiyullahi" Allah Ke Rasool Tashreef Le Aaye Allah Ke Nabi Tashreef Le Aaye Hum Bhi To Yahi Kahte Hsin Na, Milad Ke Din Hum Kya Kahte Hain? Aamina Ka Laal Aaya Yahi To Kahte Hain Na Ki Sarkar ﷺ Tashreef Le Aaye To Is Tarah Woh Kah Rahe Rhey Ki Allah Ke Rasool Tashref Le Aaye Allah Ke Nabi Tashreef Le Aaye Aur Apne Aadat Ke Mutabiq Woh Khushi O Masarrat Se Uchhal Koodne Lage Yani Khushi Me Jhhumne Lage.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #06
Fir Bayan Karte Hain Ki Qabila E Bani Najjar Ki Jo Ladkiya Hain Huzoor ﷺ Ki Tashreef Aawri Ki Khushi Aur Shaadmani Me Daf Baja Rahi Thi Aur Gaati Huwi Nikal Aa Rahi Thi Woh Bacchiyan Ye Dekhiye Juloos Bhi Ja Raha Hai Aur Is Juloos Me Naate Mustafa ﷺ Bhi Gungunayi Ja Rahi Hai Aur Woh Bachhiyan Sarkar ﷺ Ki Shaan me Ash'aar Padhti Ja Rahi Thi To Iske Baad, Banu Najjar Ye Ek Taraf Se Sarkar ﷺ Ke Rishte Me Hain Yani Inka Talluq Biwi Sayyida Aamina رضی الله تعالی عنها Ke Saath Hain Huzoor ﷺ Ki Walida Se Ye Qabila Contact Me Tha To Woh Bahut Khushi Manati Thi Ki Sarkar ﷺ Hamare Qabeele Me Se Hain
To Iske Baad Sarkar ﷺ Ne Ansaar Ke Qabeelo Ko Jo Wahan Par They Unse Mukhatib Huwe Aur Aap Ne Farmaya Ki Kya Tum Mujhse Mahabbat Karte Ho Sab Ne Ek Zaban Ho Kar Kaha Yaqeenan Ya Rasulullah ﷺ Hum Aap Se Mahabbat Karte Hain Huzoor ﷺ Ne Farmaya Main Bhi Tumse Mahabbat Rakhta Hoon To Jo Ansaar Ke Qabeele Ki Parda Nasheen Aurte Thi Apni Apni Gharo Ki Chhato Par Darwazon Aur Galiyo Me Khadi Ho Kar Is Tarah Woh Alfaaz Ashaar Wagaira Padh Rahi Thi
طَلَعَ الْبَدْرُ عَلَيْنَا , مِنْ ثَنِيَّةِ الْوَدَاعِ
وَجَبَ الشُّكَرُ عَلَيْنَا , مَادَعَا للهِ دَاعِىْ
Or Baaz Riwayto Me Ye Ashaar Bhi Zikar Hai اَيُّهَا الْمَبْعُوْثُ فِيْنَا , جِئْتَ بِالْأَمْرِ المُطاَعِ Yani ثَنِيَّة Ek Ghhati Ka Naam Hai Ye Aurtein Kah Rahi Hain Ki Hum Par Ek Chand Tulu Huwa Hai ثَنِيَّةِ الْوَدَاعِ Se Ek Chand Tashreef Laya Hai Aur Hum Par Allah Ka Shukr Wajib Hai
To Ye Milaad Is Tarah Sahaba Kiraam رضی الله تعالی عنهم Ne Manaya Aur Isme Juloos Ka Bhi Zikar Maujood Hai Ki Madine Ke Jo Ansaar Sahaba They Unho Ne Juloos Nikale Aur Is Juloos Me Naat Wagairah Bhi Unho Ne Gungunayi Ye Tamaam Detail Madarjun Nabuwwah Jild 2 Safha No. 105-106 Me Iski Poori Tafseel Maujood Hai To Ye Juloos Ka Saboot Ho Gaya.
Continue...
https://t.me/Aqaid_Course
Ubaid e Raza official
Milad Me Hum Jo Amal Karte Hain Iska Saboot #07
Ab Jhhande Lagane Ka Bhi Saboot : Sarkar ﷺ Ki Walida E Muhtarma Sayyadtuna Aamina رضی الله تعالی عنها Farmati Hain Maine Dekha Yani Sarkar ﷺ Ke Paydaish Ke Bare Me Farma Rahi Hain Ki Maine Dekha Ki Teen Jhhande Nasab Kiye Gaye Hain Teen Jhhande Lagaye Gaye Hain Ek Mashriq Me Ek Dusra Maghrib Me Aur Teesra Kabe Ki Chhat Par To Huzoor E Anwar ﷺ Ki Wiladat Ke Time Ka Aap Bayan Farma Rahi Hain Ki Aap Ne Dekha Ek Mashriq Me Jhhanda Lagaya Hai Ek Maghrib Me Jhhanda Lagaya Aur Ek Kabe Ki Chhat Par Lagaya Huwa Hai Aur Isi Daoran Sarkar ﷺ Is Duniya Me Tashreef Le Aate Hain To Ye Jhhande Lagana Is Hadees Se Sabit Hai Aur Ye Khasaisul Kubra Jild 1 Safha 82 Par Ye Hadees Maojood Hai.
Continue...
https://t.me/Aqaid_Course
Ubaid e Raza official
Aqaaid Course (Part-337)
Milad Me Hum Jo Amal Karte Hain Iska Saboot #08
Jhhande Lagane Ka Bhi Saboot : Isi Tarah Dekhiye Sarkar ﷺ Jab Madina Hijrat Farma Rahe They Aur Madina Paak Ke Kareeb Mojjae Ghameem Nami Ek Jagah Hai Wahan Par Pahunche To Bareeda Aslami Ek Shakhs Hain Jo Baad Me Sahabiyat Ke Darje Par Pahunche Jab Sarkar ﷺ Ke Paas Ye Aaye To Ye Yani Ye Jo Main Ye Waqiya Bayan Kar Rahi Hoon Us Waqt Ye Imaan Nahi Laye They To Bareeda Aslami Ye Qabila E Bani Saham Ke Sattar Sawar Le Kar Sarkar ﷺ Ko معاذ الله Giriftar Karne Aaye They Magar Sarkar E Aali Wakaar ﷺ Ke Nighahe Faiz Aap Ki Nighahe Karam Ka Asar To Dekhen Khud Hi Muhabbate Shahe Abrar Me Woh Giriftar Ho Gaye Yani Sarkar ﷺ Ne Bas Unki Taraf Dekha Aur Unke Dil Pighhal Gaye Giriftar Karne Aaye They Khud Sarkar ﷺ Ki Muhabbat Me Giriftar Ho Gaye Aur Qafile Samet Bareeda Aslami رضی الله تعالی عنه Musarraf Ba Islaam Ho Gaye Sab Musalman Ho Gaye
Woh Musalman Ho Gaye Ab Arz Karne Lage Ya Rasulullah ﷺ Madina E Munawwara Me Aap Ka Dakhila Parcham je Saath Hona Chahiye Yani Aap Hamare Pyare Rasool Hain Hum Nahi Chahte Ki Madina Me Bas Aap Ka Dakhila Isi Tarah Ho Jaye Nahi Bas Aap Jaayege Na To Hum Jhhando Ke Saath Aap Ko Lekar Jana Chahte Hain To Ek Parcham Hona Chahiye Jhhanda Hona Chahiye Chunanche Unho Ne Apna Imaama Utar Kar Neze Par Bandh Liya Aur Sarkar ﷺ Ke Aange Aange Woh Jhhanda Pakadte Huwe Woh Chale,
To Yahan Par Bhi Juloos Jhhande Ke Saath Aur Waha Par Jo Sahaba Kiraam رضی الله تعالی عنهم Ansaar Jo They Woh Naat Khwani Wagaira Aur Talware Wagaira Lekar Woh Khushi Me Juloos Le Kar Aaye They To Yahan Par Jo Hadeese Mubaraka Abhi Maine Aap Ko Batayi Ye Kitaab Iska Naam Hai "Wafa Al-Wafa" Aur Iski Jild 1 Safha 190 Is Par Ye Hadeese Mubarka Maujood Hai To Isme Jhhande Ka Bhi Suboot Aa Gaya Aur Juloos Ka Bhi Suboot Aa Gaya.
Continue...
https://t.me/Aqaid_Course
Ubaid e Raza official
Aqaaid Course (Part-338)
Milad Me Hum Jo Amal Karte Hain Iska Saboot #09
Ab Charaga / Lighting Ka Saboot : Rasulullah ﷺ Ke Wiladat Ke Moke Par Ye Riwayat Hazrate Abul Aas رضی الله تعالی عنه Ki Walida Ek Sahabiya Hain Woh Farmati Hain Ki Sarkar ﷺ Ke Wiladat Ke Moke Par Main Sayyadatuna Aamna رضی الله تعالی عنها Ke Paas Maujood Thi Jab Aap ﷺ Ki Wiladat Kareeb Howi To Sitare Itne Kareeb Ho Gaye Ki Maine Kaha Ki Sitare Mujh Par Gir Jayenge Jab Aap ﷺ Ki Wiladat Huwi To Aisa Noor Nikla Jisne Hamare Kamre Ko Aur Ghar Ko Pura Bhar Diya Pas Main Jiski Taraf Bhi Dekhti Noor Hi Noor Nazar Aata Yani Sarkar ﷺ Ki Wiladat Par Allah Ta'ala Ne Ek Aisi Roshni Zahir Farmayi Ki Har Jagah Noor Aur Noor Ho Gaya To Ye Noor O Noor Allah Ta'ala Iska Ehtemam Farmaya Ki Jab Habeeb Ka Is Duniya Me Tashreef Aawri Ka Waqt Tha To Allah Ta'ala Ne Noor Aalam Me Phaila Diya To Sarkar ﷺ Ki Aamad Par Jab Allah Ta'ala Ne Ye Ehtemaam Farmaya To Hum Gulamo Ko Bhi Chahiye Ki Hum Bhi Lighting Kare Aur Har Jageh Roshni Karen
Balki Ulma Kiraam Bahut Pyari Baat Bayan Farmate Hain Ki Allah Ta'ala Jo Bhi Kaam Farmata Hai To Isme Hamare Liye Dars Hota Hai Ki Hum Bhi Isi Tarah Sarkar ﷺ Ki Wiladat Ke Waqt Hum Khushi Farmaye Allah Ta'ala Ne Wiladat Ke Waqt Ye Ehtemam Farmaya Tez Roshni Ye To Ghar Ki Baat Batai Un Sahabiya Ne Balki Baaz Riwayto Me Ye Bhi Aata Hai Ki Itni Tez Roshni Allah Ta'ala Ne Zahir Farmayi Ki Makka Muazzama Se Mulke Shaam Tak Ki Imaratein Roshan Ho Gai 2 Country Puri Jitni Imaratein Thi Sab Roshan Ho Gai
Hurane Bahisht Yani Jo Jannat Ki Hurein Hain Ye Hazrate Aamina رضی الله تعالی عنها Ki Khidmat Ke Liye Hazir Thi Aap Ki Khidmat Karne Ke Liye Jannat Se Hurein Aai Thi Malaika Zameen Se Aasman Tak Saf Ba Saf Adab Se Khade They, Aalame Barzakh Se Yani Inteqal Karne Ke Bawajood Hazrate Mariyam Aur Hazrate Aasiya رضی الله تعالی عنهما Hazrate Aamina رضی الله تعالی عنه Ke Khidmat Ke Liye Unhe Bhi Bheja Gaya To Jab Khaliq O Malik Ho Kar Mahboob ﷺ Ka Izhar Karne Ke Liye Allah Ta'ala Ehtemam Farmata Hai To Bande Ke Liye Bhi Wiladate Ba Sa'adat Ki Khushi Me Huzoor ﷺ Ki Azmat Ka Izhaar Karne Ka Ehtemaam Hame Karna Chahiye.
Continue...
https://t.me/Aqaid_Course
Ubaid e Raza official
Aqaaid Course (Part-339)
Milad Me Hum Jo Amal Karte Hain Iska Saboot #10
To Allah Ta'ala Ne Dekhe Kitni Pyari Pyari Ehtemaamein Sarkar ﷺ Ki Wiladat Ke Liye Farmayi Noor Ko Zahir Farmaya, Duniya Me Mojizzat Ko Zahir Farmaya, Hurane Jannat Ko Bhej Diya, Firishton Ne Jhhande Lagaye, Isi Tarah Bibi Aasiya Wa Bibi Mariyam رضی الله تعالی عنهما Ka Tashreef Lana, Bahut Sari Ye Khoobsurat Waqiyaat Pesh Aaye Malaika Bhi Saf Basta Khade They Sarkar ﷺ Ki Aamad Ka Intezar Kar Rahe They To Ye Allah Ta'ala Ne Tamam Ehtemam Farmaya Sarkar ﷺ Ki Milad Ke Liye Aur Hame Ye Dars Diya Ki Hame Bhi Sarkar ﷺ Ki Milaad Par Khushi Manani Hai
To Ye Maine Aap Ko Milaad Ke Saboot De Diye Na Quraan E Majeed Se De Diya Aur Bahut Sare Hadeese Mubarka Se Diya Sirf Milad Hi Nahi Balki Milaad Par Kiye Jane Wale Tamaam Cheezon Par Maine Aap Ko Qura'an Ya Hadees Se Daleel De Diya To Isse Maloom Huwa Ki Milaad Aysa Nahi Hai Ki Humne Khud Bana Liya Ya معاذ الله Bareillywiyo Ke Ghar Me Kuch Nai Bidat Paida Ho gai Bidat Kahte Hain Naya Kaam Ko Ab Ye Bataye Kya Ye Koi Naya Kaam Hai.? Pahle Se Chala Huwa Aa Raha Hai Pichhli Ummaton Se Lekar Sahaba Kiraam رضی الله تعالی عنهم Balki Abhi To Main Tabeen, Taba Tabeeen Par Aayi Nahi Agar Aau To Bahut Lamba Ho Jayega To Unme Bhi Ye Zaari Tha Ye Hamesha Se Chalta Aa Raha Hai
Ab Jo Bidat Kah Rahe Hain Woh Khud Bidati Hai Kyun Ki Unho Ne Jo Ek Rasta Chala Huwa Pahle Se Aa Raha Hai Usse Woh Alag Ho Gaye, Hum Alag Ho Kar Hamne Kuch Naya Nahi Banaya Hai Ye To Hamesha Se Chalta Aa Raha Hai Sarkar ﷺ Ki Milaad Ko Manana Khushiya Manana Hamesha Se Hai Har Koi Mana Raha Hai Lekin Ab Jo Alag Huwa Hai Woh Apni Bad-bakhti Se Badnaseebi Se Woh Khud Alag Huwa Hai.
Continue...
https://t.me/Aqaid_Course
Ubaid e Raza official
Aqaaid Course (Part-340)
Milad Me Hum Jo Amal Karte Hain Iska Saboot #11
Chand Eytrazaat Ek-Aat Ye Bhi Hote Hain Na Ki Eid Ka Din Hai To Fir Roza Kyun Rakhte Hain? 12 Rabiul Awwal Sarkar ﷺ Ki Wiladat Ka Din Bhi Hai Aur Sath Hi Sath Ye Sarkar ﷺ Ke Wisaal Ka Bhi Din Hai Duniya Se Parda Farmane Ka Din Hai To Fir Ye To Gham Ka Din Hona Chahiye To Tum Kyun Milaad Mana Rahe Ho.? Kyun Khushi Mana Rahe Ho.?
Jawab : Ye Hai Ki Hame Kisi Ke Bhi Inteqal Par Gham Manane Ka Hukum Sirf 3 Din Ke Liye Hai Sog Sirf 3 Din Le Liye Hota Hai 3 Din Se Zyada Gham Manana Kisi Ke Kiye Jaiz Nahi Hai Siwa E Biwi Ke Liye Ki Unki Iddat 4 Maah 10 Din Hogi Usme Woh Sog Karegi, Lekin Iske Alawa Logo Ke Liye Teen Din Se Zyada Kisi Ke Hame Inteqal Par Gham Nahi Karna
Aur Dusri Baat Sarkar ﷺ Ne Farmaya Ki Meri Hayaat Bhi Tumhare Liye Khair Hai Aur Meri Wafaat Bhi Tumhare Liye Behtar Hai Yani Jab Tak Mera Is Duniya Me Rahna Behtar Hai Allah Ta'ala Ne Mejhe Is Duniya Me Qayim Farmaya Hai Aur Jab Behtar Hai Hamare Liye Ummatiyon Ke Liye Humse Sarkar ﷺ Juda Ho To Sarkar ﷺ Ne Parda Bhi Farma Diya To Ye Wale Mamlaat Hain To Achha Ye To Ye Hai Ki Sarkar ﷺ Ki Hayaat Me Bhi Hamare Liye Behtri Hai Aur Aap Ke Parda Farmane Me Bhi Hamari Behtri Hai To Jab Behtari Hai To Gham Kis Baat Ka.?
Aur Teesri Baat Gham To Woh Manaye Jinke Nazdeek Ye Ho Ki Unke Nabi معاذ الله Duniya Se Rukhsat Kar Gaye Aur Woh Mar Gaye معاذ الله, Hamara To Aqeeda Ye Hai Na : Ki Hamare Nabi ﷺ Zinda Hain Tu Zinda Hai Wallah Tu Zinda Hai Wallah Meri Chashme Aalam Se Chhup Jane Wale To Hamara Aqeeda To Ye Hai Ki Sarkar ﷺ Aankho Se Parda Farmaye Gaye Hain Abhi Hayaat Hain Sarkar ﷺ Hamare Hazir Bhi Hain Sarkar ﷺ Nazir Bhi Hain Sarkar ﷺ Hayaat Bhi Hain Jab Hum Ye Aqeeda Rakhte Hain To Fir Gham Kis Baat Ka Hona Hai.? Gham To Uska Manaya Jata Hai Jo Mar Gaya Ho Aur Hamare Sarkar ﷺ Hayaat Hain Hamara Aqeeda Hai To Fir Hum Khushi Hi Manayenge Aur Wiladat Ki Khushi Manayenge.
Continue...
https://t.me/Aqaid_Course
Ubaid e Raza official
Aqaaid Course (Part-341)
Milad Me Hum Jo Amal Karte Hain Iska Saboot #12
Milaad Ke Waqt Qiyaam Karna Kaha Se Sabit Hai.? Hum Khade Hote Hain Na To Fir Ye Khada Hona Kahan Se Sabit Hai.?
Sarkar ﷺ Ke Liye Quraan E Majeed Me Kya Hukum Aaya Hai Surah Fatah Ki Ye Aayat 9 Me Hai وَ تُعَزِّرُوْهُ وَ تُوَقِّرُوْهُؕ
Tarjama : Rasool Ki Tazeem Karo Aur Taukeer Karo. Yani Sarkar ﷺ Ki Respect Karo Ab Dekhiye Ye Aayat Bhi Unconditional Hai Isme Allah Ta'ala Ne Ye Nahi Farmaya Ki Is Tarah Respect Karo Respect Ka Koi Andaaz Bayan Nahi Hai Balki Unconditional Hai Hum Jis Bhi Tarah Sarkar ﷺ Ki Respect Karen Woh Valid Hai Jab Taki Ki Shariat Ke Dayre Me Ho Ab Hum Khade Ho Kar Respect Zahir Karte Hain Wiladat Ke Din Hum Khade Hote Hain, Naat Padhte Hain Salaato Salaam Padhte Hain To Ye Koi Najayez Cheez To Nahi Hai Na.? Khade Hona Kya Najayez Hai.? Nahi Hai Na.., Khade Hona Ek Respect Karna Hai To Sarkar ﷺ Ki Hum Respect Karte Hain
__ Isi Tarah Salato Salaam Me Hai... Surah Ahzaab Ki Aayat No. 56 Me Hai
اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(56)
Sarkar ﷺ Par Salato Salaam Bhejo, Isme Bhi Allah Ta'ala Ne Koi Qayed Nahi Lagai Ki Hame Kab Salaat Padhna Hai Kab Salaam Padhna Hai Yani Durood O Salaam Padhne Ka Allah Ta'ala Ne Koi Condition Nahi Bayan Kiya Ki Kis Tarah Karen To Iska Matlab Ye Huwa Ki Banda Chahe To Khade Ho Kar Durood O Salaam Padhe, Chahe Baith Kar Padhe, Chahe Let Kar Padhe, Chahe Chalte Firte Padhe, Chahe Azaan Ke Pahle Padhe, Azaan Ke Baad Padhe, Namazon Ke Pahle Padhe Namazon Ke Baad Padhe, Chahe Din Me Padhe Chahe Raat Me Padhe Saal Ke Kisi Bhi Din Me Bhi Padhe Jayez Hai.
Continue...
https://t.me/Aqaid_Course
Ubaid e Raza official
Aqaaid Course (Part-342)
Milad Me Hum Jo Amal Karte Hain Iska Saboot #13
Isi Tarah Ye Bhi Nahi Farmaya Ki In In Alfaazo Me Durood O Salaam Padho Balki Allah Ta'ala Ne Sirf Farmaya Ki Durood Padho Aur Salaam Padho Ab Jo - Jo Words Me Hum Chahe Padh Sakte Hain Chahe Durood E Ibraheem Ki Surat Me Ho, Chahe Durood E Ghaosiya Ki Surat Me Ho, Chahe Durood E Razwiyah Ki Surat Me Ho, Chahe Qaseeda Burda Ki Surat Me Ho... To Kisi Bhi Surat Me Ho Allah Ta'ala Ne Koi Condition Nahi Farmayi
Agar Koi Kahta Hai Na Ki Is Tarah Nahi Kar Sakte To Ab Daleel Usko Lani Hai Kyun Ki Humne To Ab Daleel Quraan E Paak Se De Diya Ki Allah Ta'ala Ne Unconditional Statement Kah Diya Hai Ab Koi Kahta Hai Ki Durood E Ghaosiya Nahi Kar Sakte, Khade Ho Kar Nahi Kar Sakte To Usse Kahen Ki Quraan O Hadees Se Daleel Laye Ye Nahi Ki Sahaba Ke Daor Me Nahi Tha Sarkar ﷺ Ke Daor Me Nahi Tha Nahiii,
Kyun Ki Humne Aqeeda Rakha Hai Ki Durood O Salaam Har Tareeqe Se Padhna Jaiz Hai Aur Is Par Hamare Paas Quraan E Majeed Se Daleel Hai Aur Aqeeda Sirf 4 Daleelon Se Sabit Hota Hai Quraan, Hadees, Aqle Saleem Aur Sawade Aazam Ab Agar Koi Iska Khilaf Karta Hai To Daleel Usko Lani Hai Hamko Nahi Humne De Diya Hamari Daleel
Yahan👆🏻 Par Sarkar ﷺ Ke Wiladat Se Mutalliqa Jo Aqaaid They Aur Isme Jo Etrazaat Wagaira Aate Hain Isko Maine Tafseelan Cover Karne Ki Koshish Ki Hai.
Continue...
https://t.me/Aqaid_Course
Ubaid e Raza official
Aqaaid Course (Part-343)
Imaan E Walidaine Mustafa ﷺ :
Yani Sarkar ﷺ Ke Walidain. Yahan Walidain Se Meri Murad Hai Hazrate Aadam علیہ السّلام Aur Bibi Hawwa Se Lekar Hazrate Abdullah رضی الله تعالی عنه Aur Bibi Aamina رضی الله تعالی عنها Tak Hain Jitne Bhi Sarkar ﷺ Ke Walidain Aaba O Ajdaad Guzre Hain Dada Par Dada Upar Tak Hazrate Aadam Aur Bibi Hawwa Tak. Hum Ahle Sunnat Wa Jama'at Ka Aqeeda Ye Hai Ki Aap ﷺ Ke Tamam Aaba O Ajdaad Aur Walidain Musalman Momin They Inme Se Kisi me Bhi معاذ الله Kahi Par Bhi Kufr Ka Kabhi Koi Shayba Bhi Nahi Paya Gaya Koi Doubt Bhi Nahi Paya Gaya To Ye Hum Ahle Sunnat Ka Aqeeda Hai
Bahut Se Log معاذ الله Is Topic Pe Zaban Darazi Kar Jate Hain Aur Ajeeb O Gareeb Baatein Karte Hain Sarkar ﷺ Ke Walidain Ke Liye Is Tarah Ki Baatein Karte Hain Ki معاذ الله Woh Mushrik The Woh Kafir The Halanki Sarkar ﷺ Ki Zaat Woh Azeem Zaat Hai Jisme Allah Ta'ala Ne Aap ﷺ Ko Har Ayb Se Paak Rakha Hai Yani Har Buri Baat Se Paak Rakha Hai Aur Aap Ko Bahut Sari Fazilatein Ata Farmayi Hain Deegar Ambiya Ko Jo Fazilaten Di Woh To Sarkar ﷺ Ko Di Hi Hain Lekin..!! Isse Bhi Zyada Di Hai To Allah Ta'ala Ke Nazdeek Sarkar ﷺ Ka Martaba Bahut Uncha Hai
To Ye Kaise Mumkin Ho Sakta Hai? Agar Aap Aqal Se Bhi Soche Na To Is Par Bahut Sari Aqali Dalail Bhi Aap De Sakte Hain Aap Ka Aqal Bhi Yahi Kahegi Ki Jiski Aqal Sarkar ﷺ Ke Liye معاذ الله Bugz Se Khali Hogi Aur Aap ﷺ Ki Mahabbat Jiske Dil Me Hogi To Fir Woh Yahi Kahega Jab Allah Ta'ala Ne Sarkar ﷺ Ko Har Ayb Se Paak Farmaya Hai To Aap Ko Aise Walidain Se Bhi Kabhi Paida Na Farmayega Jinme Kufr Ya Shirk Jaisi Buri Cheeze Pai Jati To Ye To Aqli Daleel Hai Ye Banda Agar Khud Soche To Usko Samajh Aa Jayega To Aqle Saleem Se Bhi Ye Aqeeda Sabit Hota Hai Aur Iske ilawa Quraan O Hadees Ke Bhi Bahut Sare Dalail Maujood Hain Jo Is Baat Ko Sabit Karte Hain Ki Sarkar ﷺ Ke Walidain Aur Tamaam Aaba O Ajdaad Koi Bhi Beech Me Hum Ye Nahi Kah Sakte Ki Inme Se Koi Ka معاذ الله Khatima Kufr Par Huwa Hai Shirk Me Mubtla Huwa Hai.
Continue...
https://t.me/Aqaid_Course
Ubaid e Raza official
Aqaaid Course (Part-344)
Imaan E Walidaine Mustafa ﷺ :
Aap Ne Ye Waqiya Bahut Zyada Suna Hoga Ulama Kiraam Bayan Farmate Hain Sahaba Kiraam رضی الله تعالی عنهم Ke Ishqe Rasool Me Ye Riwayat Baar Baar Bayan Ki Jati Hai Ki Hazrate Anas رضی الله تعالی عنه Ne Apne Ghar Me Kuch Sahaba Kiram Wagaira Ki Dawat Ki Thi Khulasa Arz Kar Rahi Hoon To Aap رضی الله تعالی عنه Ne Dawat Arz Ki To Fir Aap Ne Dastarkhwan Bichhaya To Woh Dastarkhwan Mayla Tha To Aap رضی الله تعالی عنه Ne Us Dastarkhwan Ko Utha Kar Kareebi Pade Aag Me Aap Ne Us Dastarkhwan Ko Daal Diya, Isi Tarah Ki Riwayat Galiban Hazrate Jabir رضی الله تعالی عنه Se Milti Hai To Hazrate Anas رضی الله تعالی عنه Ne Usko Aag Me Dala To Logo Ne Kya Dekha Ki Kapde Ka Hai Dastarkhwan, Dastarkhwan To Kapde Ka Hota Hai Aur Kapda Jab Hum Aag Me Dalte Hain To Kya Hota Hai? Ki Woh Cheezo Ko Jala Deti Hain Agar Aap Kapda Aag Me Dalenge To Kapda Jal Jata Hai,
Lekin..!! Jab Hazrate Anas رضی الله تعالی عنه Ne Us Dastarkhwan Ko Aag Me Dala To Jitna Mayl Kuchayl Tha Woh To Nikal Gaya Aur Dastarkhwan Ko Kuch Huwa Nahi Fir Aap Ne Unko Nikal Liya, Aur Fir Logo Ne Puchha Ki Ye Kya Maamla Hai Kyun Ki Aag Ki Quality To Ye Hoti Hai Na Ki Woh Cheezo Ko Jala Deti Hai To Ye Dastarkhwan Kyun Nahi Jala? To Hazrate Anas رضی الله تعالی عنه Ne Farmaya Ki Ek Martaba Sarkar ﷺ Ne Is Dastarkhwan Par Khana Tanagul Farmaya Tha Aur Iske Baad Aap ﷺ Ne Apne Mubarak Haanth Isi Dastarkhwan Par Pochh Diye To Sarkar ﷺ Ke Jisme Mubarak Se Jo Cheez Tuch Ho Jaye Jo Cheez Mas Ho Jaye Hatta Ki Jo Kapda Mas Ho Jaye To Woh Tak Ko Woh Aag Nahi Jalati, Sarkar ﷺ Se Koi Bhi Cheez Agar Mas Ho Jaye
To Ye Hazrate Anas رضی الله تعالی عنه Ne Ye Amal Kar Ke Bata Diya Ki Jo Cheez Sarkar ﷺ Se Mas Ho Jaye Tuch Ho Jaye Use Kabhi Aag Jala Nahi Sakti To Fir Jis Mubarak Maa Ke Shiqam Me Sarkar ﷺ Ne 9 Mahine Parwarish Payi Jo Mubarak Shiqam Sarkar ﷺ Ke Liye 9 Mahine Tak Qiyam Gah Rahi To Us Mubarak Maa Par Koi Kaise Soch Sakta Hai Ki Unhe Aag Ki Koi Lapet Chhu Bhi Sakegi.? Balki Woh To Woh Aamina رضی الله تعالی عنها Hain Jinke Sadqe Me Hum Gunahgar Jahannam Ki Aag Se Bakhshish Ki Tawaqqo Rakhte Hain Aap Ke Waseele Se Hum Duaa Mangte Hain Ki Allah Ta'ala Aap Ke Waseele Se Hame Aag Se Hifazat Farmaye To Ye Ek Daleel Huwi.
Continue...
https://t.me/Aqaid_Course
Ubaid e Raza official
Aqaaid Course (Part-345)
Imaan E Walidaine Mustafa ﷺ :
Isi Tarah Jamee -ul- Mo'jazaat Nami Ek Kitaab Hai Khulasa Hi Arz Kar Rahi Hoon Isme Hai Ki Sarkar ﷺ Ek Jagah Se Makka Me Guzra Karte They To Wahan Par Ek Aurat Thi Jo Kafira Thi Aur Woh Sarkar ﷺ Ko Bahut Taqleef Diya Karti Thi Raste Me Sarkar ﷺ Ke Liye Kaante Bichha Dena Kabhi Kisi janwar Ki معاذ الله Kuch Cheeze Sarkar ﷺ Ke Upar Daal Dena Yun Sarkar ﷺ Ko Taqleef Diya Karti Thi Ek Baar Sarkar ﷺ Aur Sahaba Kiraam رضی الله تعالی عنهم Uske Ghar Ke Paas Hi They Fir Sarkar ﷺ Wahan Par Dhoop Me Khade They Na.. To Sahaba Kiraam رضی الله تعالی عنهم Ne Sarkar ﷺ Se Farmaya Ki Aap Woh Jo Aurat Ka Makaan Tha Uske Diwaar Par Saya Wagaira Tha To Aap Dhoop Me Is Tarah Na Khade Hon balke Us Saye Me Aap Khade Ho Jayen .. Sarkar ﷺ Ne Us Aurat Ke Makan Ka Jo Diwar Tha Usse Aap ﷺ Ne Tek Laga Kar Aaram Farmaya
Itne Me Woh Aurat Ghar Se Bahar Aayi Ab Jab Sahaba Kiraam رضی الله تعالی عنهم Ne Us Aurat Ko Dekha To Sab Fikr mand Hogaye Kyun Ki Woh Jante They Ki Sarkar ﷺ Ko معاذ الله Taqleefen Pahunchati Thi Bura Bhala Kahti Thi To Ab Woh Fiqarmand They Ki Agar Usne Dekh Liya Sarkar ﷺ Ko Ki Woh Uske Diwar Par Tek Laga Kar Khade Hain To Kuch Bolegi To Sahaba Kiraam رضی الله تعالی عنهم Aage Badhe Ki Sarkar ﷺ Se Usko Door Kar Den Itne Me Dekhte Hain Ki Woh Aurat Aati Hai Sarkar ﷺ Ke Qadam Mubarak Chumne Lagti Hai Sarkar ﷺ Ki Tazeem Karti Hai Aur Sarkar ﷺ Se Arz Karti Hai Ki Ya Rasool Allah ﷺ Mujhe Kalma Padha Kar Musalman Kijiye سبحان الله Woh Daira E Islaam Me Dakhil Ho Jati Hai Aur Sahabiya Ka Sharf Unhe Hasil Ho Jata Hai
To Sahaba Kiraam رضی الله تعالی عنهم Zahir Si Baat Hai Hayran Ho Gaye Ki Jo Kal Tak Is Tarah Thi Achanak Woh Aa Kar Islaam Qubool Karti Hai To Sarkar ﷺ Se Puchha Ki Ya Rasool Allah ﷺ Ye Kaise Huwa Yani Kya Huwa To Sarkar ﷺ Ne Farmaya Khulasa Hai Ki Hazrate Jibraeel علیہ السّلام Abhi Mere Paas Tashrif Laye They Aur Unho Ne Kaha Ki Allah Ta'ala Ye Pasand Nahi Farmata Ki Jis Makaan Se Sarkar ﷺ Ne Tek Laga Diya Ho Us Makaan Ke Rahne Wale Ko Allah Ta'ala Azaab De سبحان الله Sirf Tek Lagane Ki Barkat Se Allah Ta'ala Ne Us Ghar Ki Aurat Ko Islam Se Musharraf Farma Diya Un Khatoon Ko Sahabiya Ka Sarf Ata Farma Diya To Yahan Par To Sarkar ﷺ Apni Walida E Majida Ke Shiqame Mubarak Me 9 Mahine Ka Arsa Guzarte Hain To Fir Kaise Mumkin Ho Sakta Hai Ki Allah Ta'ala Is Baat Par Razi Ho Jaye Ki Sarkar ﷺ Ke Walidain Ya Aaba O Ajdaad Inme Se Koi معاذ الله Mushrik Ho Ya Kafir Ho.? To Ye Dusri Daleel Ho Gai.
Continue...
https://t.me/Aqaid_Course
Ubaid e Raza official
Aqaaid Course (Part-346)
Imaan E Walidaine Mustafa ﷺ :
Isi Tarah Tafseer Ruhul Bayan Me Hazrate Younus علیہ السّلام Ka Waqiya Hai, Aap Jante Hain Na Hazrate Younus علیہ السّلام Machhli Ke Pet Me 40 Din Tak They, 40 Din Ke Baad Woh Bahar Tashreef Le Aaye. 40 Din Tak Us Machhli Ne apne pet mein Hazrate Younus علیہ السّلام Ki Hifazat Farmayi... Phir Uske Inaam Ka Moka Aaya, Us Machhli Ne Ek Nabi Ki Khidmat Ki Thi Na, Iska Inaam toh Milna tha, To Dekhen Us Machhli Ne Kitni Pyari Jaza Allah Ta'ala Se Mangi.
Usne Farmaya Ki Allah Ta'ala Maine Ayk Nabi Ki Khidmat Ki ,Unki Hifazat Ki To Tu Iske Badle Me Mujhe Ye Jaza Ata Farma Ki Aakhri Nabi Sarkar ﷺ Ke Houz e Kausar Me Rahna Naseeb Farma To Allah Ta'ala Ne Usko Woh Sharf Ata Farmaya Aur Woh Machhli Ab Jannat Me Rahti Hai aur Khelti Hai.
To Dekhein Ek Machhli Ne Ek Nabi Ko Apne Pet Me 40 Dino Ke Liye Rakha Aur Hifazat Farmayi To Allah Ta'ala Ne Usko Bhi Jannat Ata Farma Diya To Yahan Par Sayyadul Ambiya Ki Baat Hai , Bibi Aamina Ki Shiqam E Mubarka Me Ek Arse Tak Sarkar ﷺ Ne Qiyaam Farmaya Hai To Machhli Ko Jab Allah Ta'ala ne Ye Jaza Ata Farma Raha Hai To Walidaine Mustafa ﷺ Ka Martaba To Bahut Hi Zyada Bada Hai..
Ye Teesri Daleel Ho Gai.
Continue...
https://t.me/Aqaid_Course
Ubaid e Raza official
Aqaaid Course (Part-347)
Imaan E Walidaine Mustafa ﷺ :
Hadeese Mubaraka Me Hai Sarkar ﷺ Farmate Hain Bukhari Shareef Ki Riwayat Hai Jild 1 Page 503 Sarkar ﷺ Farmate Hain Main Har qarn Me Har Tabqe Me Tamam Quroone Bani Aadam Ke Behtar Se Bheja Gaya Yahan Tak Ki Is qarn Me Huwa Jisme Main Paida Huwa Yani Jitne Bhi Generation / Level Sarkar ﷺ Aadam علیہ السّلام Se Le Kar Biwi Aamina رضی الله تعالی عنها Tak Ka Jo Silsila Tha Aap Ka Noor Muntaqil Hota Raha To Sarkar ﷺ Farmate Hain Ki Main Har Generation Me Behtar Logon Me Raha Bahut Sare Log Hote Hain Allah Ta'ala Ne Sarkar ﷺ Ke Mubarak Noor Ko Hamesha Behtar Logon Me Rakha Behtar Shiqamo Me Rakha Behtar Peshaniyo Me Rakha, Aur Ye Behtar Se Matlab Kya Hai.? Behtar Kahte Kise Hain.? Iska Jawab Jab Aap Quraan E Paak Padhenge Na... To Milta Hai Allah Ta'ala Farmata Hai Surah Bakrah Ki Aayat No. 221 Hai
وَ لَعَبْدٌ مُّؤْمِنٌ خَیْرٌ مِّنْ مُّشْرِكٍ
Beshak Musalman Gulam Behtar Hain Mushrik Se.
Jo Kafir Hote Hain Na Mushrik Hote Hain Jo معاذ الله Allah Ta'ala Se Shirk Karte Hain Pujapaat Wagaira Karte Hain Ye Chahe Kitne Hi Maal Daar Kyun Na Ho, Chahe Unke Andar Kitne Hi Achhe Qualities Duniyavi Lehaz Se Dekh Len Kyun Na Ho, Achhe Ghar Me Maujood Hain Kha Rahe Pee Rahe Hain Logon Ki Madat Kar Rahe Hain Kitna Hi Achha Koi Ek Kafir Mushrik Aap Ko Nazar Kyun Na Aa Jaye Lekin Chuki Ye Allah Ta'ala Ke Sath Shirk Karta Hai Ye Ek Quality Jo Iske Andar Aayi Hai Na.. Shirk Kee Ye Tamam Samajh Len Iske Baqi Cheeze Bekar Hai Kyun Ki Asal Me To Allah Ta'ala Ka Ikrar Karna Hai Na.. Jis Allah Ta'ala Ne Aap Ko Paida Kiya Hai Us Rabb Ko Manna Aur Ek Manna Aur Usi Ki Ibadat Karna Ye Sab Manna Ye Bande Ka Sabse Bada Quality Hai Jo Use Insan Banaye Rakhta Hai Aur Agar Isse Gir Jaye Banda Shirk Ki Taraf Mubtala Ho Jaye Na To Woh Insaan Ki Harkaten Chhod Kar Kabhi Kabhar To Zanwaro Jaisi Harkaton Par Bhi Utar Aata Hai Ajeeb Ajeeb Harkatein Karte Hain
Aap Sab Jante Hain Na Agar Aap Digar Gair Muslimeen Ko Dekhein To Unki Afaal Dekhe Aur Hum Musalman Ki Harkatein Dekhe Allah Ta'ala Ne Hame Kitna Sahi Tareeqe Par Rakha Huwa Hai Kyun Ki Shirk Ki Kharabi Unke Andar Hai To Ye Allah Ka Ahsaan Hai Ki Hame Musalman Gharane Me Paida Kiya Hai Aur Hamare Dilon Ko Hidayat Ata Farmayi Aur Qayim O Dayim Rakha Is Par Hame.... To Mushrik Jo Hota Hai Uske Andar Chahe Dusri Kitni Bhi Khubiya Hon Ye Ek Shirk Wali Quality Woh Dusre Tamaam Quality Ko Cancel /Out Kar Deti Hai To Ek Mushrik Ko Agar Aap Compare Karen Ek Mushrik Hai Jo Badshahiyat Ke Level Par Hai Aur Ek Musalman Ko Dekhen Jo Bahut Hi Gareeb Faqeer Gulam Hai To Quraan E Majeed Ke Hukum Ke Mutabiq Jo Abhi Maine Aayat Batai Ye Jo Gulam Musalman Hai Na Ye Us Mushrik Badshah Se Bhi Behtar Hai Kyun.? Kyun Ki Woh Musalman Hai To Allah Ta'ala Ne Farma Diya Ki Musalam Ka Gulam Bhi Hota Hai Adna Darze Ka Jo Bhi Musalman Hota Hai Na Woh Bhi Muahrik Se Behtar Hota Hai
Aur Sarkar ﷺ Ne Hadees Me Kya Farmaya Ki Allah Ta'ala Ne Mujhe Behtar Karn Me Rakha Hai Behtar Tabqe Me Rakha Hai Behtar Logon Me Mere Noor Ko Muntaqil Farmaya Hai To Har Daour Me Sarkar ﷺ Ka Noor Behtar Logon Me Rakha Gaya To Isse Yahi Samajh Me Aata Hai Ki Aap Ke Jitne Bhi Aaba O Azdaad They Walidain They Sab Ke Sab Musalman They Kyun Ki Sarkar ﷺ Ne Farmaya Ki Main Behtar Me Tha Aur Quraan E Majeed Ne Kisko Behtar Kaha Hai.? Musalman Ko Behtar Kaha Hai Na To Isse Sabit Ho Gaya Ki Sarkar ﷺ Ke Tamaam Aaba O Azdaad Aur Walidain Kiraam Pakke Musalman They.
Continue...
https://t.me/Aqaid_Course
Ubaid e Raza official
Aqaaid Course (Part-348)
Imaan E Walidaine Mustafa ﷺ :
Dusri Daleel Sarkar ﷺ Farmate Hain Dalailul Nabuwwah Safha 11 & 12 Me Ye Hadees Maujood Hai Sarkar ﷺ Farmate Hain Hamesha Allah Ta'ala Ne Mujhe Paak Pushto Se Paak Rahmon Me Muntaqil Farmata Raha Saaf Sutra Aarasta Jab 2 Shakhein Paida Huwi To Main Inme Behtar Shaakh Me Tha
Sarkar ﷺ Kya Farma Rahe Hain.? ; Allah Ta'ala Ne Mujhe Hamesha Paak Logo Me Rakha Paak Pushto Me Rakha Paak Rahmo'n Me Rakha Paak Aurto Me Rakha, Paak Mardo Me Rakha Aur Jab Bhi Kabhi Aisa Jo Gaya Na... Ki Ek Group Ho Gaya Aur Ek Group Ho Gaya Ek Group Dusre Se Behtar Hota To Allah Ta'ala Ne Hamesha Mujhe Behtar Logno Me Rakha Ye Sarkar ﷺ Farmate Hain.
Continue...
https://t.me/Aqaid_Course
Ubaid e Raza official
Aqaaid Course (Part-349)
Imaan E Walidaine Mustafa ﷺ :
Isi Tarah Yeh Sharah Zirqani Me Hai Jild 1 Safha 174 Me Aap ﷺ Farmate Hain Main Hamesha Paak Mardo Ki Pushton Se Paak Biwiyo Ke Peton Me Muntaqil Hota Raha Yani Hamesha Sarkar ﷺ Ka Noor E Mubarak Paak Aurton Me Raha Aur Paak Mardon Me Raha
Ab Dekhen Paak Se Matlab Kya Hai.? Ye Bhi To Samajh Me Aana Hai Na? Hum Paak Kise Kahte Hain.. Clean Ko Kahte Hai Jo Ba-Wuzu Ho Ba-gusul Ho Woh Paak Hai Is Tarah Kahte Hain, Lekin..!! Yahan Par Paak Se Kya Murad Hai? Dekhiye Allah Ta'ala Quraan E Majeed Me Irshad Farmata Hai Paak Kaun Hai? Aur Napaak Kaun Hai? Surah Tauba Ki Aayat No. 21
اِنَّمَا الْمُشْرِكُوْنَ نَجَسٌ
Kafir To Napaak Hi Hain.
Mushrik Jo Hain Ye Napaak Hain Allah Ta'ala Ne Tamaam Mushriko Ko Kufr Karne Walon Ko Shirk Karne Walon Ko Napaak Karaar Diya Hai Isse Maloom Huwa Ki Mushrikeen Napaak Hain Aur Musalman Paak Hain,
Isi Se Hamare Ulama Kiraam Farmate Hain Ki Hum Quraan E Majeed Utha Kar Kisi Mushrik Ko Nahi De Sakte Kuch Log Shaukeen Hote Hain Woh Kya Karte Hain Ki Quraan E Majeed Utha Kar Gair Muslim Ko De Dete Hain Taki Woh Padhein Aur Deen E Islam Ko Samjhein To Ye Galat Hai... Hum Quraan E Majeed Kisi Napak Shakhs Ko Kaise De Sakte Hain? Allah Ta'ala Ne Quran E Majeed Mein Farma Diya Ki Napak Shakhs Quran Ko Nahi Chhu Sakten Isi Liye Haiz O Nifas Wali Ya Junbi Shakhs Quraan Ko Hath Nahi Laga Sakta Usi Tarah Kafir Bhi Napak Hain Toh Yeh Bhi Hath Nahi Laga Sakte... Isi Tarah Allah Ta'ala Ne Wazeh Taur Par Surah Tauba Me Farma Diya Ki Kafir To Napaak Hain To Fir Unko To Quraan E Majeed Wagaira Nahi De Sakte
Bahrhaal Isse Maloom Huwa Ki Musalman Paak Hote Hain Aur Mushrikeen Napaak Hote Hain Aur Sarkar ﷺ Ne Kya Farmaya Allah Ta'ala Ne Mujhe Paak Biwiyon Me Rakha Aur Paak Mardon Me Rakha To Isse Sabit Huwa Ho Gaya Ki Sarkar ﷺ Ke Tamaam Aaba O Azdaad Musalman Momin They.
Continue...
https://t.me/Aqaid_Course
Ubaid e Raza official
Aqaaid Course (Part-350)
Imaan E Walidaine Mustafa ﷺ :
Isi Tarah Dalailul Nabuwwah Ki Hee Daleel Hai Jild 1 Safha 174-179 Par Ye Hadees Maujood Hai : Sarkar ﷺ Farmate Hain Main Muhammad (ﷺ) Hoon Iske Baad Sarkar ﷺ Apne Aaba O Ajdaad Ke Naam Zikar Farmate Hain Ki Main Muhammad Bin Abdullah (Bin Kahte Hain Bete Ko) To Muhammad (Bin Abdullah) Yani Main Muhammad (ﷺ) Abdullah رضی الله تعالی عنه Ka Beta Hoon Fir Farmate Hain (Bin Abdul Muttalib) Abdullah رضی الله تعالی عنه Kinke Bete Hain? Abdul Muttalib رضی الله تعالی عنه Ke Bete Hain Fir Farmate Hain Ki Bin Hashim Jo Hazrate Hashim رضی الله تعالی عنه Ke Bete Hain Bin Abde Munaf Jo Hazrate Abde Munaf رضی الله تعالی عنه Ke Bete Hain Ibne Qusayyi Jo Qusayyi رضی الله تعالی عنه Ke Bete Hain
Bin Qilab Jo Qilab رضی الله تعالی عنه Ke Bete Hain, Bin Murrah Jo Murrah رضی الله تعالی عنه Ke Bete Hain Bin Kaab Jo Kaab رضی الله تعالی عنه Ke Bete Hain, Bin Luayyi Jo Luayyi رضی الله تعالی عنه Ke Bete Hain, Bin Ghalib Jo Hazrate Ghalib رضی الله تعالی عنه Ke Bete Hain, Bin Fahar Jo Hazrate Fahar رضی الله تعالی عنه Ke Bete Hain Bin Malik Jo Hazrate Malik رضی الله تعالی عنه Ke Bete Hain, Bin Nadr Jo Hazrate Nadr رضی الله تعالی عنه Ke Bete Hain, Bin Qinana Jo Hazrate Qinana رضی الله تعالی عنه Ke Bete Hain Bin Khuzaima Jo Hazrate Khuzaima رضی الله تعالی عنه Ke Bete Hain, Bin Mudrika Jo Hazrate Mudrika رضی الله تعالی عنه Ke Bete Hain Bin Ilyas Jo Hazrate Ilyas رضی الله تعالی عنه Ke Bete Hain, Bin Mudar Jo Hazrate Mudar رضی الله تعالی عنه Ke Bete Hain, Bin Nizar Jo Hazrate Nizar رضی الله تعالی عنه Ke Bete Hain
Fir Aage Farmate Hain Kabhi Log 2 Giroh Na Huwe Magar Allah Ta'ala Ne Mujhe Behtar Giroh Me Kiya To Main Apne Maa Baap Se Aisa Paida Huwa Ki Zamana e Jahliyyat Ki Koi Bhi Baat Mujh Tak Nahi Pahuchi Aur Main Khalis Nikah E Saheeh Se Paida Huwa Aadam علیہ السّلام Se Lekar Apne Walidain Tak To Mera Nasabe Kareem Tum Sab Se Afzal Hai Aur Mere Baap Tum Sab Ke Aaba Se Behtar سبحان الله
Ye Maine Tamaam Naamen Padhi Na... Ye Isliye Padhi Ki Hum Hamara Shajra Padhte Hain Na.. Peero Murshid Ka Kyun Padhte Hain.? Isme Hum Tamaam Buzurgon Ke Naam Padhte Hain Aur Duaa Karte Hain Kyun Ki Ye Hamara Silsila Hai , Shajra Jab Hum Padhte Hain To In Buzurgon Ki Barkat Hame Hasil Hoti Hai, Ab Main Chahti To Bas Itna Kah Kar Chhod Deti Lekin Har Ek Ka Naam Isliye Zikar Kiya Ki Ye Sarkar ﷺ Ke Aaba O Ajdaad Hain Sarkar ﷺ Ke Walid Hain Dada Hain Padh Dada Hain Unke Walid Hain Unke Walid Hain Ye Sarkar ﷺ Ka Shajra E Nasab Hai Jab Hamare Peero Murshid Ke Shajre Me Jo Mashaikh Ka Jo Shajra Hai Isme Barkate Hain
To Yeh Sarkar ﷺ Ka Nasab Bhi Shajra Hai In Naamon Me Bhi Bahut Sari Barkatein Hain Ulma Kiraam Farmate Hain Ki Agar Hajate Puri Na Ho To Sarkar ﷺ Ka Shajra E Mubarka Start Le Kar End Tak Pura Shajra Isko Mahfooz Ulma Kiraam Ne Kiya Hai Is Shajre Ko Aap Padhein Aur Duaa E Mangen Allah Ta'ala ان شاء الله In Mubarak Hastiyon Ko Sadqe Me Haajaton Ko Pura Farmayega Isliye Maine Bilkhushus In Mubarak Hastiyon Ke Naam Padhe Ki Allah Ta'ala In Sab Ka Sadqa Hame Ata Farmaye.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
Iske Baad Sarkar ﷺ Ne Kya Farmaya Itne Silsile Tak To Sarkar ﷺ Ne Zikar Farma Diya Taki Logo Ko Samjhein Ki Sarkar ﷺ Waqif Bhi Hain Apne Shajra E Mubaraka Se Aur Yeh Tamam Mubarak Hastiyan Behtar Logon Me Se Bhi Hain, Sarkar ﷺ Kya Farma Rahe Hain Ki Jab Bhi Do Giroh Logo Me 2 Groups Bane To Ek Group Kuch Achhi Qualities Ka Tha Aur Ek Usse Shayed Kuch Kam Ho To Allah Ta'ala Ne Hamesha Mujhe Achhe Logon Me Rakha Mera Noor Jab Muntaqil Huwa To Woh Hamesha Jo Logon Me Best Hota Tha Usme Raha Hatta Ki Aadam علیہ السّلام Se Le Kar Sarkar ﷺ Ke Walidain Tak Jitne Bhi Aap Ke Aaba O Ajdaad They Farmate Hain Woh Hamesha Unke Darmiyan Nikah Huwa Hai Mere Walidain Me Se Ya Aaba O Ajdaad Me Se Koi Kisi Ke Kareeb Na Koi Jahalat Wali Baat Pahuchi aur Na Zina Wali Baat Pahuchi
To Jis Nabi E Kareem ﷺ Ke Aaba O Ajdaad Ko Aur Walidain Ko Allah Ta'ala Ne Jahalat Jaisi Cheezo Se Door Rakha Zina Jaise Gunahon Se Door Rakha To Allah Ta'ala Kaise Gawara Farma Sakta Hai Ki Sarkar ﷺ Ke Aaba O Ajdaad Ke Nazdeek Shirk Aa Sake Jab In Cheezon Se Allah Ta'ala Ne Door Rakha Hai To Khud Ba Khud Samajh Me Aata Hai Ki Walidain E Mustafa ﷺ Tamam Aaba O Ajdaad Musalman They.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
To Yeh Kuch Dalail Maine Aap Ko De Di Bahut Sari Daleelein Hain To Takriban 5-6 Dalail Maine Aap Ko De Di Hai, Ab Is Par Kuch Aytrazaat Aate Hain To Un Aytrazaat Ke Jawabaat Bhi Dekh Lete Hain
Hum Kahte Hain Sarkar ﷺ Ke Walidain Momin They Musalman They Achha Ye Baat Yaad Rakhein Ki Jab Allah Ta'ala Ka Koi Nabi Aa Jata Hai Na... Allah Ta'ala Kisi Kaum Ki Taraf Apne Koi Nabi Ko Bhejta Hai To Phir Us Kaum Par Lazim Ho Jata Hai Ki Woh Allah Ta'ala Ko Khuda Mane Ek Khuda Mane Yeh Manna Zaruri Hai Har Kisi Ko Jis Kaum Ki Taraf Bhi Nabi Aaye Har Bande Par Is Duniya Me Jo Aaya Hai Na.. Us Par Lazim Hai Ki Woh Allah Ta'ala Ko Khuda Mane Aur Allah Ta'ala Ek Hai Ye Jane Aur Allah Ta'ala Ki Ibadat Kare Yeh Har Bande Par Farz E Aayen Hai Itna To Sab Par Lazim Hai Isko Kahte Hain Tauheed / Wahdaniyat Allah Ta'ala Ek Hai Aur Allah Ta'ala Hi Hamara Ek Wahid Khuda Hai Jiski Hum Ibadat Kar Sakte Hain Jo Tamam Qaynaat Ka Malik Hai Yeh Hamara Bilkul Base Buniyadi Aqeeda Samajh Len.. Hamare Islaam Ka Tasawwur Hai Tahueed Ke Matter Par To Yeh Har Bande Par Lazim Hai Jis Par Deen E Islaam Ka Dawat Bhi Na Pahucha Ho Us Par Bhi Lazim Hai Ki Woh Itni Cheezon Ka Imaan Laye
Kyun? Kyun Ki Duniya Me Itne Sare Jo Allah Ta'ala Ne Daleelein Rakhi Hain Agar Koi Banda Dekhta Hai Gaur o Fikar Duniya Me Karta Hai To Use Itna To Pata Chal Jayega Ki Woh Ek Hi Khuda Hai Aur Woh Tamam Is Duniya Ko Paal Raha Hai Wahi Is Duniya Ko Chala Raha Hai Itna To Aap Samajh Sakte Hain Na... Agar Koi Banda Kuch Bhi Usko Deen Ke Bare Me Nahi Pata Lekin..!! Woh Dekh Raha Hai Rozana Ek Time Par Suraj Nikalta Hai Doobta Hai Phir Chand Nazar Aata Hai Phir Dusre Din Isi Tarah Ho Raha Hai, Kabhi Bhi Na Ye Suraj Band Ho Raha Hai Ki Kabhi Aisa Nahi Ho Raha Hai Ki Ulta Ho Raha Hai Kabhi Suraj Chand Ek Dusre Se Takra Nahi Rahe, Sab Isi Tarah Ek Routine Me Chal Raha Hai To Ye Kaise Chal Raha Hai? Koi To Chalane Wala Hoga Aur Is Duniya Ke Nizam Ko Chalane Wala Woh Ek Hi Ho Sakta Hai Kyun? Agar Do Honge To Clashes Honge Zahir Si Baat Hai Na
Misal Ke Taur Par Sirf Aap Ko Samjhane Ke Liye : Ki Agar معاذ الله Kahi 2 Khuda Ho Aur Ek Kah Raha Hai Ki Main Aaj Suraj Ko East Se Nikal Raha Dusra Kah Raha Main West Se Nikalna Chahta Hoon To Clashe Ho Jayega Na... Suraj Ho To Ek Hi Saath Dono Ke Isharo Par Kaise Chalega To Pura Qaynat Ka System Disturb Ho Jayega Na? To Isliye Sabit Ho Jata Hai Ki Allah Ta'ala Ek Hai Agar Koi Daleelon Par Bhi Gawah Hai Warna Phir Manna Padega Ki 2 Khuda Hai To Ek Majboor Ho Gaya Ek Hamesha Dusre Ki Baat Sunta Hai Isliye Suraj East Se Nikal Raha Hai West Par Ja Raha Hai Kabhi Ulta Nahi Hota Aur Jo Majbur Ho Woh To Khuda Hai Hi Nahiiii, To Baharhaal Agar Koi Banda Is Duniya Ki Jo Bahut Sari Cheezein Hain Agar Is Par Gaur-o-Fikar Karta Hai To Fir Banda Samajh Sakta Hai Ki Jaate Khuda Hai Aur Woh Ek Hi Hai
Isliye Chahe Kisi Ke Paas Deen E Islaam Ki Tableegh Pahunchi Ho Ya Na Pahuchi Ho Har Banda Jo Is Duniya Me Aata Hai Us Par Farz E Ayen Hai Ki Woh Allah Ta'ala Ke Wujood Ko Mane Allah Ta'ala Ko Ek Mane Aur Usi Ki Ibadat Kare Han Yeh Hai Ki Us Tak Namazon Ki Farziyat Nahi Pahunchi Us Par Rozon Ki Farziyat Nahi Pahucnhi Aur Usne Namazein Nahi Padhi Roze Nahi Rakhein To Gunahgar Nahi Hoga Kyun Ki Yeh Aap Aqal Se Nahi Samajh Sakte Na? Isliye, Lekin..!! Itna To Compulsory Hai.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
To Jin Logo Ke Paas Koi Nabi Nahi Aaye Aur Jinke Paas Aisa Duration Guzra Hai To Un Par Sirf Itna Tauheed Ki Gawahi Dena Lazim Hai To Isiliye Hum Kahte Hain Ki Sarkar ﷺ Ke Jin Aaba O Ajdaad Ka Inteqal Sarkar ﷺ Ke Aylane Nubuwwat Se Pehle Huwa Tha Unke Liye Bas Shirk Se Door Rahna Yeh Unke Islaam Lane Ke Liye Kafi Tha Jaise Sarkar ﷺ Ke Dada Hain Woh Sarkar ﷺ Jab Is Duniya Me Tashreef Laye To Aap Maujood They Lekin Thode Bachpane Mein Hi Hazrate Abdul Muttalib Ka Inteqal Ho Gaya Tha Na, Isi Tarah Sarkar ﷺ Ke Walide Mohtaram Hain Hazrate Abdullah رضی الله تعالی عنه Woh To Sarkar ﷺ Ki Wiladat Se Pahle Hi Parda Farma Gaye, Isi Tarah Biwi Aamna رضی الله تعالی عنها Ka Mamla Hai Ki Sarkar ﷺ Ki Taqriban 6 Year Ki Age Me Hazrate Aamina رضی الله تعالی عنها Ka Inteqal Ho Gaya Is Waqt To Sarkar ﷺ Ne To Logon Ke Darmiyan Aylan To Nahi Farmaya Tha Ki Main Nabi Hoon.. To In Hastiyo Ke Liye Yani Huzoor ﷺ Ke Dada Ho Bibi Aamina Ho Hazrate Abdullah رضی الله تعالی عنهم Inke Liye Shirk Se Bachna Kafi Tha
Aur Aap Jitni Bhi Riwayton Ki Kitaab Padhenge, Seeraton Ki Kitaab Padhenge Aap Ko Wajeh Taur Par Milega Ki Yeh Hastiyan Bilkul Paak Saaf Thi Kabhi Ye Kisi Buri Cheezon Ke Taraf Nahi Gaye Hain Aur Yeh To Shirk Se Koso Door Huwa Karte They Ye Allah Ta'ala Ko Hi Apna Khuda Mante They Isko Words Riwayt Me "Millate Ibrahimi" Kaha Jata Hai Yani Hazrate Ibraheem علیہ السّلام Ka Deen Aur Hazrate Ibraheem علیہ السّلام Ka Deen Kya معاذ الله Tauheed Ke Matter Me Kuch Aur Tha.? Nahi Tha Na... Woh Bhi To Yahi Kahte They Na... Ki Allah Ek Hai Aur Usi Ek Khuda Ki Aap Ibadat Karo To Yeh Hazrate Ibraheem علیہ السّلام Ke Deen Par Hi They Yani Allah Ta'ala Ko Ek Mante They Aur Shirk Se Door They To Inke Liye Is Zamane Me Is Duration Mein Inka Itna Imaan Lana Kafi Tha,
Lekin..!! Jab Sarkar ﷺ Ne Aylane Nubuwwat Farma Diya Aap Ne Logon Ko Bata Diya Ki Main Allah Ka Rasool Hoon Aakhri Nabi Hoon To Ab Sirf Allah Par Tauheed Ka Imaan Lana Yeh Kafi Nahi Hai Ab Sirf لَاۤ اِلٰهَ اِلَّا اللّٰهُ Yeh Kahna Kafi Nahiii Hai.. Ab Sath Me Agar Bande Ko Momin Hona Hai Musalman Hona Hai Hamesha Hamesha Ke Liye Jahannam Se Aazad Hona Hai To Fir مُحَمَّدٌّ رَّسُوْلُ اللّٰهِ ﷺ Bhi Kahna Hoga.. kyu Ki Kalma لَاۤ اِلٰهَ اِلَّا اللّٰهُ Jahan Tak Hai Wahan Par Sath Mein مُحَمَّدٌّ رَّسُوْلُ اللّٰهِ ﷺ Bhi Hai Agar Koi Banda Sirf Allah Ta'ala Ka Naam Le Rasool Allah ﷺ Par Imaan Nahi Laye To Woh Momin Nahi Hoga Aur Yeh مُحَمَّدٌّ رَّسُوْلُ اللّٰهِ ﷺ Kahna Bhi Farz Ke Darjd Mein Hai Jitna Farz لَاۤ اِلٰهَ اِلَّا اللّٰهُ Kahna Hai Utna Hi Farz مُحَمَّدٌّ رَّسُوْلُ اللّٰهِ ﷺ Kahna Bhi Hai
Kuch Yahudi Kuch Nasrani Kuch Log Aise They Jo Allah Ta'ala Ko Hi Khuda Mante They Hazrate Isha علیہ السّلام Ko معاذ الله Baaz'o Ne Kah Diya Kuch Nahi Kahte They Sirf Allah Ko Ek Mante They Lekin Unhon Ne Sarkar ﷺ Ko Rasool Allah ﷺ Manne Se Inkar Kar Diya To Ab Woh Musalman Nahi Rahe Unke Liye Hukme Kufr Hi Hoga Aur Woh Tauba Nahi Karte Abhi Ke Daur Mein Bhi Agar Aisa Hai Woh Tauba Nahi Karta To Fir Uske Liye Hamesha Hamesha Ke Liye Jahannam Ka Hi Azaab Hoga
To Yeh Jo Sarkar ﷺ Ke Walidain Hain Ya Digar Aaba O Azdaad Hain Jinke Paas Yani Abhi Tak Sarkar ﷺ Ki Dawat Nahi Pahuchi Ya Kisi Aur Nabi Ki Dawat Nahi Pahuchi Unke Liye To Bas لَاۤ اِلٰهَ اِلَّا اللّٰهُ Yani Allah Ko Ek Janna Ye Kafi Tha To Woh Musalman They In Sab Ke Liye Yahi Hukm Tha, Lekin..!! Jab Sarkar ﷺ Ne Aylan Farma Diya To Ab Pure Kalime Ko Kah Dena Yeh Lazim Ho Jata Tha Yani Sarkar ﷺ Par Imaan Lana Bhi Lazim Ho Gaya.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
To Ab Kuch Riwaytein Aisi Milti Hain Aap Ne Suni Hogi Ki Sarkar ﷺ Apne Walidain Ko Unho Ne Dubara Zinda Farmaya Tha Allah Ke Hukum Se Aur Sarkar ﷺ Ne Unko Kalma Wagaira Padhaya Dobara Se, To Ab Suwal Log Yeh Karte Hain Ki Jab Huzoor ﷺ Ke Walidain Ahle Tauheed Mein Se They Yani Tauheed Ke Manne Wale They Hazrate Ibraheem علیہ السّلام Ke Millat Par They Yani Allah Ko Ek Mante They Shirk Nahi Karte They To Musalman To Ho Gaye Woh, Agar Woh Musalman They To Fir Imaan Lane Ke Liye Dubara Zinda Karne Ka Kya Maqsad Tha?? Iska Matlab Ye Huwa Ki معاذ الله Woh Mushrik They Baad Mein Sarkar ﷺ Ne Unka Zinda Kar Ke Musalman Kiya Aur Is Par Woh Ajeeb Ajeeb Baten Karte Hain Ki Maut Ke Baad Imaan Laye Woh Motabar Nahi Hota Maut Tak Iman Lana Hai To Woh معاذ الله Mushrik Hi Rahe Is Tarah Ki Baat Karte Hain Ki Dubara Zinda Karne Ka Kya Maqsad Tha Ek Ye Aytraaz
Aur Dusra Aytraaz : Ye Ghaliban Bukhari Ya Muslim Ki Riwayat Me Aata Hai Ke Sarkar ﷺ Ne Allah Ta'ala Se Ijazat Talab Farmayi Ki Apni Walida Ki Qabre Anwar Par Hazir Hona Chahta Hoon To Allah Ta'ala Ne Ijazat Ata Farmayi Fir Sarkar ﷺ Ne Apni Walida Ke Liye Duaa E Maghfirat Karna Chaha To Allah Ta'ala Ne Mana Farma Diya Ijazat Nahi Di To Fir Isse Ye Kdhte Hain Ki Sarkar ﷺ Ko Duaa E Maghfirat Isliye Karne Nahi Diya Ki معاذ الله Woh Mushrika Thi
Aur Aap Jante Hain Na.. Mushrikon Ke Liye Duaa E Maghfirat Jaiz Nahi Hoti Jo Kafir Ho Jo Mushrik Ho Unke Liye Hum Kabhi Bhi Maghfirat Ki Duaa Nahi Kar Sakte Ki Allah Ta'ala Inhe Muaaf Farma De, Inhe Jannat Ata Farma De, In Par Raham Farma De, Azaab Door Farma De Hatta Ki Jo Logo Ki Aadat Ban Gai Hai R.I.P. Likhne Ki Kafiro Par Mushriko Par Rest In Peace Rest In Peace Matlab Kya Hai?? Yeh Rahem Ki Duaa Hai Ki Allah Ta'ala Tumko Sukoon Ata Farmaye Rahem Farmaye To Isko Bhi Ulama Kiraam Ne Kufr Kaha Hai Isse Bhi Bande Ke Imaan Par Effect Padta Hai Jinho Ne Agar Kisi Gair Muslim Ke Liye R.I.P. Istemal Kiya Ho Ya Jo Bazahir Musalman Ho Lekin Uske Kaam Murtad Wale Ho Ye Specially Jo Logo Ke Celebrity Mar Jaye Aur Bazahir Jo Naam Ka Musalman Tha Zindagi Bhar Murtad Wale Kaam Karta Raha Us Par Log R.I.P. Likhte Rahte Hain, Maghfirat Ki Duaa Bhi Saath Me Likh Dete Hain Is Tarah Ki Cheeze To Bilkul Isko Ulama Kiraam Ne Kufr Likha Hai
Agar Kisi Ne Aisa Kiya Hai To Tauba Kare Tajdeed E Imaan Kare Aur Ahtiyatan Taur Par Tajdeed E Nikah Bhi Kar Le, Bahrhaal..!! To Yeh Masla Hai Ki Kafir Ke Liye Mushrik Ke Liye Hum Duaa E Maghfirat Nahi Kar Sakte Is Par Wzeh Quraan E Majeed Ki Ayate Mubarakah Maujood Hai ان شاء الله Jab Kufriya Kalimat Ke Topics Aayega Na.. Tab Is Aayat Mubarakah Wagaira Ko Detail Me Bata Dungi.
To Yahi Baat Ko Pakad Kar Daleel Banaya Jata Hai Ki Sarkar ﷺ Ki Walida Agar Imaan Wali Thi To Allah Ta'ala Ne Kyun Rok Diya Sarkar ﷺ Ko Duaa E Maghfirat Karne Se Ye Do Aytrazaat Aap Samajh Lein Samne Walon Ki Taraf Se Aate Hain 👆🏻👆🏻
In Aytraaz ke Jawab next Post mein Padhen...
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
Pehle Aytraz Ka Jawab : To Yeh Baat Bhi Sahi Hai Ki Sarkar ﷺ Ne Apne Walidain Ko Zinda Farmaya Baaz Riwayat Mein Apne Dada Ka Bhi Zikar Hai Ki Unke Dada Ko Bhi Zinda Farma Kar Unho Ne Kalma Padhaya Is Tarah Ki Riwayate Hain Yeh Bhi Correct Hain, Aur Yeh Bhi Correct Hai Riwayat Mein Ye Bhi Maujood Hai Ki Sarkar ﷺ Ne Ijazat Chahi Ki Woh Qabr Me Hazir Ho To Allah Ta'ala Ne ijazat Ata Farmayi, Lekin..!! Maghfirat Ki Duaa Karni Chahi To Allah Ta'ala Ne Ijazat Ata Nahi Farmayi, Ab Iska Jawab Sun Len Ki Kyun?
Sarkar ﷺ Ka Apne Walidain Ko Zinda Farmana Aur Dubara Se Imaan Lane Ka Yeh Jo Waqiya Hai Ye Isliye Pesh Nahi Aaya Ki Aap Ke Walidain معاذ الله Mushrikeen Mein Se They Ya Kafir Mein Se They.. Maine Upar Ki Kuch Post mein Aap Ko Daleele De Deen Ki Jo Bilkul Sabit Kar Rahe Hain Ki Woh Musalman Hain Isliye Sarkar ﷺ Ka Zinda Farmana Dubara Se Allah Ke Hukum Se Ye Isliye Nahiii Tha Ki Aap Mushrikeen Me Se They Balki Isliye Tha Ki Allah Ta'ala In Walidain Ko Bhi Sharfe Sahabiyat Ata Farmayi Isliye
Jab Sarkar ﷺ Ne Aylane Nabuwwat Nahi Farmaya Tha To Walidain E Mustafa ﷺ Musalman To Ho Gaye They Momin To They Lekin Woh Jo Ek Juz Baaqi Tha Na.. Ki Sarkar ﷺ Par Bhi Ikraar Kar Len Aur Sarkar ﷺ Par Pura Quraan E Majeed Nazil Ho Gaya Isko Bhi Ikraar Kar Len Un Par Farz To Nahi Tha Zindagi Me Kyun Ki Us Waqt Quraan E Majeed Nazil Hi Nahi Huwa Tha Lekin Ab Nazil Ho Gaya Allah Ke Rasool Ne Aylan Bhi Farma Diya Ki Main Allah Ka Rasool Hoon Pura Quraan E Majeed Nazil Ho Gaya Hajje Wida Ka Jo Moka Tha Na.. Us Waqt Allah Ta'ala Ne Aayat Bhi Nazil Farma Di Ki Aaj Ke Din Hamne Tumhare Deen Ko Complete Bhi Kar Diya Yani Qura'an Bhi Nazil Ho Gaya Sare Ahkaam Nazil Ho Gaye Ab Qayamat Tak Ke Liye Deen Complete Hai Isme Kisi Cheez Ki Majeed Addiction Ke Liye Koi Zaroorat Nahi Hai, Koi Hazat Nahi Hai Qayamat Tak Jo Aaye Ga Uske Liye Shariat Me Rahnumayi Maujood Hai To Yeh Pura Deen Complete Ho Gaya
To Sarkar ﷺ Ki Ye Khwahish Thi Ki Unke Walidain Is Tarah Imaan Laye Ki Woh Aap Ko Bhi Rasool Jaane Aap Ki Mukammal Shariat Ko Bhi Woh Ikrar Karen Kyun Ki Woh Pahle Inteqal Kar Gaye They Unko Mauka Nahi Mila Tha Sarkar ﷺ Ki Khowahish Thi To Allah Ta'ala Ne Is Khwahish Ko Puri Farmayi Aur Aap Ke Walidain Ko Dubara Se Zinda Kiya Gaya Unho Ne Sarkar ﷺ Par Bhi Puri Tarah Iman Laye Shariat Par Bhi Imaan Laye Qura'an Par Bhi Imaan Laye Aur Sarfe Sahabiya Aur Sarfe Sahabi Bhi Walidain Ne Bhi Pa Liya Yeh Wajah Thi Dubara Zinda Farmane Ki.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
Dusre Aytraaz Ka Jawab : Ab Dusri Cheez Yeh Ki Allah Ta'ala Ne Duaa E Maghfirat Se Kyun Roka Hai? Iski Bhi Bahut Pyara Sa Jawab Hamare Ulama Kiraam Ne Hame Diya Hai Woh Jawab Yeh Hai Ki Allah Ta'ala Ko Agar Rokna Hota Ki معاذ الله Agar Bibi Aamna رضی الله تعالی عنها Mushrika Hoti To Allah Ta'ala Pehle Hi Rok Deta Kyun Ki Hum Kisi Kafir Ke Mushrik Ke Qabar Par Nahi Ja Sakte Is Par Bhi Qura'an e Majeed Mein Wazeh Taur Par Aaya Hai Ki Unki Qabron Par Mat Jao, Wahan Par Mat Khade Ho, Wahan Par Duaa E Maghfirat Mat Karo, Unki Namaze Janaza Na Padhao, Munafiqeen Ke Liye Bhi Aayaten Aayi Hain Na... To Qura'an e Majeed Mein Wazeh Taur Par Mana Kar Diya Gaya Hai Ki Mushrikeen Ke Qabr Par Khade Nahi Hona Hai Wahan Par Nahi Jana Hai Mana Hai To Jab Sarkar ﷺ Ne Qabre Mubarka Par Jane Ki Ijazat Talab Ki To Allah Ta'ala Ne Ijazat Ata Farmayi Na... Ye Is Baat Ki Daleel Hai Ki Aap Momina Thi Isliye Allah Ta'ala Ne Aap Ko Jane Ki Ijazat Ata Farmayi
Warna Aise Kaise Ho Sakta Hai Ki Koi Mushrika Ki Qabar Ho Allah Ta'ala Ne Pahale Hi Qura'an Mein Mana Farma Diya Hai Ki Mushriko Ki Qabar Par Nahi Jana, Gair Muslimeen Ki Qabar Par Nahi Jana, Kafiron Ki Qabar Par Nahi Jana, Jab Allah Ta'ala Ne Mana Farma Diya To Sarkar ﷺ Kya Ijazat Mangenge? Agar Mushrik Hote To Sarkar ﷺ Ka Ijazat Mangna Aisa Hota معاذ الله Ki Sarkar ﷺ Khud Qura'an Ke Khilaf Ja Rahe Hain Aisa Nahi Ho Sakta Na.? To Aap ﷺ Ka Ijazat Talab Karna Aur Allah Ta'ala Ka Ijazat Ata Farmana Yeh Is Baat Ki Daleel Hai Ki Hazrate Aamina رضی الله تعالی عنها Momina Thi Muslima Thi معاذ الله Mushrika Nahii Thi Isliye Allah Ta'ala Ne Ijazat Ata Farmayi
Rahi Baat Iski Ki Duaa E Maghfirat Kyun Karne Nahi Diya.? Woh Isliye Tha Ki Allah Ta'ala Ne Logon Ke Samne Yeh Zahir Farma Diya Ki Yeh Pahle Se Bakhshi Huwe Hain Agar Sarkar ﷺ Duaa E Maghfirat Karlein To Kahin Koi Aage Yeh Ummat me Guman Na Kar Le Ki معاذ الله Woh Kafira Thi Ya معاذ الله Woh Gunahon Mein Mubtla Thi Nahii... Woh To Bilkul Jannati Hain qataee Jannati Hain Woh Pahle Se Bakhshi Huwi Hain Woh Gunahgar Hai Hi Nahi To Unke Liye Fir Duaa E Maghfirat Karne Ki Kya Hajat? Taki Hamare Aqeedon Me Kabhi Khayal Bhi Na Aa Jaye Isliye Allah Ta'ala Ne Sarkar ﷺ Ko Duaa E Maghfirat Karne Se Mana Farma Diya.
Continue...
https://t.me/Aqaid_Course
Ubaid e Raza official
Imaan E Walidaine Mustafa ﷺ :
3sra Aytraz : Fiqah e Akbar Ek Kitaab Hai Aur Ye Imaam e Aazam رضی الله تعالی عنه Ki Kitaab Hai Aur Yeh Aqaaid Ki Kitaab Hai Iska Hawala Log Pesh Karte Hain Aur Kahte Hain Isme Imaam e Aazam Ne Sarkar ﷺ Ke Walidain Ke Liye Likha Hai "Maata Alal Kufri" مات علیٰ الکفر Yani Inki Wafaat Inka Inteqal Kufr Par Huwa Hai Yeh Kitaab Mein Batate Hain Aur Is Par Hanfiyon Ke Ek Bahut Bade Imaam Hain Mulla Ali Qari Inho Ne Fiqah e Akbar Ke Is Juz Par Jo "مات علیٰ الکفر" Wala Word Hai Na.. Ki Kufr Par Inteqal Huwa معاذ الله Is Par Unhon Ne Puri Detail Me Ek Kitaab Likhi Hai Aur Usme Kuch Hadeesein Wagairah Jama Kar Ke Unho Ne Kitabe Likhi Hai To Ab Aytraz Karne Wale Badmazhab Hamare Paas Ye Bataore Aytraz Late Hain Ki Imaam E Aazam رضی الله تعالی عنه Ne To Aisa Likha Hai Aur Usme Pure Support Mein Mulla Ali Qari Rahmatullahi Ta'ala Alaihi Ne Kitaab Likhi Hai To Yeh Kya Hai?
To Iska Bhi Dekhiye Sabse Pahle To Maine Kya Kaha? Aqaid Ke Matter Mein Hum Daleelon Ko Dekhte Hain Ki Woh Quraan Se Ho, Hadees Se Ho, Aqle Saleem Se Ho Sawade Aazam Se Ho Kahin Par Ye To Nahi Hai Na Ki Imaam E Aazam رضی الله تعالی عنه Ne Kaha Hai To Hum Follow Karenge Yeh Hamara Usool Hai Hum Kabhi Bhi Apne Aaba o Ajdaad Ne Kah Diya Isme Nahi Karte... Han Unhon Ne Quraan e Majeed Aur Hadees Se Dalail Diye Hain Aqle Saleem Se Dalail Diye Hain Sawade Aazam Se Diya Hain To Ek Alag Baat Hai Theek Hai, Lekin..!! Sirf Unhon Ne Kah Diya Isse Hum Kabhi Aqeeda Nahi Pakate Ek Baat To Ye
Dusra Baat Ye Ki Fiqhe Akbar Hai Na "مات علیٰ الکفر" Ye Abhi Ke Bazmazhabon Ne Baddiyanti Ki Hai Jinke Paas Purani Fiqh e Akbar Hai Pahle To Yeh Printing Wala System Tha? Nahii Tha Na... Pahle To Kalam Se Likhte They To Kuch Librarya Aisi Maujood Hain Duniya Mein Saudiya Wagairah Mein Bhi Maujood Hain Jinmein Woh Kalami Nuskhe Yani Jo Imaam E Aazam رضی الله تعالی عنه Ki Fiqah e Akbar Jo Hand Written Thi Na... Woh Wali Maujood Hai Usmein Jab Dekha Gaya To Usme Likha Huwa Hai "Ma Mata Alal Kufri" (ما مات علیٰ الکفر) Unka Inteqal Kufr Par Nahiii Huwa Hai Lafze "ما" Ya Nafi Ke Liye Hai "ما مات" Manfi Maroof Ka Sigha Hai Aur "مات" Ye Musbat Maroof Ka Hai Yani "مات" Agar Aap Lenge To Iska Tarjuma Hota Hai Mar Gaya Woh Mar Gaya "علیٰ الکفر" Kufr Ki Halat Mein... Aur "Ma Mata ما مات" Jab Aap Likhte Hain To Nahiii Mara Woh Kufr Ki Halat Mein Is Tarah Woh Tarjuma Banta Hai Grammar Wale Samajh Gaye Honge To Yeh Unho Ne Farq Kar Diya
Logon Ko معاذ الله Aqeede Se Hatane Ke Liye Aap Samajh Lein Ki Kaisa Zoro Shor Chal Raha Hai Is Duniya Mein Yeh Baat Main Is Liye Zikr Kar Rahi Hoon Taki Aqaaid Ke Hifazat Ki Important Aap Samajh Lein Ki Kis Had Tak Log Gir Pade Hain Ab Kitabon Mein Se Hatana Shuru Kar Diya Aur Aisa Ki معاذ الله Sarkar ﷺ Ke Walidain Ki Taraf Kufr Ko Mansub Karne Ke Liye Itni Kharab Baddiyanti Inho Ne Ki To Jo Purani Kitabein Hain Inme Kahi Par Bhi "Mata مات" Nahi Likha Huwa Hai Sab Jagah "Ma Mata ما مات" Likha Huwa Hai Inho Ne Hata Diya Aur Fir Ab Batate Hain Kyun? kyun Ki Zahir Si Baat Hai Haq To Ahle Sunnat Wa Jamaat Hai Hamare Paas Dalail Hain Tauba Kar Le Jaye-Naseeb Bahut Achhi Baat Hai, Tauba Nahi Karni Apne Baat Ko Sabit Karni Hai To Fir Is Tarah Ki Baddiyanti Karenge Ki Kitabon Se Ibaraton Ko Change Kar Denge Word Ko Change Kar Denge Ya Fir Woh Hadeeson Ki Kitaab Se Hadeeson Ko Hi Nikal Denge Iski Bhi Misal Maine Aap Ko Noor Wale Jo Topic They Usme Bata Dee.
Continue...
https://t.me/Aqaid_Course
Ubaid e Raza official
Apne Imaan Ki Hifazat Karen :
Ya Fir Aaj Kal Jo Bahut Bada Maar Aqeedon Ke Mamle Mein Woh Yeh Hota Hai Ki Hame To Arbi Padhni Aati Nahi Tamam Kitabein Kisme Hai? Arbi Mein Hai Na.. Bukhari Hai Arbi Mein, Muslim Hai Arbi Mein, Digar Kitabein Hain Arbi Me To Agar Kisi Ko Bukhari Padhni Hai To Woh Kaise Padhega? Translation Se Padhega Na.. To Urdu Translation Lega English Translation Lega To Ab Zyada Tar Hamare Young Generation English Translation Ke Kayil Hain Woh Kya Karte Hain Ki Bukhari English Translation Le Kar Aate Hain Ye Bilkul Nahi Dekha Jata Ki Iska Translator Kon Hai Aur Uska Aqeeda Kya Hai Agar Translator Ahle Sunnat Wal Jamaat Se Hai To Theek Hai Aap Padhein Isse Isme Aap Ko Is Tarah Baddiyanti Nazar Nahi Aayegi
Lekin..!! Jo Gaire Ahle Sunnat Hain Jo Badmazhab Hain Inki Translation Aap Padhe Chahe Urdu Mein Ho Chahe English Mein Ho To Inho Ne Kuch Cheezon Ke Tarjume Hi Aise Kar Diye Hain Ki Jo Hadees Mein Woh Lafz Hai Hi Nahi Apne Taur Par Badha Kar Likh Diya Ya Jo Tarjuma Banta Tha Usko Badal Kar Tarjuma Kar Diya Aur Baaz Jagah Jahilo Ne Ye Bhi Likh Diya Hai Ki Is Hadees Ka Tarjuma Hi Nahi Ban Sakta Kyun Ki Usko Cut Nahi Kar Sakte Edit Nahi Kar Sakte To Unho Ne Likh Diya Ki Iska Tarjuma Hi Nahi Ho Sakta Kyun Ki Woh Tarjuma Unke Aqeede Ke Khilaf
⚠️ To Agar Khudara Kahi Se Ilm Hasil Kar Rahe Hain Bilkhusus Hamare Naojawan Kaum Aur Jinko English Bayanat Sunne Ke Bhi Bahut Shaukeen Hote Hain Na... Pata Nahi Hamare Darmiyan Ye English Wala Ek hype Ho Gaya Hai Na.. Ki Jo Cheez English Mein Boli Jati Hai Sunne Me Achhi Lagti Hai To Woh English Ke Chakkar Mein Baith Kar Sunte Hain Ab Iska Koi Talluk Hai Hi Nahi Inka Ki Yeh Dekh Lein Hum Ki Woh Ahle Sunnat Se Hai Ya Nahi? Jo Bol Raha Hai Woh Hamare Liye Kabile Qubool Hai Bhi Ya Nahi? Kahi معاذ الله Mera Imaan Barbad Ho Gaya To Main Kya Karu Ga Ye Hamara Soch Hi Nahi Hai
To Bahut Zyada Agar Humne Dekha Hai Na To Hamari Khawateen Aaj Kal Badmazhabon Ke English Bayan Sunne Lag Gai Hain Kyun? Nahi Aapa Hum Unke Aqaaid Wale Bayan Nahi Sunte Hum Sirf Unke Motivational Speech Sunte Hain, Us Motivation Ke Darmiyan Unho Ne Koi Aisa Zumla Kah Diya Jo Hamare Aqeede Ke Khilaf Hai Aur Woh Aap Ke Dil Mein Baith Gai To Aap Samajh Lein Aap Ka Imaan Khatre Mein Hai Aap Ke Mumkin Hai Ki Woh Kufriya Aqeeda Ho, Mumkin Hai Ki Woh Gumrah Wala Aqeeda Ho, To Isliye Puri Koshish Ye Karni Hai Ki Jab Bhi Hum Dekhein To Pahle Chhan-Been Karein Ki Jisko Hum Sun Rahe Hain Woh Ahle Sunnat Wa Jamaat Se Hai Ya Nahii... First Priority Hamara Yeh Hai Uske Baad Sune, Bahut Se Hamare Ulma e Ahle Sunnat Hain Jo English Me Bayanat Karte Hain Aap Unhe Sune In Khabison Ka Na Sune Apne Imaan Ka Tahaffuz Karen.
Continue...
https://t.me/Aqaid_Course
Ubaid e Raza official
Imaan-e-Abi Talib :
Abu Talib Aap Jante Hain Kon Hain? Ye Sarkar ﷺ Ke Chacha Me Se Hain, Sarkar ﷺ Ke Chachaon Mein Se 2 Chachaon Ne Islam Qubool Kiya Hazrate Abbas رضی الله تعالی عنه Aur Hazrate Hamza رضی الله تعالی عنه Inho Ne Islaam Qubool Kiya Tha Baqi Abu Talib Ke Bare Mein Ulama Kiraam Ke Darmiyan Riwayaton Ko Dekh Kar Kuch Ikhtelaf Wagaira Mila Tha Lekin Hamare Ulma E Ahle Sunnat Ke Aksar Ulama Kiraam Ne Aala Hazrat رحمۃ اللہ علیہ Aur Digar Bade Ulama Kiraam Ne Isi Ko Sabit Kiya Hai Ki Abu Talib Ka Imaan Sabit Nahii Hai Ye Hamare Ulama E Ahle Sunnat Ka Muaqqif Hai, Shiya-Rafzi Log Ko Aap Sunenge To Unke Apne Hi Daleele Hain Aur معاذ الله Unka To Kuch Motabar Hai Nahiii, Lekin Unke Nazdeek Abu Talib Ka Imaan Sabit Hai
Ahle Sunnat Wa Jamaat Ka Aqeeda Ye Hai Ki Abu Talib Ka Imaan Sabit Nahi Hai Unka Inteqal Kufr Par Huwa Hai Ye Hamare Ulama Kiraam Ne Riwayton Ko Dekhte Huwe Bayan Kiya Hai Is Par Main Aap Ko 2-3 Hadees De Deti Hoon Sharah Sahi Muslim Ye Urdu Me Hai Isme Tamaam Riwaytein Maujood Hain Isme Se 2-3 Main Aap Ko Bata Deti Hu :
① Hazrate Abu Huraira رضی الله تعالی عنه Bayan Karte Hain Ki Nabi E Kareem ﷺ Ne Apne Chacha Se Yani Abu Talib Se Kaha لَاۤ اِلٰهَ اِلَّا اللّٰهُ Padhein Kab? Jab Unke Inteqal Ka Waqt Aaya To لَاۤ اِلٰهَ اِلَّا اللّٰهُ Padhein Main Qayamat Ke Din Aap Ke Haq Me Iski Gawahi Doonga.. Abu Talib Ne Kaha Agar Mujhe Quraish Ke Aar Dilane Ka Khauf Na Hota Ki Woh Kahenge Ki Ye Be-sabri Ki Wajah Se Musalman Ho Gaya To Main Kalma Padh Kar Tumhari Aankhein Thandi Kar Deta... Tab Allah Ta'ala Ne Ye Aayat Nazil Farmayi : Beshak Aap Jisko Chahen Hidayat Yafta Nahi Karte Lekin Allah Ta'ala Jisko Chahta Hai Hidayat Yafta Kar Deta Hai.
Yani Unhon Ne Kalma Padhne Se Inkar Kar Diya.
② Isi Tarah Hazrate Abbas Bin Abdul Muttalib رضی الله تعالی عنه Ne Sarkar ﷺ Se Arz Ki : Aap Ne Apne Chacha Abu Talib Se Kis Azaab Ko Door Kiya To Sarkar ﷺ Ne Farmaya Woh Takhnon Tak Aag Mein Hain Aur Agar Main Na Hota To Woh Aag Ke Aakhri Tabke Mein Hote, Ab Dekhe Agar Abu Talib Ka Inteqal Iman Ki Halat Par Hota To Kabhi Bhi Un Par Jahannam Ki Aag Nahi Hoti, Kyun Ki Sarkar ﷺ Ke Sahabi Kataee Jannati Hote Hain Agar Abu Talib Ka Iman Sabit Hota To Woh Sahabi Ke Darje Par Pahunch Jate Aur Sahabi Kabhi Bhi Koi Jahannam Me معاذ الله Dakhil Nahi Honge, Balki Tamaam Sahabi Kataee Jannati Hain Woh Jannat Mein Hi Dakhil Honge Ye Hamara Aqeeda Hai, To Fir Yahan Par Ye Sarkar ﷺ Ne Farmaya Ki Woh Jahannam Mein Aakhri Tabqe Me Hain Aur Baaz Riwayton Mein Aaya Hai Ki Maine Kheench Kar Unko Nikala Hai Ab Unko Sirf Takhnon Tak Jahannam Ka Azaab Diya Ja Raha Hai To Yeh Jahannam Ka Azaab Usi Par Hote Hain Jo Kufr Par Mara Ho To Ye Hai.
Continue...
https://t.me/Aqaid_Course
Ubaid e Raza official
Imaan-e-Abi Talib :
③ Isi Tarah Hazrate Saeed Bin Musayyab رضی الله تعالی عنه Apne Walid Se Riwayat Karte Hain Ki Jab Abu Talib Ke Maut Ka Waqt qareeb Aaya To Rasool Allah ﷺ Unke Paas Tashreef Le Gaye Aap Ne Wahan Abu Jahal Aur Abdullah Bin Abi Umaiyya Ko Baitha Dekha Ye 2 Quraish Ke Sardar Wahan Par Maujood They, Nabi E Kareem ﷺ Ne Abu Talib Se Kaha Aye Chacha Kalma لَاۤ اِلٰهَ اِلَّا اللّٰهُ Padhiye Main Qayamat Ke Din Is Kalime Ki Aap Ke Liye Shahadat Duga, Abu Jahal Aur Abdullah Bin Umaiyya Ne Kaha Aye Abu Talib Kya Tum Abdul Muttalib Ke Millat Ko Unke Deen Ko Chhod Rahe Ho Usse Ayraz Kar Rahe Ho Rasool E Kareem ﷺ Musalsal Abu Talib Par Kalma Pesh Karte Rahe Aur Woh Dono Apni Baat Ko Dohrate Rahe
Hatta Ki Abu Talib Ne Aakhir Mein Kaha Ki Main Abdul Muttalib Ki Millat Par Hoon Unke Deen Par Hoon Aur لَاۤ اِلٰهَ اِلَّا اللّٰهُ Kahne Se Inkar Kar Diya Aap ﷺ Ne Farmaya Bakhuda Yani Allah Ki Qasam Main Aap Ke Liye Us Waqt Tak Istighfar Karta Rahunga Jab Tak Mujhe Isse Rok Na Diya Jaye, Is Wajah Se Allah Ta'ala Ne Ye Aayat Nazil Farmayi Ki Nabi Aur Momineen Ke Liye Jaiz Nahi Hai Ki Woh Mushrikeen Ke Liye Istighfar Karen Ye Woh Duaa E Maghfirat Wali Aayat Hai To Isse Allah Ta'ala Ne Mana Farma Diya To Ye Hadees Is Taraf Ishara Kar Rahi Hain Ki Abu Talib Ka Imaan Sabit Nahi Hai
⚠️ Lekin..!! Hamare Ulama Kiraam Ne Is Topic Par Baat Karne Se Isko Discuss Karne Se Bahut zyada معاذ الله Abu Talib Ke Liye Kuch Sakhti Ka Lafz Istemal Karne Se Mana Farmaya Hai Yani Ye Topic Discuss Hi Na Karen... Lekin Chuki Iska Topic Aqaaid Se Related Hai Bas Itna Main Kah Kar End Kar Rahi Hoon Isko, Is Par Tafseeli Guftagu Nahi Kar Rahi Hoon.. To Aap Bas Itna Likh Len Apne Notes Mein Aur Chhod Den Is Par Zyada Guftagu Isliye Nahi Karni Kyun Ki Sarkar ﷺ Ka Bahut Zyada Khayal Abu Talib Ne Duniya Mein Rakha Tha Quraish Taqleef Pahunchate To Abu Talib Sarkar ﷺ Ko Bachaya Karte They Bahut Unhon Ne Sarkar ﷺ Ki Khidmat Ki Thi To Ab Aisa Na Ho Ki Humne Koi Aisa Lafz Istemal Kiya Ki Jisse Sarkar ﷺ Ko Iza Pahunch Jaye Hamari Wajah Se Agar Hamari Wajah Se Sarkar ﷺ Ko Iza Pahuch Jaye To Fir Aap Samajh Len Hamara Hashr Kya Hoga Isliye Hamare Ulama Kiraam Ne Farmaya Ki Kafir Bolna Mushrik Bolna Is Tarah Bolne Se Aap Khamosh Rahen Is Par Aap Discuss Hi Na Karen Kyun Ki Hum Awaam Hain, Han Ulama Kiraam Ka Darja Bada Hai Woh Apna Level Jante Hain Daira Jante Hain Us Hisab Se Kalam Karte Hain To Woh Karen Theek Hai, Hum Hamari Zabano Ko Khamosh Rakhenge Yahi Main Bhi Aap Logon Se Bas Itna Hi Kah Rahi Hoon Aur Isi Par Ye Topic Finish Karti Hoon.
Continue...
https://t.me/Aqaid_Course
Ubaid e Raza official
Aqaaid Course (Part-361)
Waseele Ka Bayan :
Waseela Lena Ahle Sunnat Ke Nazdeek Jaiz Hai Ye Hamara Aqeeda Hai Aur Ye Bilkhusoos Aqaaid-E-Ahle Sunnat Se Iska Talluq Hai Hum Waseele Ke Kayil Hain Waseele Ko Mante Hain To Ye Kahan Se Sabit Hai Is Par Hum Kalam Karenge
To Pahle Ye Samjhein Ki Waseela Kahte Kise Hain.!? Waseela Yani Allah Ta'ala Ki Bargah Me Dekhiye Agar Hum Koi Cheez Mange To Allah Ta'ala To Beniyaz Hai Woh Chahe To Ata Farma De Chahe To Hamari Duaaon Ko Filhal Qubool Na Farmaye Baad Mein Qubool Farmaye Yani Allah Ta'ala Behtar Janta Hai Ki Is Waqt Hamare Haq Mein Woh Duaa Qubool Honi Behtar Hai Ya Nahi... Lekin Kabhi Kabhar Aisa Hota Hai Kuch Cheezein Hamari Aisi Hoti Hain Agar Hum Duaa Karte Hain Na... To Woh Duaa Isliye Qubool Nahi Hoti Ke Hamare Gunah Zyada Hote Hain Zahir Si Baat Hai Hum Gunahon Ke Putle Hain Humse Din O Raat Mein Kasrat Se Gunah Hote Rahte Hain To Ye Gunah Allah Ta'ala Ka Qurb Hasil Karne Se Ek To Door Kar Deti Hai Yani Allah Ta'ala Se Banda Door Hota Jata Hai Allah Ta'ala Ke Kareeb Hone Se Ye Gunahe Aad Ban Jati Hai, Isi Tarah Kabhi Kabhar Duaa E Wagaira Hoti Hai Hamari Haajatein Wagaira Hoti Hain To Ye Gunah Beech Mein Ek Rukawat Ban Jati Hai To Ab Is Soorat Mein Banda Khud Kabhi Kabhar Tauba Kar Le Theek Hai Ye Bhi Hai
Lekin..!! Hum Woh Gunahgar Bande Hain Ki Hamara Kya Kah Sakte Hain Kya Koi Guarantee De Sakte Hain? Ki Humne Ye Kar Liya Hai Hamari Ibadate To Aisi Ikhlas Wali Nahi Hoti Na.. Ki Humne Namazein Kon Si Bade khusoo o khuzoo se Padhi Hai Ki Hum Ummeed Rakhein Ki Ye Qubool Hogi Yani Aisi To Ada Nahi Ki Hai Adaygi Ki Soorat Dekhein To Qubuliyat Ki Koi Ummeed Nahi Hai, Han Ye Zaroor Hai Ki Allah Ta'ala Ka Fazlo Karam Par Hum Pura Bharosa Rakhte Hain Ki Agarche Hamari Adaygi Naqis Hai Inmein Kotahi Hoti Hai Lekin Hamara Rab Bada Ghafur-ur-Raheem Hai ان شاء الله تعالیٰ Woh Hamarei Ibadaton Ko Qubool Farma Lega Ye Hamari Ummeed Hoti Hai, To Ye Hai Ki Hum Kamtar Bande Hain Gunahgar Bande Hain To Jab Hum Chahte Hain Ki Hum Allah Ta'ala Ke Kareeb Ho Jayein To Allah Ta'ala Ka Qurb Hasil Karne Ke Liye Hum Direct Jaye Ye Mumkin Nahi Hai.
Continue...
https://t.me/Aqaid_Course
Ubaid e Raza official
Waseele Ka Bayan :
Isi Tarah Maine Kaha Ki Kabhi Kabhar Hamare Gunahein Rukawat Hoti Hain Aur Hamari Duaa E Qubool Nahi Hoti To Hum Kya Karte Hain Ki Ambiya Kiraam عَلَیْھِمُ الصَّلٰوةُ وَالسَّلَام Ka Waseela Pesh Karte Hain Auliya Kiraam Ka Wasila Pesh Karte Hain Buzurgane Deen Ka Wasila Pesh Karte Hain Kyun Ki Dekhiye Agar Aap Ka Koi Kaam Nahi Hota To Hum Kya Karte Hain Hum Koshish Karte Hain Na.. Ki Samne Wale Ko Kuch Influence Karen Uske Koi Pyare Bande Se Ja Kar Baat Karen Aur Kahein Ki Aap Hamari Taraf Se Sifarish Kar Den Request Kar Den.. kyun Ki Hame Pata Hai Hamari Baat Nahi Mani Jaye Gi, Lekin Jo Sifarish Kar Raha Hai Woh Uska pyara Banda Hai To Sifarish Qubool Kar Leta Hai,
Jaise : Aasan Si Misal Hai Abhi Ek Class Chal Rahi Hai Teacher Ne Kaha Tha Ki Kal Maine Exam Lena Hai Ab Kal Kisi Bachhe Ne Padhai Kar Ke Nahi Aayi To Ab Sab Bachhe Soch Rahe Hain Ki Hum Teacher Se Ja Kar Baat Karen Ki Exam Aap Postpone Kar Den To Teacher Ke Paas Ek Bachhi Jati Hai Baat Karti Hai Teacher Se To Teacher Kahti Hai Ki Nahi Postpone Nahi Karege Aaj Hi Exam Hoga Is Tarah 2-3 Jate Hain Lekin Woh Teacher Razi Nahi Hoti Itne Mein Kya Hota Hai Ki Sab Decide Kar Lete Hain Ki Hum Teacher Ki Jo Favorite Student Hai Na.. Jo Hamesha Achhe Marks Lati Hai Us Ke Paas Hum Kahenge Ki Tum Ja Kar Teacher Se Baat Karo To Woh Teacher Ki Pyari Student Hoti Hai Woh Aa Kar Kahti Hai Ki Mam Maine Bhi Aaj Tayyari Nahi Ki Hai Aap Kal Exam Le Len Hum Kal Tayyari Kar Ke Aayenge To Fir Teacher Razi Ho Jati Hai Kyun? kyun Ki Woh Pyari Student Hai To Ye Hota Hai Ki Hum Kisi Ke Zariye Sifarish Karte Hain To Kabhi Kabhar Woh Maan Li Jati Hai
To Bila Tashbiho Tamseel Ye Misale Maine Aap Ko Samjhane Ke Liye Dee Ki Hum Wasila Lete Kyun Hain Kabhi Kabhar Hamare Bigde Huwe Kaam Nahi Bante Kyun? kyun Ki Hum Gunahgar Hain Rab Ta'ala Agar Hamse Naraz Hai To Uska Haq Hai Ki Humse Woh Naraz Hai Ab Hum Chahte Hain Ki Allah Ta'ala Hamse Razi Ho Jaye Aur Hamari Duaaon Ko Bhi Qubool Farmaye To Hum Allah Ta'ala Ki Bargah Mein In Mubarak Hastiyon Ke Ambiya Kiraam عَلَیْھِمُ الصَّلٰوةُ وَالسَّلَام Ho Ya Auliya Kiraam Ho Inke Daman Mein Chhupte Huwe Hum Allah Ta'ala Ki Bargah Mein Wasila Pesh Karte Hain Inko Zariya Banate Hain Ki Allah Ta'ala Tu Hamari Taraf Na Dekh.. Hum To Siyakaar Hain Hum To Gunahgaar Hain Tu Inki Taraf Dekh Ki Jinki Sifarish Hum Le Kar Aaye Hain Ye To Tere Nek Bande Hain Na... To Tu Inke Sadqe Mein Hamari Haajton Ko Pura Farma To Ye Hai Waseela Kisi Ko Zariya Banana.
Continue...
https://t.me/Aqaid_Course
Ubaid e Raza official
Waseele Ka Bayan :
To Waseela Chahe Ambiya Kiraam عَلَیْھِمُ الصَّلٰوةُ وَالسَّلَام ka Ho Ya Auliya Kiraam Ka Ho Tamaam Ka Waseela Lena Ye Jaiz Hota Hai, Isi Tarah Nek Aamal Ka Bhi Waseela Liya Ja Sakta Hai Nek Aamal Yani Kisi Ne Koi Neki Kee Hai To Us Neki Ke Waseele Se Agar Koi Duaa Karta Hai To Ye Jaiz Hota Hai Bahut Si Riwayat Mein Aata Hai Na... Woh Waqiyat Aap Bhi Sune Hoge Khulasa Arz Kar Rahi Hu : Ki Teen Shakhs Ek Ghufa Mein Phas Jate Hain Samne Se Uska Entrance Band Ho Jata Hai Bada Patthar Aa Jata Hai Aur Woh Band Ho Jata Hai Aur Lakh Koshish Karne Ke Bawajood Woh Patthar Hatta Nahi Hai Ki Ye Bahar Chale Jaye Ab Yahan Par Phase Huwe Hain To Teen Afraad They To Teenon Ne Apni Zindagi Mein Jo Unho Ne Nek Amal Kiye They Unke Waseele Se Allah Ta'ala Ki Bargah Mein Duaa Ki Allah Ta'ala Ne Us Patthar Ko Hata Diya, To Is Tarah Nek Aamal Ka Wasila Bhi Diya Ja Sakta Hai
To Ye Tamam Cheezein Hamare Nazdeek Jaiz Hain To Ahle Sunnat Ka Aqeeda Kya Hai? Chahe Ambiya Kiraam عَلَیْھِمُ الصَّلٰوةُ وَالسَّلَام Hon Chahe Auliya Kiraam Hon Isi Tarah Nek Aamal Hon In Tamaam Cheezon Ka Waseela Hum Allah Ta'ala Ki Bargah Me Pesh Kar Sakte Hain.
Continue...
https://t.me/Aqaid_Course
Ubaid e Raza official
Waseele Ka Bayan :
Lekin..!! Isme Problem Kya Hota Hai Ki Dusre Log Is Par Ye Aytraz Karte Hain Ki Waseela Shirk Hai Baaz Kahte Hain Ki Bida'at Hai..?
To Sabse Pahle Ye Shirk Ho Hi Nahi Sakta Kyun? kyun Ki Jab Hum Ambiya Kiraam عَلَیْھِمُ الصَّلٰوةُ وَالسَّلَام Ki Bargah Mein Waseela Pesh Kar Rahe Hain Sarkar ﷺ Ki Bargah Mein Waseela Pesh Kar Rahe Hain Achha Waseela Dono Tareeqe Se Pesh Ho Sakta Hai Mujhse Sawal Ye Bhi Aaya Tha Ki Hum Kaise Waseela Len? Ya Kaise Madad Mange? Direct Sarkar ﷺ Se Mange Ki Sarkar ﷺ Aap Mujhe Ye Cheez Ata Farma Den, Is Tarah Mange? Ya Fir Is Tarah Mange Ki Ya Allah Sarkar ﷺ Ke Waseele Se Sarkar ﷺ Ke Sadqe Me Mujhe Ye Cheeze Ata Farma.. To Dono Cheezein Jaiz Hain Direct Aap Sarkar ﷺ Se Bhi Mang Sakte Hain Auliya Kiraam Se Bhi Mang Sakte Hain Isi Tarah Aap Sarkar ﷺ Ke Waseele Se Allah Ta'ala Ki Bargah Me Duaa Mang Sakte Hain Dono Tareeqe Jaiz Hain Aur Dono Ke Saboot Hain Iske Baad Next Topic Gairullah Se Madad Mangna Yani Ambiya Kiraam عَلَیْھِمُ الصَّلٰوةُ وَالسَّلَام Se Direct Madad Magna Auliya Kiraam Se Direct Madad Magna Ye Kahan Se Sabit Hai? Ye Bhi ان شاء الله تعالیٰ Is Par Pura Ek Topic Aayega,
Bahrhaal Isme Doubt Ye Hota Hai Ki Hum Kya Waseela Le Sakte Hain Ya Nahi Ye Shirk Nahi Hoga Ki Hum Kisi Aur Se Madad Mang Rahe Hain? Ki Aap Hame Ye Cheez Ata Kar Den? To Isme To Aap Samajh Sakti Hain Aap Aqaaid Course Kafi Kar Chuki Hain To Iska Jawab Aap Ko Pata Hi Hoga Ke Hum Ambiya Kiraam عَلَیْھِمُ الصَّلٰوةُ وَالسَّلَام Se Mangte Hain Auliya Kiraam Se Mangte Hain Allah Ke Nek Bandon Se Mangte Hain To Unko معاذ الله Khuda Samajh Kar Nahii Mangte, Balki Hum Ye Samajh Kar Mangte Hain Ki Ye Allah Ta'ala Ke Pyare Bande Hain Allah Ta'ala Ne Inko Taqat Dee Hai Ki Woh Dusre Musalmanon Ki Madad Karen To Woh Allah Ki Di Huwi Taqat Se Hamari Madad Karte Hain Warna Asal Me Madad Farmane Wali Zaat Allah Ki Hi Hai, To Allah Ta'ala Ka Madad Farmana Ye Zaati Hai Aur Baqi Sab ka Ka Ataee Hai Allah Ta'ala Ki Ata Se Woh Hamari Madad Karte Hain To Isme Shirk Ka Koi Concept Nahiii Hai,
Aur Na Hi Ye Bida'at Hai Aisa Nahiii Hai Ki Baad Me Abhi 4-5 Saal Se Ya 100-200 Saal Se Ye Naya Cheez Chala Aaya Hai Ki Waseela Lete Hain Balki Nahiiii, Waseele Ka Saboot Sarkar ﷺ Ke Zamane Se Hai To Maine Aap Ko Thoda Samjha Dee Ki Waseela Hai Kya Aur Kis Tarah Lete Hain.
Continue...
https://t.me/Aqaid_Course
Ubaid e Raza official
Waseele Ka Bayan :
Ab Dalail Ki Taraf Aate Hain Ki Waseela Ka Hukum Hame Khud Quraan E Majeed Me Diya Gaya Hai... Surah Maida Ki Aayat Number 35
یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ابْتَغُوْۤا اِلَیْهِ الْوَسِیْلَةَ
Aye Imaan Walon Allah Se Daro Aur Uski Taraf Wasila Dhondo.
Clear Hai Aayat Maine Tarjuma Padha Ummeed Hai Aap Ko Samajh Me Aa Gai Hogi Aayat Me Saaf Taur Par Allah Ta'ala Ne Irshad Farma Diya Ki Allah Ta'ala Se Darte Raho Aur Allah Ta'ala Ki Taraf Waseela Dhondo, Waseele Ka Lafz Bhi Quraan E Majeed Me Aaya Hai Ki Hame Allah Ta'ala Ki Taraf Wasila Dhondna Hai
Dekhiye Allah Ta'ala Duniya Mein Jo Bhi Kaam Farmata Hai Na.. Allah Ta'ala Ke Hukum Se Hi Hota Hai Lekin Isme Darmiyan Mein Koi Na Koi Waseela, Koi Na Koi Zariya Zaroor Hota Hai Ab Jaise Aap Khana Khate Hain Allah Ta'ala Kya Is Par Qadir Nahi Hai Ki Aap Ko Chahe To Faoran Khana Aasman Se Muh Mein Gir Jaye Aur Aap Kha Len? Bilkul Possible Hai Na.. Fir Bhi Allah Ta'ala Ne Is Duniya Mein Waseelon Ko Qayim Farmaya Hai Allah Ta'ala Isko Pasand Farmata Hai, Ki Kisaan Kheti Badi Karte Hain Beej Dalte Hain Pani Dalte Hain Phir Darakhat Nikalta Hai Phir Isme Phal Nikalte Hain Sabjiya Nikalti Hain Ya Jo Bhi Cheezein Hain Unse Hum Khana Tanagul Farmate Hain To Ye Sab Cheeze Kya Hain.? Waseela Hain Na.. Ye Jo Beej Aap Ne Zameen Me Dala Tha Woh Zariya Tha Aap Ke Khane Ke Liye Jo Darakht Nikla Tha Woh Zariya Tha Aap Ke Khane Ke Liye To Ye Tamaam Cheezein Waseele Hain.
Continue...
https://t.me/Aqaid_Course
Ubaid-e-Raza official
Waseele Ka Bayan :
Isi Tarah Allah Ta'ala Chahta To Duniya Mein Insano Ko Yun Hi Hukum Farma Deta Duniya Mein Insan Aa Jate Lekin Walidain Ko Waseela Banaya Hai Paidaish Ke Liye To Ye Hai Ki Duniya Mein Jo Bhi Kaam Hote Hain Allah Ta'ala Ne Isko Pasand Farmaya Hai Ki Isme Waseela Ho
Aur Quraan E Majeed Mein Bhi Allah Ta'ala Ne Irshad Farmaya Hai Ki Waseela Dhondo Aur Allah Ta'ala Ki Taraf Waseela Dhondna Allah Ta'ala Ne Ye Kahi Par Bhi Nahi Farmaya Ki Waseela Sirf Nek Aamal Ka Dhondon Ya Isko Dhondon Iska Nahi Dhondon... Is Tarah Nahi Hai Balki Waseela Dhondon Kaha Hai To Waseela Chahe Hum Ambiya Ka Len Chahe Auliya Ka Len Chahe Nek Aamal Ka Len Har Tareeqe Ka Waseela Jaiz Hota Hai.
Aur Is Waseele Par Aap Jante Hain Na Pichhli Post Mein Jab Hum Milad E Mustafa ﷺ Ka Topic Padh Rahe They Usme Ek Riwayat Guzri Thi Hazrate Ibne Abbas رضی الله تعالی عنه Kee, Ke Yahudi Sarkar ﷺ Ke Is Duniya Mein Tashreef Aane Se Pehle Woh Sarkar ﷺ Ke Waseele Se Duaa Manga Karte They Allah Ta'ala Unhe Fatah Ata Farmata Tha Jang Mein Jate To Sarkar ﷺ Ke Waseele Se Duaa Manga Karte They Ki Hame Aakhri Nabi Sarkar ﷺ Ke Waseele Se Hame Fatah Naseeb Farma To Ye Waseele Ka Sabot Hai Ek To Daleel Hai Ki Sarkar ﷺ Ke Daor Se Pehle Bhi Waseela Liya Jata Tha.
Continue...
https://t.me/Aqaid_Course
Ubaid-e-Raza official
Waseele Ka Bayan :
Isi Tarah Allah Ta'ala Quraan E Majeed Me Ek Aur Jagah Irshad Farmata Hai Surah Nisha Aayat Number 64 Mein Hai
وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ فَاسْتَغْفَرُوا اللّٰهَ وَ اسْتَغْفَرَ لَهُمُ الرَّسُوْلُ لَوَجَدُوا اللّٰهَ تَوَّابًا رَّحِیْمًا
Agar Woh Apne Jano Par Julm Kar Baithey Yani Gunah Kar Baithey To Aye Mahboob Aap Ki Bargah Mein Aa Jaye Aur Allah Ta'ala Se Moafi Chahein Aur Rasool Bhi Unke Liye Istighfar Karen To Allah Ta'ala Ko Bakhshne Wala Maherban Payenge سبحان الله
Allah Ta'ala Ne Quraan E Majeed Mein Hame Tareeqa Irshad Farma Diya Ki Hame Tauba Karni Hai To Kis Tarah Karni Hai Sikha Diya Aur Isme Bhi Wazeh Tauer Par Hame Waseele Ka Daleel Mil Raha Hai, Kya Farmaya Hai Allah Ta'ala Ne? Allah Ta'ala Ne Farmaya Hai Ki Jab Hum Gunah Kar Len Na.. Aur Chahte Hain Ki Allah Ta'ala Hamari Tauba Ko Qubool Farmaye To Allah Ta'ala Kya Farma Raha Hai Sarkar ﷺ Se Farmaya Ki Aye Habeeb Ye Aap Ki Bargah Mein Aa Jaye Aap Ke Paas Aa Jaye Aur Fir Allah Ta'ala Se Tauba Bhi Karen
Aur Fir Allah Ta'ala Ne Sirf Is Par Kafi Nahi Farmaya Aage Farmaya Hai وَ اسْتَغْفَرَ لَهُمُ الرَّسُوْلُ Aur Rasool Bhi Yani Sarkar ﷺ Bhi Unke Liye Istighfar Karen Ye Waseela Hi To Huwa Na? Ki Hum Sarkar ﷺ Ki Bargah Mein Hajir Hon Tauba Karen Aur Sarkar ﷺ Bhi Hamare Haq Mein Allah Ta'ala Se Duaa Farmayen Ki Allah Ta'ala Hame Bakhsh De... To Ye To Waseela Huwa Hum Sarkar ﷺ Ka Waseela Allah Ta'ala Ki Bargah Mein Pesh Kar Rahe Hain, To Jab Sarkar ﷺ Bhi Hamare Liye Istighfar Farmaye Gen To Allah Ta'ala Farmata Hai Ki Woh Allah Ta'ala Ko Bakhshne Wala Maherban Payenge Yani Allah Ta'ala Hamari Bakhshish Bhi Farma Dega Maherbani Hum Par Farmate Huwe Hamari Tauba Ko Qubool Farmayega Aur Yahan Par Ye Waseele Ka Saboot Hai.
Continue...
https://t.me/Aqaid_Course
Ubaid-e-Raza official
Waseele Ka Bayan :
Achha Koi Ye Kahe Ki Sarkar ﷺ Jab Zahri Taur Par Hayat They To Theek Hai Aap Sarkar ﷺ Ki Bargah Me Hazir Ho Sakte Hain Ab To Hain Nahi Na معاذ الله Unke Nazdeek Hain Nahi.... (Hamare Nazdeek To Ab Bhi Hayat Hain Hamare Sarkar ﷺ) Yani Zahri Taur Par Hazir Ho Sakte They Ab To Hazir Nahi Ho Sakte Matlab Waseela Jaiz Nahi Hai.?
Ye Batayen Ye Kis Qadar Bewakufi Ki Baat Hai Aap Samajh Len Ki Agar Koi Cheez Shirk Hai To Woh Hamesha Hamesha Shirk Hogi Na.? Kya معاذ الله Aisa Tha Ki Sarkar ﷺ Ke Zamane Me Allah Ta'ala Ke Sath Kisi Ko Mabood Man Lena Khuda Maan Lena Jaiz Tha? Aap Ke Wafat Ke Baad Najaiz Ho Gaya?? Nahiii..., Jab Us Waqt Bhi Shirk Tha To Ab Bhi Shirk Rahega, Jab Us Waqt Najaiz Tha To Ab Bhi Najaiz Rahega, Us Waqt Agar Jaiz Tha To Ab Bhi Jaiz Rahega To Jab Sarkar ﷺ Ke Zahri Hayat Me Waseela Jaiz Tha To Baad Mein Bhi Jaiz Hai Aise Kaise Ho Sakta Hai Ki Woh Ek Waqt Mein Shirk Ho Aur Ek Waqt Mein Shirk Nahi Ho? Ya To Din Hoga Ya To Raat Hogi Aisa Nahi Hoga Na Ki Dono Ek Saath Ho Jayege? To Bahrhaal Ye Hai Ki Sarkar ﷺ Ke Zamane Mein Me Bhi Waseela Jaiz Tha Aur Tab Jaiz Tha To Ab Bhi Jaiz Hai,
Achha Us Waqt Log Sarkar ﷺ Ki Bargah Mein Hazir Ho Kar Duaa Mangte They Ab Hamare Liye Hamare Sarkar ﷺ Ka Raoza E Mubarka Madina E Munawwara Mein Hai Jisse Mumkin Hoga To Woh Wahan Ja Kar Hazir Ho Kar Mang Le Allah Ta'ala Hum Sabko Ye Sa'adate Naseeb Farmaye Ki Hum Wahan Ja Kar Hamari Arziyan Pesh Kar Sake To Wahan Ja Kar Karen آمین 🤲🏻🤲🏻
Aur Jo Nahi Ja Sakta To Allah Ta'ala Wazeh Taur Par Quraan E Majeed Mein Farmata Hai Ki : Allah Ta'ala Kisi Jaan Ko Uski Taqat Se zyada Parshani Mein Mubtela Nahi Farmata Khulasa Hai, Yani Bande Mein Jitni Taqat Hai Usko Sirf Utni Hi Cheez Ka Hukum Diya Jayega Ab Jo Koi Gareeb Hai Jo Madina Munawwara Tak Bazahir Nahi Ja Sakta Uske Liye Ye Nahi Kaha Jayega Ki Tumhari Tauba Usi Waqt Qubool Hogi Ki Jab Tum Raoza E Mubarka Ke Paas Ho, Balki..!! Uske Liye Hukum Yahi Hai Woh Yahi Se Baithey Tasawwur Mein Madina Munawwara Mein Samne Hain Raoza E Mubarka Ke Samne Hain Sarkar ﷺ Se Duaa Mange Ki Aap ﷺ Hamare Haq Mein Allah Ta'ala Ki Bargah Mein Duaa Farmayein Hamare Liye Istighfar Farma Den To ان شاء الله تعالیٰ Hamari Duaa Qubool Ho Jayegi... Kyun? Kyun Ki Hamare Sarkar ﷺ Hayat Bhi Hain Hamare Sarkar ﷺ Door o Nazdeek Se Sunte Bhi Hain Hamare Sarkar ﷺ Hazir o Nazir Bhi Hain To Woh Sab Cheezon Se Bakhabar Hain Sab Cheezon Ko Woh Jante Hain,
Aala Hazrat Farmate Hain Na : Faryad Ummati Jo Kare Haale Zaar Mein, Mumkin Nahi Ke Khairul Bashar Ko Khabar Na Ho Yani Takleef Mein Jo Sarkar ﷺ Ko Pukare Aisa Mumkin Hi Nahi Hai Ki Sarkar ﷺ Ko Is Baat Ki Khabar Na Ho To Hum Yahan Baith Kar Bhi Agar Gulam Wahan Par Pukarenge Sarkar ﷺ Ko To ان شاء الله تعالیٰ Sarkar ﷺ Karam Farmayenge To Ye Quraan E Majeed Se Do Aayatein Maine Aap Ko Bata Dee.
Continue...
https://t.me/Aqaid_Course
Ubaid-e-Raza official
Waseele Ka Bayan :
Isi Tarah Ek Aur Aayate Mubarakah Hai Ayat No. 37
فَتَلَقّٰۤى اٰدَمُ مِنْ رَّبِّهٖ كَلِمٰتٍ فَتَابَ عَلَیْهِؕ-اِنَّهٗ هُوَ التَّوَّابُ الرَّحِیْمُ(37)
Phir Seekh Liye Aadam Ne Apne Rab Se Kuch Kalime To Allah Ne Uski Tauba Qubool Ki Beshak Wahi Hai Bahut Tauba Qubool Karne Wala Maharbaan.
Yahan Par Allah Ta'ala Aadam علیہ السلام Ke Tauba Ka Waqiya Irshad Farma Raha Hai , Aap Jante Hain Ki Aap Se Ijtehadi Khata Sarzad Ho Gai Thi To Aap Is Duniya Mein Tashreef Lane Ke Baad Musalsal Us Ijtehadi Khata Se Muaafi Allah Ta'ala Ki Bargah Mein Talab Kar Rahe They, Hakanki Ye Lazim To Nahi Hota Maine Aap Ko Ye Baatein Detail Me Samjhai Thin... Nubuwwat Aur Risalat Ke Topic Mein Ki Ijtehadi Khata To Koi Gunah Nahi Hota Balki Ijtehadi Khata Par Bande Ko Ijtehad Karne Ka Sawab Diya Jata Hai To Gunah To Nahi Tha Lekin Ye Bhool Thi Aadam علیہ السلام Se Lekin Phir Bhi Ye Ambiya Kiraam عَلَیْھِمُ الصَّلٰوةُ وَالسَّلَام Ki Zaat Hoti Hai Ki Woh Is Bhool Par Bhi Tauba Karte They To Itni Lambi Jo Tauba Aadam علیہ السلام Ne Ki Woh Lazim To Nahi Thi Lekin Ye Aap Ke Nafs Ki Paki Thi Jo Unho Ne Itni Lambi Tauba Farmayi
Achha Is Aayat Ki Tafseer Sunen,... Ruhul Bayan Mein Hai Sarkar ﷺ Se Marwi Hai Ki Aadam علیہ السلام Ne Allah Ta'ala Ki Bargah Me Arz Ki "Meri Muhammad ﷺ Ke Sadqe Maghfirat Farma" Dekhiye Aadam علیہ السلام Sarkar ﷺ Ka Waseela Le Rahe Hain, Kya? Ki Meri Muhammad ﷺ Me Sadqe Se Maghfirat Farma... To Allah Ta'ala Farmata Hai Tune Muhammad (ﷺ) Ko Kaise Jana... Arz Kee Jab Tune Mujhe Paida Kiya Aur Mujh Me Rooh Phoonki Jab Meri Aankhein Khuli To Maine Dekha Arsh Par Likha Tha لَاۤ اِلٰهَ اِلَّا اللّٰهُ مُحَمَّدٌّ رَّسُوْلُ اللّٰهِ ﷺ To Main Jaan Gaya Ki Muhammad ﷺ Makhlooq Mein Tere Mahboob Bande Hain Yani Makhlooq Mein Sabse Zyada Pyare Allah Ta'ala Ke Liye Sarkar ﷺ Hain
Aage Farmate Hain Isliye Tune Unka Naam Apne Naam Ke Sath Milaya Hai... Yani Allah Ta'ala Ne Apne Naam Ke Saath لَاۤ اِلٰهَ اِلَّا اللّٰهُ Itna Nahi Rakha Saath Me مُحَمَّدٌّ رَّسُوْلُ اللّٰهِ ﷺ Bhi Jama Farmaya Hai To Jiska Naam Apne Naam Ke Saath Milaya Hoga Woh Yaqeenan Tamam Makhlooq Mein Allah Ta'ala Ko Sabse zyada Pyara Hoga To Allah Ta'ala Ne Farmaya Han, Aur Muhammad ﷺ Ke Sadqe Unki Bakhshish Kar Di Gai Tauba Qubool Kar Li Gai
To Yahan 👆🏻👆🏻Par Hazrate Aadam علیہ السلام Ne Bhi Waseela Pesh Kiya Aur Allah Ta'ala Ne Is Waseele Ko Qubool Bhi Farmaya Ye Is Aayat Ki Jo Tafseer Hai Ye Tafseer Ruhul Bayan Mein Likhi Huwi Hai, To Ye Maine Aap Ko Bata Dee.
Continue...
https://t.me/Aqaid_Course
Ubaid-e-Raza official
Waseele Ka Bayan :
Ye To Maine Abhi Aap Ko Quraan e Majeed Se Waseele Ka Saboot Diya.. Aayen Ab Sahaba Kiraam رضی الله تعالی عنهم Kis Tarah Sarkar ﷺ Ka Waseela Lete They Ye Dekhen Bukhari Sharif Ki Ye Aayat Hai Bahut Strong Daleel Hai, Bukhari Ki Daleel Hai Jild 1 Safha No. 137 Hazrate Umare Farooq رضی الله تعالی عنه Kahat Ke Zamane Mein Aap Jab Khalifa Bane To Aap Ke Zamane Mein Kahat Aa Gaya Tha... Kahat Yani Sukha Pad Gaya Tha Barish Nahi Aa Rahi Thi To Kahat Ke Zamane Mein Hazrate Abbas Bin Abdul Muttalib رضی الله تعالی عنه Ye Huzoor ﷺ Ke Chacha Hain Aap Ke Waseele Se Allah Ta'ala Ki Bargah Me Duaa Mangte Aur Arz Karte Hum Teri Taraf Apne Nabi E Kareem ﷺ Ko Waseela Banate They To Sayrab Farmata Tha.. Ab Hum Teri Bargah Mein Nabi E Kareem ﷺ Ke Chacha Hazrate Abbas رضی الله تعالی عنه Ko Waseela Banate Hain Tu Hame Shayrab Farma De To Rawi Kahte Hain Ki Hame Shayrab Farma Diya Hum Par Barish Nazil Farma Dee.
Ye Dekhiye Kiska Amal Hai? Iska Uska Nahi Balki Sahabi e Rasool Hazrate Farooq e Aazam رضی الله تعالی عنه Ka Amal Hai, Achcha Ismein Dekhiye Alfaaz Ki Hazrate Umar رضی الله تعالی عنه Pahle Ka Waqiya Bhi Bayan Kar Rahe Hain “Pahle Hum Sarkar ﷺ Ka Waseela Pesh Karte They“ To Allah Ta'ala Tu Aap ﷺ Ke Waseele Se Hum Par Barish Nazil Farmata Tha Ab Hum Hazrate Abbas Ka Wasila Pesh Karte Hain Taki Tu Hum Par Barish Nazil Farma De,
Achha Ab Yahan Par Log Kuch Aytraz Karte Hain... Kya? Ki Hadees Mein Chale Hum Maan Bhi Lete Hain Ki Waseela Jaiz Hai Hum Ye Bhi Maan Lete Hain Ki Sarkar ﷺ Ka Waseela Jaiz Hai Lekin Auliya Kiraam Ka Hum Waseela Nahi Le Sakte Ya Phir Kuch Aytraz Ye Karte Hain Ki Is Hadees Se Waseela To Sabit Hota Hai Lekin Sirf Zindo Ka Waseela Sabit Hota Hai.. Kyun Ki Hazrate Umar رضی الله تعالی عنه Farmate Hain Ki Sarkar ﷺ Ka Waseela Lete They Dekhiye Jab Sarkar ﷺ Parda Farma Gaye To Hazrate Umar رضی الله تعالی عنه Ne Sarkar ﷺ Ka Waseela Nahi Liya Balki Hazrate Abbas رضی الله تعالی عنه Ka Waseela Liya To Sabit Huwa Ki Sirf Zindo Ka Waseela Liya Ja Sakta Hai معاذ الله Jo Is Duniya Se Wisal Kar Gaye Unka Hum Koi Wasila Nahi Lete, Halanki..!! Aisa Nahiii Hai... Sahaba Kiraam رضی الله تعالی عنهم Ke Daur Mein Bhi Aap ﷺ Ke Zahri Parda Farmane Ke Baad Bhi Bibi Aayesha رضی الله تعالی عنها Se Riwayat Milti Hai Ki Jahan Par Aap ﷺ Ka Raoza e Mubarka Hai Na.. Wahan Ki Chhat Mein Chhota Sa Surag Kar Liya Gaya Duaa e Wagaira Ki To Allah Ta'ala Ne Sarkar ﷺ Ke Waseele Se Barish Ko Nazil Farmaya To Ye Riwayatein Bhi Maujood to Hain
To Phir Yahan Par Bhi Hazrate Farooq e Aazam رضی الله تعالی عنه Ne Sarkar ﷺ Ka Waseela Lene Ke Bajay Hazrate Abbas رضی الله تعالی عنه Ka Wasila Liya To Isme Kya Wajah Hai.? Ismein Shariheen Jo Muhaddiseen Hain Hadees Bayan Karte Hain Na... Unho Ne Ulama Kiraam Ne Bahut Pyara Jawab Diya Hai Farmate Hain Ki Ye Ummat Ke Liye Taleem Tha Koi Ye Na Soche Ki Sirf Aur Sirf Sarkar ﷺ Ka Waseela Lena Jaiz Hai Yahi Baat Logon Mein RaizjNa Ho Jaye Is Liye Hazrate Umar Farooq e Aazam رضی الله تعالی عنه Ne Aqeeda Bhi Bayan Kar Diya Ki Hum Sarkar ﷺ Ka Waseela Lete They Sath Mein Hum Ummatiyon Ko Ye Taleem Bhi De Dee Ki Jis Tarah Sarkar ﷺ Ka Waseela Lena Jaiz Hai Usi Tarah Allah Ta'ala Ke Nek Bandon Ka Allah Ta'ala Ke Auliya Ka Waseela Lena Bhi Jaiz Hai Is Aqeede Ko Wazeh Karne Ke Liye Hazrate Umar رضی الله تعالی عنه Ne Bayan Bhi Farma Diya Ki Sarkar ﷺ Ka Waseela Lete They Sath Hi Sath Mein Hazrate Abbas رضی الله تعالی عنه Ke Waseele Se Duaa Bhi Farma Dee, To Ye Bahuti
Hi Pyari Hadees Hai Jisme Bahut Sari Cheezon Ka Hamein Ilm Ho Jata Hai Waseele Ka Saboot,Zinde Ka Bhi Le Sakte Hain Jo Parda Farma Gaye Unka Bhi Le Sakte Hain Isi Tarah Sarkar ﷺ Ka Bhi Waseela Le Sakte Hain Aur Dighar Auliya Kiraam Ka Bhi Waseela Le Sakte Hain.
Continue...
https://t.me/Aqaid_Course
Ubaid-e-Raza official
Waseele Ka Bayan :
Ab Sawal Ye Aata Hai Ki Kya Sarkar ﷺ Ne Khud Waseela Lene Ke Bare Mein Kisi Ko Sikhaya Hai? Ya Hukum Diya Hai?
To Ji Han Bilkul.. Hadeese Mubarka Hai Hazrate Usman Bin Haneef رضی الله تعالی عنه Ye Riwayat Karte Hain Ye Hadees Bayan Karte Hain Ki Ek Nabina Aadmi Sarkar ﷺ Ki Bargah Mein Hazir Huwa Aur Arz Ki Mere Liye Allah Ta'ala Se Duaa Karen Ki Woh Mujhe Aafiyat De Farmaya Agar Tu Chahe To Main Tumhare Liye Duaa Ko Moakhkhar Kar Dun Aur Ye Tumhare Liye Behtar Hai Aur Agar Chaho To Duaa Karun Yani Woh Chah Rahe They Ki Sarkar ﷺ Duaa Kar Den Ye Jo Shakhs Aa Rahe Hain Ye Sahabi E Rasool Hain Aye Aur Unho Ne Sarkar ﷺ Se Kya Farmaya Ki Aap Mere Liye Aafiyat Ki Duaa Kar Den Yani Meri Aankhon Ki Roshni Aa Jaye Isliye Duaa Kar Den... Ab Dekhen Direct Nahi Mang Rahe Sahabi e Rasool Hain Martaba Aap Jante Hain Na..? Sahabi e Rasool Ka Kitna Bada Hai Fir Bhi Aa Rahe Hain Direct Nahi Mang Rahe Sarkar ﷺ Ka Waseela Mang Rahe Hain Ki Aap Mere Haq Me Duaa Farma Den Aur Sarkar ﷺ Ne Bhi Ye Nahiii Farmaya Ki Mera Waseela Na Lo Balki Allah Ta'ala Ki Bargah Me Direct Mango اِیَّاكَ نَعْبُدُ وَ اِیَّاكَ نَسْتَعِیْنُ Hum Teri Hi Ibadat Karte Hain Aur Tujh Hi Se Madat Chahte Hain Ye Aayat Tumne Quraan Me Nahi Padhi, Is Tarah Sarkar ﷺ Ne Nahi Farmaya
Balki..!! Sarkar ﷺ Ne Farmaya Agar Tum Chaho To Main Duaa Ko Moakhkhar Kar Dun Yani Duaa Hi Nahi Karun Aur Tum Is Par Sabr Kar Lo Ye Tumhare Liye Behtar Hai Aur Agar Chaho To Duaa Kar Dun Yani Dono Option Sarkar ﷺ Ne De Diye Chahe Tum Sabr Kar Lo Is Surat Me Tumhe Aakhirat Ka Bhi Sawab Milega Aur Tumhe Jannat Mil Jayegi Aur Agar Chaho To Main Abhi Duaa Kar Dun.. Un Nabina Shakhs Ne Arz Ki Aap Mere Liye Duaa Farma Den, Achha Isliye Nahi Ki Woh Sabr Nahi Karna Chahte They Sarkar ﷺ Ne Farmaya Tumhare Haq Mein Behtar Hai Ulama Kiraam Farmate Hain Isse Murad Ye Hai Tumhe Jannat Di Jayegi Aur Woh Sahabi e Rasool Hain Woh Jante Hain Jo Sahabi Ho Jata Hai Use Waise Bhi Jannat Milni Hoti Hai To Jannati To Woh Hain Hi Hain Woh Jante Hain Unho Ne Sarkar ﷺ Se Farmaya Aap Duaa Farma Den
Nabi e Kareem ﷺ Ne Un Shakhs Ko Hukum Diya Ki Tum Achhi Tarah Wuzu Kar Ke 2 Raka'at Namaz Padho Aur Is Tarah Duaa Karo Ab Duaa Ke Alfaz Aap Gaor Se Sunen "Aye Allah Main Tujhse Mangta Hun Aur Teri Taraf Tawajjoh Karta Hun Ba-Wasila Tere Nabi Muhammad ﷺ Ke" Main Sarkar ﷺ Ke Waseele Se Teri Taraf Tawajjoh Karta Hun Aur Tujhse Mangta Hun Ke Maherbani Ke Nabi Hain Ye Nabi Jo Hain Bahut Maherban Hain Ya Rasool Allah ﷺ Main Huzoor Ke Waseele Se Apne Rab Ki Is Hazat Mein Tawajjoh Karta Hun Ki Meri Hazat Rawa Ho Yani Main Allah Ta'ala Ki Bargah Me Sarkar ﷺ Ka Waseela Le Kar Aata Hun Taki Allah Ta'ala Meri Is Hazat Ko Puri Farma De Ilahi Inki Safa'at Mere Haq Me Qubool Farma Aur Riwayto Mein Aata Hai Ye Duaa Unho Ne Farmayi 2 Raka'at Namaz Padhi Aur Ye Duaa Ki,
Achha Ye Duaa Ki Sarkar ﷺ Ne Taleem Di Unse Kya Farmaya Wuzu Karo aur 2 Raka'at Namaz Padho Aur Duaa Is Tarah Karo, To Ye Sahaba Ka Amal To Hai Hi Hai Lekin..!! Yaha Par Taleem Kiski Hai? Ye Aqeeda Sikhaya Kisne? Ye Duaa Kisne Sikhayi?? Ye Khud Sarkar ﷺ Ne Sikhayi Un Sahabi Ko Ke Sarkar ﷺ Ke Waseele Se Duaa Karo Beenai Ke Liye Yani Aankho Ki Roshni Ke Liye Aur Aange Un Riwayton Mein Aata Hai Ki Un Sahabi Ne Aisa Hi Kiya To Faoran Unki Aankhon Ki Roshni Unhein Naseeb Ho Gayi سبحان الله Ye Ibne Maja Ki Riwayat Hai Bahut Sari Kitabon Me Ye Riwayat Hai Ibne Maja Jild 1 Safha 441 Mein Ye Riwayat Maujood Hai To Isme Khud Sarkar ﷺ Ne Waseela Lene Ki Taleem Ata Farmayi.
Continue...
https://t.me/Aqaid_Course
Ubaid-e-Raza official
Waseele Ka Bayan :
Abhi Filhal Main Itni Hi Daleel De Deti Hoon Aap Ko... takriban 2-3 riwayat aur 2-3 Qura'an e Majeed ki aayat bata dee to kafi hai na.. Warna Bahut Sari Daleelein Waseele Par Maujood Hai Ki Waseela Hum Le Sakte Hain Theek Hai Balki Kabhi Aap Ne Futuhaat Ke Waqiye Sune Honge Na, Sarkar ﷺ Ke Wisal Ke Baad Siddique Akbar رضی الله تعالی عنه Ka Zamana Aaya Usmein Futuhaat Huin Futuhaat Yani Victories Musalmano Ne Jang Kiye Badi Badi Saltanaton Se Jang Huwa Jihad Huwa Aur Inme Mulke Shaam Tha, Faras Tha, Iraq, Iraan In Tamam Mein Badi Badi Saltanatein Thi Wahan Ki Aap Samajh Len Super Power They Us Waqt Ke To Wahan Par Sahaba Kiraam Ja Kar Jihaad Farma Rahe They
Un Jihad Ke Aap Waqiyaat Padhein To Bahut Kasrat Se Aap Ko Milega Ki Jab Bhi Taqleef Aati Na.. To Sahaba Kiraam رضی الله تعالی عنهم Sarkar ﷺ Ke Waseele Se Allah Ta'ala Ki Bargah Mein Duaa Farmate Aur Unhe Fatah Bhi Naseeb Ho Jati Theek Hai Ya Phir Baar Baar Wa Muhammada.... Wa Muhammada Hazrate Khalid Bin Waleed رضی الله تعالی عنه Ka Waqiya Bahut Mash'hoor Hai Ki Aap Ne Jab Dekha Ki Dushman Ki Fauj Bahut Badi Hai Aur Hamare Musalmanon Ka Lashkar Kam Tha Aur Achanak Is Tarah Ke Attack Huwe To Sarkar ﷺ Ko Pukara Ya Rasool Allah Ya Rasool ﷺ Yani Unsurni Ke Alfaz Aate Hain, Umdudni Ke Alfaz Aate Hain Agisni Ke Alfaz Aate Hain Yani Hamari Madad Farmaiye To Ye Cheezein Waseele Ke Saboot Hain.
Continue...
https://t.me/Aqaid_Course
Ubaid-e-Raza official
Waseele Ka Bayan :
Achha To Ye To Maine Abhi Saboot Ke Bare Mein Bata Diya Ab Dekhiye Is Par Aytrazaat Bhi Aate Hain Aytrazaat Kya.? Aytrazaat Ye Hote Hain Ki Quraan e Majeed Mein Pehla To Aytraz Kuch Log Ye Karte Hain Ki Wasile Ka Saboot Kahi Par To Hai Hi Nahi Theek Hai Unke Liye To Abhi Maine Jawab De Diye Itni Sari Daleelein Aap Ko De Dee Ye Kya Tha? Quraan e Majeed Mein Wazeh Allah Ta'ala Ne Farmaya Hai Surah Mayda Ki Aayat No. 35
وَ ابْتَغُوْۤا اِلَیْهِ الْوَسِیْلَةَ
Allah Ta'ala Ki Taraf Waseela Dhondo.
Achha Fir Wahi Zindon Ka Le Sakte Hain معاذ الله Jo Wisal Kar Gaye Unka Nahi Le Sakte Ye Iska Bhi Jawab Maine De Diya,
Kuch Kahte Hain Ki Insaano Ka Waseela Nahi Le Sakte Aap Ibadaton Ka Waseela Le Sakte Hain Jaise Namaz Ka Waseela Bana Sakte Hain Kyun Ki Allah Ta'ala Ne Quraan e Majeed Mein Farmaya "Namaz Aur Sabr Se Madad Hasil Karo", To Namaz Aap Padho Aur Sabr Karo Aur Inke Waseele Se Fir Duaa Mango Ye Theek Hai Is Tarah Kahte Hain To Dekhiye Ye Kahte To Hain Ki Aap Ne Namaz Padhi Hai To Iska Waseela Len... To Dekhiye Namaz Jo Hai Ek To Abhi Maine Jo Aap Ko Daleel Dee Ismein To Sarkar ﷺ Se Hi Waseela Hai Hazrate Abbas رضی الله تعالی عنه Ka Waseela Tha To Ye Ibadatein To Nahi Thi Na..? Ye To Ayen Allah Ke Mahboobon Ka Waseela Sahaba Kiraam Ne Liya Tha Ek baat To Ye
Dusri Baat Ye Ki Namaz Wagaira Ka Bhi Wasila Le Sakte Hain Jaise Quraan e Majeed Ki Aayton Mein Hai Ki Isse Madad Hansil Karo Thik Hai, Lekin..!! Namazein Hamari Qubool Hongi Ya Nahi Kya Hame Guarantee Hai?? Ye To Guarantee Hai Hi Nahiii Na.. Kisi Se Bhi Aap Puch Le Aap Namaz Padh Rahe Hain Aap Ke 100% Guarantee Ke Sath Kah Sakte Hain Ki Qubool Hogi? To Woh Kahega Ki Nahi Mujhe Allah Ta'ala Ki Rahmat Se Ummeed Hai Ki Qubool Hogi Lekin 100% Guarantee To Koi Nahi Deta To Jis Cheez Ke Bare Me Aap Guarantee Nahi Hai Ki Woh Qubool Huwi Bhi Hai Ya Nahi Uska Wasila Agar Aap Pesh Kar Sakte Hain To Mere Aaqa o Maula Sarkar ﷺ To Allah Ta'ala Ki Bargah Mein Qubool Hi Hain Aap Ke Zaban e Mubarak Se Jo Alfaz Nikle Woh Qubool Hi Qubool Hain To Unka Waseela Hum kyun Nahi Le Sakte.? Jab Ek Ibadat ke Bare Mein Hum Confirm Hi Nahi Hain Ki Ye Waseela Ban Sakti Hai Ya Nahi Yani Ye Qubool Hui Bhi Hai Ya Nahii Unke Bare Mein Hum Waseela Le Sakte Hain To phir Sarkar ﷺ Jo Maqbool Hain Jo Allah Ta'ala Ke Pyare Auliya Allah Ta'ala Ki Bargah Mein Maqbool Hain Unka Wasila Lena Kaise Galat Ho Sakta Hai.? Thik To Ye Is Par Aqli Daleel Bhi Hai
Aqle Saleem Jiske Paas Hoti Hai Na... Isliye Dekhein Aqaid Mein Woh Word Tha Aqle Saleem Shayad Abhi Woh Aap Ko Samjha Ho Aqal To Log Istemal Karte Hain Lekin Woh Aqle Saleem Hona Chahiye Jo Bhi Aqle Istemal Kar Ke Kahte Hain Na Is Tarah Kaise Ho Sakta Hai, Waise Kaise Ho Sakta Hai... Woh Isi Liye Hai Ki Ke Inke Aqlon Par Parda Pada Huwa Hai Inke Dilon Mein Ambiya Kiraam Ke Kiye معاذ الله Hasad Hai Auliya Kiraam Ke Liye Bugz Hai Qeena Hai Inke Liye Buri Cheezein Bhari Huwi Hai Na.. Isliye Inke Aqeede Bigad Gaye To Aqal Honi Chahiye Lekin Aqle Saleem Honi Chahiye Allah Ta'ala Se Hamesha Duaa Farmani Chahiye Ki Allah Ta'ala Hame Aqle Saleem Ata Farmaye kyun Ki Aqle Saleem Bande Ko Fir Hidayat Ki Taraf Le Kar Ja Sakti Hai Bahrhaal To Ye To Kuch Maine Aap Ko Aytrazaat Bataye.
Continue...
https://t.me/Aqaid_Course
Ubaid-e-Raza official
Waseele Ka Bayan :
Fir Dusre Aytrazaat Umuman Badmazhabon Ki Taraf Se Yahi Sawal Aata Hai Ki Allah Ta'ala Ne Waseele Se Mana Farmaya Hai Isko Kufr Kaha Hai Ya Shirk Kaha Ya Unke Liye Azaab Ki Waeed Aayi Hai Is Tarah Woh Aaytein Pesh Karte Hain Achha Aur Fir Kya Kahte Hain Quraan E Majeed Mein Taqriban 24 Aaytein Aisi Aayi Hain Jo Waseele Ke Upar Hai, (Abhi Maine Jo Aayate Batayi Ye Kiso Ko Nazar Nahi Aa Raha Hai Wazeh Taur Par Isme Waseele Ka Hukm Diya Hai,) Ye 24 Aayat Pakad Kar Ghum Rahe Hote Hain Ki 24 Aayat Mein Allah Ta'ala Ne Wasile Ka Inkar Kiya Hai Fir معاذ الله Kuch To Itna Jhhoot Bolte Hain Ki Kahte Hain Ki Taqriban 500 Aayat Quraan E Majeed Mein Aisi Hai Jisme Kaha Gaya Hai Ki Aap Waseela Nahi Le Sakte Aap Ya Rasool Allah Nahi Bol Sakte. Halanki..!! Ek Bhi Aayat Aisi Nahi Hai Ki Jo Ye Sabit Kar De Ki Ye Waseela Najaiz Hai
Achha Jo Ye Aayatein Ye Pesh Karte Hain Zahir Si Baat Hai 24 Hai Bolenge 24 Bayan Karo To 24 Bayan Bhi Kar Dete Hain Ki Dekhiye Ye Aayat Hai Ye Aayat Hai... Ye Aayat Hai... Halanki..!! Ye Bhi Inka Jhhoot Hi Hota Hai Kyun? Kyun Ki Ye Jo Aayte Hoti Hain Ye Kuffar Ke Bare Mein Hai Kuffar Jo Tareeqe Ke Waseele Lete They Na... Is Bare Mein Allah Ta'ala Ne Mana Farma Diya Ki Is Tarah Waseele Nahi Lena Jaise Kuffare Makka Ke Waseela Lene Ka Tareeka Kya Tha? Unka Tareeka Ye Tha Ki Woh Butein Banate They Aur Un Buton Ko Pujte They Aur Jab Unse Pchhte They Na Ki Aap Inki Pooja Kyun Kar Rahe Hain To Woh Kahte Hain Ki Ye But Ki Hum Puja Karenge Na To Ye Hamko Allah Ki Taraf Le Jayege Yani Humko Allah Se Milayenge Allah Se Kareeb Kar Denge Aur Quraan E Majeed Mein Isko Shirk Kaha Gaya Hai Usko Najayiz Kaha Gaya Hai To Ye Jo Kuffare Makka Ka Tareeka Tha Ki Buton Ko Waseela Bana Kar Allah Ke Kareeb Hona Chahte They Isko Allah Ta'ala Ne Mana Farma Diya
Aap Kitni Tafseeron Ki Kitabein Dekh Len Rawaytein Dekh Len Sab Mein Yahi Likha Hoga Ki Ye Aayat Auliya Allah Ke Bare Mein Nahi Hai Allah Ke Pyaron Ke Bare Me Nahii Hai Balki Ye Kuffar Ke Bare Mein Hai Ki Kuffar Is Tarah Ki Cheezein Karte They To Fir Allah Ta'ala Ne Mana Farma Diya Aur Ye Sahi Bhi Hai, Ki Buton Ke Samne Woh Ja Kar Puja Karte Hain Agarche Woh Kah Rahe Hain Ki Ye Allah Nahi Hai Lekin Pooja To Kar Rahe Unki Ibadat To Kar Rahe معاذ الله To Ye Kya Huwa?? Shirk Hi Huwa Na?? Bhale Allah Ke Barabar Samjho, Chhota Samajh Kar Karo Jo Bhi Karo Pooja To Kar Rahe Ibadat To Kar Rahe Shirk To Huwa Hi Na? To Isliye Allah Ta'ala Ne Mana Farmaya
Aur Dusri Baat Ye Thi Ki Woh Is Wasile Ko معاذ الله Is Tarah Samajhte They Ki Pooja Paat Kiye Begair Allah Ta'ala Ke Paas Banda Pahuch Hi Nahi Sakta معاذ الله Goya Ki Inka Waseela Allah Ke Liye Zaruri Hai Jaisa Ye Bata Rahe They, To Is Tarah Ki Ye Buri Cheezon Ko Allah Ta'ala Ne Quraan E Majeed Mein Wazeh Farma Diya Ki Is Tarah Ka Waseela Lena Jayiz Nahiii Hai, To Ye Jitnei Bhi Aaytein Badmazhabon Ki Taraf Se Pesh Ki Ja Saki Hain Ki Dekhiye “Isme Waseele Se Inkar Hai ... Isme Waseele Se Inkaar Hai... Isme Waseele Se Inkar Hai..” To Ye Tamaam Cheezein Kuffar Ke Liye Hain.
Continue...
https://t.me/Aqaid_Course
Ubaid-e-Raza official
Waseele Ka Bayan :
Aur Sarkar ﷺ Ki Riwayton Ka Khulasa Hai Ki Badtareen Makhlooq Woh Hai Ki Jo Ek Aayat Kafir Ke Bare Mein Nazil Huwi Hai Usko Musalmano Par Chapsa Karte Hain Yani Koi Ek Aayat Kafiron Ke Bare Me Nazil Huwi Ki Kuffar Ke Liye Allah Ta'ala Ne Is Tarah Ke Azaab Rakkhe Hain To Fir Woh Kahe Ki Nahiii Ye Musalmano Ke Liye Hai معاذ الله Ye To Quraan Ke Sath Khel Huwa Na? To Ye Is Tarah Ke Khel Karte Hain To Jo Aayte Pesh Kar Di Jati Hain Unme Se Koi Bhi Musalmano Ke Liye Nahii Hai Tamam Ki Tamaam Kuffar Ke Liye Hai To Ye Maine Aap Ko Generally Short Mein Bata Di Woh Tamam Aayton Ka Agar Main Tilawat Karu Aur Samjhaun To Bahut Taweel Ho Jayega
To Bahrhaal Ye Jo Waseele Ke Inkar Mein Aayi Hain Ki Woh To But Hai Woh To Kuch Nahi Kar Sakte Woh To Apni Naak Mein Baithi Makkhi Ko Hata Nahi Sakte, Kisi Cheez Ko Paida Nahi Kar Sakte, Is Tarah Ki Baatein Woh Quraan e Majeed Me Jo Aayi Hain Woh Buton Ke Liye Aayi Hain Auliya Allah Ka Isse Talluq Nahi Hai Niyaton Mein Farq Hota Hai Hum Jo Waseela Lete Hain Aur Ye Hamare Imaan Ka Hissa Hai Aqeede Ka Hissa Hai Jab Hum Auliya Se Madad Talab Karte Hain To Hargiz.. Hargiz Hum Unki Pooja Nahi Karte, Kya معاذ الله Hum Mazaron Par Ja Kar Pooja Karte Hain?? Ya Samajhte Hain Ki Ye Mazar Hamara Khuda Hai?? Hum Isko Sajda Karte Hain??? العیاذ باللہ Hargiz Hamara Ye Aqeeda Nahiiiii Hai Na,...
Ye Allah Ke Nek Bande Hain Ye Samajh Kar Hum Wahan Ja Kar Duaa Karte Hain, Sajda e Tazeemi Waise Bhi Haraam Hai, Mazar Ko Nahi Kar Sakte, Han Duaa Karte Hain Ki Allah Ke Nek Bande Hain Ye Farq Hai Hum Ja Kar Inko Allah Ka Nek Banda Mante Hain معاذ الله Allah Ya Koi Dusra Khuda Nahii Mante, Lekin..!! Jo Kuffar Waseela Pesh Karte They Unko Khuda Man Kar Unki Pooja Kar Kar Waseela Mangte They To Isliye Mana Kiya Gaya Hai
Jis Tarah Aabe Zam Zam Mubarak Pani Hai Aur Kuffar Ganga Ka Pani Le Kar Aate Hain Woh Bhi Usko Pee Rahe Hain Ya Usme Nahan Rahe Hain Usko Laga Rage Hain, Hum Bhi Karte Hain To Kya Kahenge? Ki Ab Aabe Zam Zam معاذ الله Ganga Ke Pani Mein Similarity Nazar Aa Gai To Aabe Zam- Zam Bhi Ab Aap Na Piyo Isko Apne Jism Par Na Malo?? Nahii... Kyun? Farq Hai..!! Woh Shirkiya Aqeeda Lekar Woh Kaam Karte Hain Hum Aabe Zam Zam Ko Respect Isliye Dete Hain Ki Ye Ek Nabi Ke Edi Se Nikla Huwa Pani Hai Ye Maujze Wala Pani Hai, Barkat Wala Pani Hai Aabe Zam Zam Ki Bahut Sari Fazilate Hain To Ye Farq Hai To Baharhaal Hamari Cheezein Jo Bhi Hoti Hain Isme Niyat Hamari Hargiz Kisi Shirkiya Cheez Ki Nahi Hoti.
Continue...
https://t.me/Aqaid_Course
Ubaid-e-Raza official
Waseele Ka Bayan :
Fir Kuch Aayat Is Tarah Pesh Karte Hain Main Aap Ko Sirf Tarjuma Suna Deti Hoon Ki : Allah Ta'ala Sarkar ﷺ Se Farmata Hai Ki Barabar Hai Ki Aap Inke Liye Duaa e Maghfirat Karen Ya Na Karen Allah Ta'ala Nahi Bakhshega Yani Ek Aayte Mubarka Hai Ki Allah Ta'ala Sarkar ﷺ Se Farma Raha Hai Ki Aap Unke Liye Duaa e Maghfirat Chahe Karen Ya Na Karen Ye Barabar Hai Yani Allah Ta'ala Inko Bakhshne Wala Nahi Hai To معاذ الله Ye Kahte Hain Ki Dekhiye Sarkar ﷺ Ki Duaa Ki Koi Value Nahi Hai معاذ الله Agar Sarkar ﷺ Ka Waseela Durust Hota To Fir kyun Allah Ta'ala Farmata Ki Chahe Aap Unke Liye Duaa e Maghfirat Karen Unki Duaa Qubool Nahi Hogi,!?
Halanki..!! Is Aayat Se Pahle Ye Surah Munafiqeen Ki Aayat Hai Isme Is Aayat Se Pahle Khulasa Maujood Hai Isse Previous Wali Aayat ko Chhod Dete Hain To Aisa Lagta Hai Ha Shayed Waseele Ka Inkar Hai, Nahii...! Agar Pichhli Aayat Se Quraan e Majeed Padhenge Na.. To Bilkul Clear Hai Ye Aayat Un Munafiqeen Ke Bare Mein Utri Thi Jo Huzoor ﷺ Ka Inkar Karte They Aur Woh Chahte They Jaise Aaj Kal Ke Dewobandi Kahte Hain Na.. Direct Allah Tak Hum Pahuch Sakte Hain Humko Darmiyan Mein Kisi Waseele Ki Zarurat Nahi Hai معاذ الله Ye Jo Direct Connection Wale They Na.. Ye Us Daur Ke Munafqeen Ka Bhi Yahi Tha Ki Hum Direct Allah Ki Bargah Mein Pahuch Sakte They
Jab In Munafiqo Se Kaha Jata Ki Aao Allah Ke Nabi Ke Bargah Mein Aao Tumhare Liye Duaa e Maghfirat Karenge To Woh Log Kya Kahte They Ki Nahii Hum Nahi Aayege Woh Muh Mod Lete They Takabbur Karte They Aur Sarkar ﷺ Ki Bargah Mein Hazir Nahi Hote They To Allah Ta'ala Ne Fir Irshad Farmaya Ki Aye Mahboob Jo Aap Se Beniyaz Ho Aur Aap Ki Rahmat Se Woh معاذ الله Guroor Mein Muh Mod Le Aise Log Ki Jinko Kaha Ja Raha Hai Sarkar ﷺ Ki Bargah Me Aao Tumhare Liye Duaa e Maghfirat Karenge To Woh Muh Mod Le Rahe Hain Takabbur Kar Rahe Hain To Agar Inke Liye Aap Chahe Duaa e Maghfirat Karen Ya Na Karen Ye Aap Ka Karam Hai Inke Haq Mein Bhi Aap Duaa e Maghfirat Kar Rahe Hain Lekin Hum Inhe Bakhshne Wale Nahi Hain kyun Ki Hum Nahi Chahte Ki Koi Tumhare Waseele Ke Begair Jannat Mein Jaye
To Is Aayat Mein To Darasal Waseele Ka Saboot Hai Allah Ta'ala Ne Narazgi Ka Izhar kyun Kiya? Kyun Ki Woh Sarkar ﷺ Ka Waseela Lene Se Inkar Kar Rahe The... Direct Allah Ki Bargah Mein Pahuchna Chahte They To Allah Ta'ala Ne Mana Farma Diya, Farma Diya Ki Unki Bakhshish Nahi Hogi kyun? Kyun Ki Woh Sarkar ﷺ Ke Waseele Ko Importance Nahi De Rahe They To Ye Aayat Darasal Mein Waseele Ka Saboot Hai Jisko Ghuma Fira Kar Log Waseele Ke Khilaf Pesh Karte Hain.
Continue...
https://t.me/Aqaid_Course
Ubaid-e-Raza official
Waseele Ka Bayan :
Isi Tarah Hazrate Nooh علیہ السلام Ka Waqiya Qura'an e Majeed Mein Bayan Kiya Gaya Hai Na Ki Unke Bete Ne Kaha Tha Jo معاذ الله Kafir Tha Usko Nooh علیہ السلام Ne Kaha Tha Kashti Par Savaar Ho Jaye Nooh علیہ السلام Uske Liye Duaa e Maghfirat Wagaira Karenge To Usne Inkar Kar Diya To Isme Allah Ta'ala Ne Nooh علیہ السلام Se Farmaya Ki Aye Nooh Ye Aap Ke Ghar Walon Se Nahi Hai Iske Aamal Kharab Hain Yani Aap Iski Sifarish Na Karen Nooh علیہ السلام Se Kah Diya Gaya Tha To Maloom Huwa Ki Jiske Aamal Kharab Hon Aur Uske Liye Nabi Agar Duaa Kar Den To “Nabi Ki Duaa Bhi Qubool Nahi Hoti” Ye Aytraaz Hai..? Bure Aamal Wale Ki Sifarish Agar Nabi Bhi Kar Den To Woh Qubool Nahi Hoti..?
Halanki...!!! Aisa Nahi Tha, Woh Jo Nooh علیہ السلام Ka Beta Tha Woh Takabbur Kar Raha Tha Usne Kufr Ikhtiyar Kiya Aur Usne Nooh علیہ السلام Ke Waseele Ko Thukra Diya Usne Kaha Main Aap Ke Waseele Yani Aap Jo Duaa Karenge Hame Uski Zarurat Nahi Hai Main Pahad Par Chadh Jaunga To Pani Mujhe Nahi Chhu Payega Is Tarah Ki Baatein Usne Ki To Ye Nabi Ke Waseele Ko Thukrane Ke Liye Aur Isko Mamuli Si Cheez Samjhne Ke Liye Phir Allah Ta'ala Ne Yun Farmaya Ki Ye Aap Ke Ahlo Ayal Mein Se Nahi Hai Aap Ke Ghar Walon Mein Se Nahi Hai Iska Nasab Aap Se Nahi Hai Yani Aap Ka Aulad Hi Nahi Hai,
To Yahan Par Bhi Waseele Ke Inkar Ki Wajah Se Yun Irshad Farmaya Gaya Hai Isliye Nahi Ki Waseela Jayiz Nahi Hai..., Waseela To Jayiz Hai Lekin Isliye Mana Kiya Gaya Hai Ki Woh Waseele Ki Value Ko Nahi Samajh Rahe They Usko معااذ الله Uski Disrespect Kar Rahe They.
Continue...
https://t.me/Aqaid_Course
Ubaid-e-Raza official
Waseele Ka Bayan :
Phir Ek Aytraaz Ye Aata Hai Ki Agar Waseela Jayiz Tha To Phir Imaam e Hussain Ke Sath Karbala Mein Itna Bada Waqiya kyun Pesh Aaya? Ki Aap Ko Shaheed Kar Diya Gaya, Pani Roka Gaya To Fir Sarkar ﷺ Ne Imaam e Hussain Ki Madad kyun Nahi Farmayi..? Ye Aytraaz Hai..!
Iska Jawab :- Waseele Ka Topic Chal Raha Hai Na To Dekhiye Aap Har Saal Pure karbala Ka Waqiya Sunte Hain Na? Pure Waqiya Mein Kahi Aap Ne Suna Ki Imaam e Hussain Ne Sarkar ﷺ Ka Waseela Pesh Kiya Ho Ki Allah Ta'ala Hum Par Pani Barsha De Ya Inko Nesto Nabood Kar De Is Tarah Kahi Kaha Tha Imaam e Hussain Ne..? Jab Duaa Hi Nahi Ki To Ye Waseele Mein Lane Ki Kya Zarurat Hai. ?? Ye Imaam e Hussain رضی الله تعالی عنه Ka Sabr Tha Ye Aap Ka Isteqamat Thk Ki Aap رضی الله تعالی عنه Ne Ye Duaa Na Farmayi Ki Allah Ta'ala Barish Nazil Farma De, Nahii Balki Aap Sabr Ka Muzahra Farmaye
Kyun? Kyun Ki Ye Aap Jante They Ki Ye Allah Ta'ala Ki Riza Isme Hai Woh Allah Ta'ala Ki Muhabbat Mein Sarkar ﷺ Ki Muhabbat Mein Shariat Ki Muhabbat Mein Jaan Tak Dene Ke Liye Ready Thay To Is Liye Aap Ne Waseela Manga Hi Nahi.. Mangte To Aisa Mumkin Hi Nahi Hai Ki Woh Duaa Qubool Na Ho Balki Imaam e Hussain Ke Waseele Se Aaj Hamare Gharon Mein Aafaten Door Ho Jati Hain.. Aap Ke Waseele Se Hum Duaaein Mangen To Hamari Hajatein Puri Ho Jati Hain.. To Aisa Kaise Ho Sakta Hai Ki Imaam e Hussain Waseela Pesh Karen Aur Woh Pura Na Ho.? Balki Imaam e Hussain رضی الله تعالی عنه Agar Ungli Ka Ishara Farma Dete Na Ulama Kiraam Farmate Hain Ki Zameen Fat Jati Aur Chashme Zaari Ho Jate Naher Bah Jati Aap Ishara Farmate To Nahre Furat Jo Wahan Par Thi Woh Chal Kar Aap Ke Qadam Bosi Ke Liye Aa Jati
To Ye Imaam e Hussain رضی الله تعالی عنه Ne Karbala Mein Sabr Zahir Farmaya Hai Apni Karamate Zahir Nahi Ki Hain Woh Sabr Zahir Karne Ka Makaam Tha, Karamat Zahir Karne Ka Maqam Nahi Tha Isme Hum Gunahgaron Ke Liye Taleem Thi Ki Allah Ta'ala Ki Taraf Se Kitni Bhi Sakht Aazmaish Ho Agar Allah Ta'ala Ki Riza Usme Shamil Hai Fir Us Par Sabr Karna Momin Ki Shaan Hoti Hai. Momin Ki Shaan Kya Hoti Hai? Ki Jab Pata Chal Jaye Ki Allah Ta'ala Ki Riza Is Cheez Mein hai To Fir Chahe Woh Kitni Hi Taqleef Deh kyu Na Ho Fir Momin Wahi Hota Hai Ki Jo Kahe Ki Mera Rab Jisme Razi Hai Mera Rasool Jisme Razi Hai Main Usme Razi Hoon To Ye Qarbala Ka Sabaq Tha Jo Aap Ne Hum Tak Pahuchaya, To Koi Ye Hargiz Na Soche Ki Waseela Agar Hota To Fir kyun Nahi Madad Kiya? Kyun Ki Imaam e Hussain رضی الله تعالی عنه Ne Is Tarah Ki Duaaein Hi Nahi Ki Thi.
🌹 Yahan 👆🏻Par Waseele Ka Topic Complete Ho Gaya 🌹
Continue...
https://t.me/Aqaid_Course
Ubaid-e-Raza official
